ރިޕޯޓު ފޮތް ހިފައިގެން އަހުމަދިއްޔާ ސްކޫލުގެ ދަރިވަރަކު ނުކުންނަނީ. ފުރަތަމަ ސެމިސްޓާގެ ކިޔެވުން މިއަދު ނިމުނުއިރު، ފެށޭ ހަފުތާ ސްކޫލްތައް ބަންދުވާނެ. -- ފޮޓޯ: މުހައްމަދު ޝަހުޒާން / އަދަދު

ރިޕޯޓު ފޮތް ހިފައިގެން ހިރިޔާ ސްކޫލުގެ ދަރިވަރަކު ގެއަށް ދަނީ. ރާއްޖޭގެ ހުރިހާ ސްކޫލެއްގެ ދަރިވަރުންނަށް މިއަދު ރިޕޯޓު ފޮތް ބެހި -- ފޮޓޯ: މުހައްމަދު ޝަހުޒާން / އަދަދު

ފުރަތަމަ ސެމިސްޓާގެ ކިޔެވުން ނިމި، ސްކޫލްތައް ބަންދުވުމުން ބެލެނިވެރިޔަކު ދަރިވަރަކާ އެކު ފޮޓޯއެއް ނަގަނީ. ޗުއްޓީއަށް ފަހު ދެން ސްކޫލްތައް ހުޅުވޭނީ އޮކޮޓޯބަރު 6، ގައި. ފޮޓޯ: މުހައްމަދު ޝަހުޒާން / އަދަދު

ފުރަތަމަ ސެމިސްޓާގެ ކިޔެވުން ނިމި، ޗުއްޓީ ލިބުމުން އަހުމަދިއްޔާ ސްކޫލުގެ ތުއްތު ކުއްޖަކު އުފަލުން. އެ ސްކޫލުގެ ހުރިހާ އުމުރުފުރައެއްގެ ކުދީންނަށް މިއަދު ވަނީ ރިޕޯޓު ފޮތް ދީފައި. ފޮޓޯ: މުހައްމަދު ޝަހުޒާން / އަދަދު

ރިޕޯޓު ފޮތްތަކާ އެކު ޖަމާލުއްދީން ސްކޫލުގެ ދަރިވަރުންތަކެއް ފޮޓޯއަކަށް ހުއްޓިގެން. ރާއްޖޭގެ ސްކޫލްތަކުގައި 40،300 އަންހެން ދަރިވަރުންނާއި 42،700 ފިރިހެން ދަރިވަރުން ތައުލީމު ހާސިލު ކުރަމުންދޭ. ފޮޓޯ: މުހައްމަދު ޝަހުޒާން / އަދަދު

ރާއްޖޭގެ ހުރިހާ ސްކޫލެއްގައި މިއަދު ރިޕޯޓު ފޮތް ބެހިއިރު، މިއަދު ވީ މޫސުން ގޯސް، ވިއްސާރަ ދުވަހަކަށް. ނަމަވެސް ޗުއްޓީ ހަފުތާގައި މޫސުން ރަނގަޅު ވާނެ ކަމަށް ލަފާ ކުރެވޭ. ފޮޓޯ: މުހައްމަދު ޝަހުޒާން / އަދަދު

ފުރަތަމަ ސެމިސްޓާގެ ކިޔެވުން ނިމުނުކަން ފާހަގަ ކުރަން ތައްޔާރު ކޮށްފައިވާ ޕްރޮޕެއް ހިފައިގެން ހިރިޔާގެ ދަރިވަރަކު ފޮޓޯއެއް ނަގަނީ. އެޑިއުކޭޝަނުގެ ތަފާސް ހިސާބުތަކުން ދައްކާގޮތުގައި މާލެ ސަރަހައްދުގެ ސްކޫލްތަކުގައި އެކަނިވެސް 83،000 އެއްހައި ދަރިވަރުން ތައުލީމު ހާސިލު ކުރަމުންދޭ. ފޮޓޯ: މުހައްމަދު ޝަހުޒާން / އަދަދު

ޖަމާލުއްދީން ސްކޫލުގެ ދަރިވަރަކަށް ލިބުނު ރިޕޯޓު އެ ދަރިވަރުގެ ބެލެނިވެރިޔާ ބަލައިލަނީ. ރިޕޯޓު ފޮތް ދޫކުރާ ދުވަހަކީ ދަރިވަރުންގެ މޫނުމަތިން ހިނިތުންވުން ފެންނަ ދުވަހެއް. ފޮޓޯ: މުހައްމަދު ޝަހުޒާން / އަދަދު

އަހުމަދިއްޔާ ސްކޫލުން ރިޕޯޓު ފޮތް ލިބުނު ތުއްތު ކުއްޖަކު އުރާލައިގެން ބެލެނިވެރިޔާ ދަނީ. ދެވަނަ ސެމިސްޓާގެ ކިޔެވުން އަހަރުގެ ފަހުކޮޅަށް މިއަހަރު ބަދަލުވީ ދިރާސީ އައު އަހަރު ފެށޭ ދުވަސް މީލާދީ އަހަރާ އެއްގޮތް ކުރުމަށް ރައީސް ޑރ. މުހައްމަދު މުއިއްޒު ނިންމެވި ނިންމެވުމާ ގުޅިގެން އެކަޑެމިކް ކަލަންޑަރަށް ގެނައި ބަދަލާ އެކު. ފޮޓޯ: މުހައްމަދު ޝަހުޒާން / އަދަދު

މާލޭގެ އެތައް ސްކޫލެއްގައި ތައުލީމު ހާސިލު ކުރަމުންދާ ދަރިވަރުން މިއަދު ރިޕޯޓު ފޮތް ބަލާ ދިޔައީ ވާރޭ ވެހެމުން ދަނިކޮށް. މިއަދުގެ މޫސުން ގޯސްވި ނަމަވެސް ހޮނިހިރު ދުވަހުން ފެށިގެން މޫސުން ރަނގަޅު ވާނެ ކަމަށް ލަފާ ކުރެވޭ. ފޮޓޯ: މުހައްމަދު ޝަހުޒާން / އަދަދު

ފުރަތަމަ ސެމިސްޓާގެ ކިޔެވުން ނިންމައިލުމަށްފަހު ލިބުނު ރިޕޯޓާއި، މެޑަލް ހިފައިގެން ޖަމާލުއްދީން ސްކޫލުގެ ދަރިވަރަކު ގެއަށް ދަނީ. ޗުއްޓީއަށް ފަހު ދެން ސްކޫލްތައް ހުޅުވޭނީ އޮކްޓޯބަރު 6، ގައި. ފޮޓޯ: މުހައްމަދު ޝަހުޒާން / އަދަދު