ހުޅުމާލޭގައި ބިނާކުރާ ފުޓްސަލް އެރީނާގެ މަސައްކަތް 18 މަސްދުވަހުގެ ތެރޭގައި ނިންމުމަކީ އުންމީދެއް ކަމަށް ސްޕޯޓްސް މިނިސްޓަރު އަބްދުﷲ ރާފިއު (ރާއްޕެ) ވިދާޅުވެއްޖެ. ލިއޯ ޓްރޭޑިންއާ ހަވާލުކޮށްގެން ކުރިއަށްގެންދާ މި މަޝްރޫއަކީ ފުޓްސަލް ކުޅުންތެރިންނަށް ބޭނުންވާ އިންޑޯ ވަސީލަތްތައް ގާއިމުކުރުމަށް ފެށި މުހިންމު މަސައްކަތެއް
"ދިވެހިންގެ ބިން ދިވެހިންނަށް" ގައުމީ ހަރަކާތުގެ ފަރާތުން ރޭ ބޭއްވި "ގައުމީ ހަރަކާތް" އެއްވުމުގައި، ގިނަ ސިޔާސީ ޕާޓީތަކަކަށް ނިސްބަތްވާ މީހުން ބައިވެރިވެ، ރަސްމާލެއިން 500 ހެކްޓަރުގެ ބިން ޔޫއޭއީގެ އީގަލް ހިލްސް ކުންފުންޏަށް ދިނުމާއި، ބޭރު މީހުންނަށް ރާއްޖޭގައި ވަޒަންވެރިވެވޭ ގޮތަށް ހުށަހަޅާފައިވާ ގާނޫނުތަކާ ދެކޮޅަށް އަޑުއުފުލާފައި. މި އެއްވުމުގައި ވާހަކަ ދެއްކެވި ކުރީގެ ރައީސް އަބްދުﷲ ޔާމީނާއި، އެ ހަރަކާތުގެ ތަރުޖަމާނު އަލީ ހުސައިނާއި، އިމްރާން އަބްދުﷲ އަދި މައުރޫފް ޒާކިރު ވަނީ، އީގަލް ހިލްސްއާއެކު ވެފައިވާ އެއްބަސްވުން ހުއްޓާލުމަށް ނުވަތަ އެކަމުގައި އާންމު ރައްޔިތުންގެ މެދުގައި ފެންނަ ނުފެންނަ ވޯޓެއް ނެގުމަށް ސަރުކާރަށް ގޮވާލައްވާފައި. ރައީސް ޔާމީން ދެއްވި އިންޒާރުގައި، ކުރިއަށް އޮތް ސަރުކާރަކުން އެއްވެސް ބަދަލަކާ ނުލައި އެ އެއްބަސްވުން ބާތިލްކުރާނެ ކަމަށާއި، އެކަމުގައި ބައިވެރިވި ފަރާތްތަކުގެ މައްޗަށް ޖިނާއީ ދައުވާ އުފުލާނެ ކަމަށް ވިދާޅުވި.. އަދި އަލީ ހުސައިން ފާހަގަކުރެއްވި ގޮތުގައި، ބޭރު މީހުން ރާއްޖޭގައި ވަޒަންވެރިކުރުވުމަކީ ސަރުކާރުގެ 2023 ވަނަ އަހަރުގެ މެނިފެސްޓޯގައި ހިމެނޭ ކަމެއް ނޫން ކަމަށާއި، ގާނޫނުއަސާސީގެ 115 ވަނަ މާއްދާގެ ދަށުން އެފަދަ ކަމެއް ނިންމަންވާނީ ރައްޔިތުންގެ މެދުގައި ނަގާ ވޯޓަކުން ކަމަށް އޭނާ ވިދާޅުވި.
