ނިމިދިޔަ ހަފުތާ: މަސްވެރިންގެ ފާޑުކިޔުން ސަރުކާރަށް

ނިމިދިޔަ ހަފުތާ: މަސްވެރިންގެ ފާޑުކިޔުން ސަރުކާރަށް

މިދިޔަ ދުވަސްތަކުގެ ތެރޭ ރާއްޖޭގެ މަސްވެރިކަން ވަރަށް ބޮޑަށް ރަނގަޅުވެފައިވާއިރު މަސް ނުކިރޭތީ މަސްވެރިން ވަނީ ވަރަށް ބޮޑަށް ސަރުކާރާ މެދު ނިމިދިޔަ ހަފްތާގައި ކަންބޮޑުވުން ފާޅުކޮށްފަ އެވެ.

އެ މައްސަލައިގައި މަޖިލީހަށް ކުއްލި މައްސަލައެއް ހުށަހަޅައި ބޮޑު ބަހުސެއް ކޮށްފައިވެ އެވެ. ރައްޔިތުންގެ މަޖިލީހުގެ ނައިފަރު ދާއިރާގެ ޕީޕީއެމް މެމްބަރު އަހުމަދު ޝިޔާމް ހުށަހެޅުއްވި ކުއްލި މައްސަލައިގައި ވިދާޅުވީ ރާއްޖޭގެ މަސްވެރިކަން މިދުވަސް ވަރު ރަނގަޅުވެފައި ވާއިރު މަސްގަންނަ މިންވަރު ލިމިޓްކޮށްފައި ވާތީ މަސްކިރުވަން، މަސްވެރިން އެތައް ދުވަހަކު ކިއުގައި ތިބެން ޖެހޭ ކަމަށެވެ. މަސްވެރިކަމަށް ބޭނުންވާ އައިސް ހޯދާށާއި މަސްދޯނި ފަހަރަށް އަޅާނެ ތެޔޮ ހޯދަން ވެސް އެގޮތަށް ކިއުގައި ތިބެން ޖެހޭ ކަމަށް ކުއްލި މައްސަލައިގައި އޭނާ ވިދާޅުވި އެވެ.

ދަރަނި ނެގުމުގެ ގާބިލުކަން ރާއްޖޭގައި އެބަހުރި ކަމަށާއި މަޝްރޫއުތައް ކުރިއަށް ގެންދިޔުމަށް ދަރަނި ނަގަނީ އުފާވެރި ދިރިއުޅުމެއް ރައްޔިތުންނަށް ހޯދައި ދިނުމަށް ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވީ ނިމިދިޔަ ހަފްތާގަ އެވެ. ދަރަނި ނަގައިގެން ކަންކަން ކުރަނީ، ކުރިއަށް އޮތް ޖީލުތަކަށް، އެބައެއްގެ އަމިއްލަ ވަޒަނުގައި އުފާވެރި ދިރިއުޅުމެއް އުޅެވޭނެ މަގު ހޯދައިދޭން ކަމަށް އޭނާ ވިދާޅުވި އެވެ. އެކަން ކުރަން ރާއްޖޭގެ ގާބިލުކަން އެބަހުރި ކަމަށާއި އިގްތިސާދު އޮތީ ގަދަކޮށް ކަމަށް އޭނާ ވިދާޅުވި އެވެ.

Advertisement

ޗައިނާ އިން ރާއްޖޭގައި ހިންގަމުންދާ މަޝްރޫއުތައް އަވަސްކުރުމަށް މަސައްކަތްކުރައްވާނެ ކަމުގެ ޔަގީންކަން އެގައުމުން ރާއްޖެއަށް ކަނޑައަޅާފައި ހުންނަވާ ސަފީރު ވާން ލިޖިން ދެއްވީ ނިމިދިޔަ ހަފްތާގަ އެވެ.

"ވެލާނާ އިންޓަނޭޝަނަލް އެއާޕޯޓުގެ ޕްރޮޖެކްޓާއި، މައިކްރޯ-ގްރިޑް ސީވޯޓާ ޑީސެލިނޭޝަން ޕްރޮޖެކްޓާއި، [އެހެން ޕްރޮޖެކްޓުތައް] ވެސް އަވަސް ކުރަން މަސައްކަތްކުރާނަން. އެއީ ވީހާވެސް އަވަހަށް އެ ޕްރޮޖެކްޓުތަކުގެ ފައިދާ ރާއްޖޭގެ ރައްޔިތުންނަށް ލިއްބައިދިނުމަށް،" ސަފީރު ވިދާޅުވި އެވެ.

ރާއްޖޭގެ އިގްތިސާދު ހަލުވިކަމާ އެކު ކުރިއަރަމުންދާ ކަމަށާއި އެހެން ނަމަވެސް އާ ގޮންޖެހުންތަކެއް ކުރިމަތިވެފައިވާ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވީ ނިމިދިޔަ ހަފްތާގަ އެވެ. ދުނިޔޭގައި ތަކެތީގެ އަގުތައް އުފުލުމާއި ޔޫކްރެއިން-ރަޝިއާ ހަނގުރާމައިގެ ސަބަބުން އާ ރިސްކުތަކެއް ކުރިމަތިވެފައިވާ ކަމަށާއި ތަކެތީގެ އަގު އުފުލުމުން އެކްސްޓާނަލް ރިޒާވުތަކަށާއި ސަރުކާރުގެ ކޭޝްފްލޯއަށް އަންނަނީ އަސަރު ކުރަމުން ކަމަށް އޭނާ ވިދާޅުވި އެވެ.

ހުޅުމާލެއިން ގެއްލިގެން ހޯދަމުން އަންނަ ހ. ބޮނޑިކަނދޮޅުގޭ، މުހައްމަދު އަޒްހާން، 27، އެންމެ ފަހުން ފެނުނީ ހުޅުމާލެއިން ކާރަކަށް އަރަނިކޮށް ކަމަށް ފުލުހުން ހާމަކުރީ ވެސް މިދިޔަ ހަފްތާގަ އެވެ. އެއަށްފަހު އެކަމާ ގުޅޭ އިތުރު އެއްވެސް މައުލޫމާތެއް ފުލުހުން ހާމަކޮށްފައިވާއިރު އަދިވެސް އޭނާ ފެނިފައެއް ނުވެ އެވެ.

އިސްލާމް ދީނަކީ ގައުމިއްޔަތުގެ ތަނބު ކަމަށާއި ޓެރަރިޒަމްއަކީ ދިވެހިން ދަންނަ ކަމެއް ނޫން ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވީ ވެސް ނިމިދިޔަ ހަފްތާގަ އެވެ. ގައުމީ ދުވަހުގެ ޖަލްސާގައި ވާހަކަ ދައްކަވަމުން ރައީސް ވިދާޅުވީ އިސްލާމް ދީނަކީ ގައުމިއްޔަތުގެ އެންމެ ވަރުގަދަ ތަނބު ކަމަށާއި ޓެރަރިޒަމް ފަދަ ކުށްތަކަކީ "ދިވެހިން ދަންނަ ކަމެއް ނޫން" ކަމަށެވެ. ދިވެހިންނަކީ އިސްލާމް ދީނަށް ލޯބި ކުރާ ބައެއްކަން ފާހަގަ ކުރައްވައި ރައީސް ވިދާޅުވީ ދިވެހިން ބޭނުންވަނީ ސުލްހަވެރި ދިރިއުޅެއް އުޅެން ކަމަށެވެ.

ރާއްޖޭގެ ހުރިހާ ސްކޫލުތަކެއް އެއްދަންފަޅިއަށް ބަދަލުކޮށްގެން ކިޔަވައިދޭން ނުފެށިވަނީ އެކަމަށް އެކަށީގެންވާ ބަޖެޓު ނެތުމުން ކަމަށް އެޑިޔުކޭޝަން މިނިސްޓަރު ޑރ. އައިޝަތު އަލީ ވިދާޅުވީ ވެސް މިދިޔަ ހަފްތާގަ އެވެ. މި ސަރުކާރުގެ އަމާޒަކީ ހަމައެކަނި އެއްދަންފަޅިއަށް ބަދަލު ކުރުން ނޫން ކަމަށާއި ނަމަވެސް ވަށާޖެހޭ ތައުލީމެއް ފޯރުކޮށްދިނުން ކަމަށް މިނިސްޓަރު ވިދާޅުވި އެވެ. ވަށާޖެހޭ ތައުލީމެއް ފޯރުކޮށްދިނުމުގެ ކޮންސެޕްޓުގެ ދަށުން 44 ސްކޫލެއް އެގޮތަށް ފަށައިގެން ކުރިއަށްދާ ކަމަށް މިނިސްޓަރު ވިދާޅުވި އެވެ.

ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވިގެންވާ ގޮތް ބަދަލުކުރުމުގެ ގޮތުން ގާނޫނަށް ގެންނަން ޖެހޭ އިސްލާހުތައް ގެނައުމުގެ މަސައްކަތް ފަށާފައިވާ ކަމަށް އެޓާނީ ޖެނެރަލް (އޭޖީ) ގެ އޮފީހުން ހާމަކުރީ ނިމިދިޔަ ހަފްތާގަ އެވެ. އެ ކޮމިޝަނަކީ ދެފުށް ފެންނަ، ސިޔާސީ ނުފޫޒުން އެއްކިބާވެފައިވާ މުއައްސަސާއެއްކަން ކަށަވަރު ކުރުމަށްޓަކައި، ކަމާ ގުޅޭ ބައިނަލްއަގްވާމީ ހަމަތަކާއި އުސޫލުތަކަށް ރިއާޔަތްކޮށް، އެ ކޮމިޝަން އެކުލެވިގެންވާ ގޮތް ބަދަލު ކުރުމަށް ގާނޫނު އަސާސީގެ 158 ވަނަ މާއްދާއަށް އިސްލާހު ގެނައުމަށް މި ހިނގަމުންދާ މަޖިލިސް ދައުރަށް ބިލެއް ހުށަހެޅުމަށް ނިންމާފައިވާ ކަމަށް އޭޖީން ބުނެ އެވެ.

ބައެއް މުހިންމު ހަބަރުތައް

  • ގޭންގުތަކާ ދެކޮޅަށް ކުރާ މަސައްކަތް ކާމިޔާބުވާނެ ކަމުގެ ޔަގީންކަން ހޯމް މިނިސްޓަރު ދެއްވުން
  • އިންވެސްޓަރުންނާއި ކުންފުނިތައް ގުޅާލަދޭ ޑިޖިޓަލް ޕްލެޓްފޯމު ވިޔަނަ އިފްތިތާހުކުރުން
  • އަަސާސީ މުދާ ގަންނަން 189 މިލިއަން ޑޮލަރުގެ ކްރެޑިޓި ފެސިލިޓީއެއްގައި ސޮއިކުރުން
  • މާލޭ ސަރަހައްދުގެ ބިން ވަކި ބަޔަކަށް ދިނުން އިންސާފުވެރިއެއް ނޫން ކަމަށް ނާޒިމް ވިދާޅުން
  • ސަރުކާރުގެ ކުންފުނިތަކުން ދައުލަތަށް 38.5 ބިލިއަން ރުފިޔާގެ މާލީ ހިރާސް ހުރި ކަމަށް ވޯލްޑް ބޭންކުން ބުނުން
  • އިސޫ، އަހަނދު، މުއާގެ ޝަރީއަތް ސިއްރުކުރުން
  • ހަދިޔާ ކުރާނެ ކަމަށް ބުނި ދެ މިލިއަން ރުފިޔާ ރާއްޖެ ޓީވީއަށް ލިބުނުކަން ހާމަވުން

ޕީޕީއެމްގެ ރަސްމީ ވިިސްނުން؛ ޔާމީނަށް ވާދަނުކުރެވޭ ގޮތަށް އިންތިހާބު ބޭއްވިޔަ ނުދިނުން

ހަފްތާގެ ހޮވޭލެވޭ ލިޔުންތައް

  • ރާއްޖޭގެ ތާރީހުގައި ހިންގި އެންމެ ބޮޑު ހިޔާނާތް ކަމުގައިވާ، އެމްއެމްޕީއާރުސީ ހިޔާނާތް ހިންގަން ބޭނުންކުރި އެސްއޯއެފް ކުންފުނީގެ އިސް ފަރާތެއް ކަމުގައިވާ މުހައްމަދު އައްލާމް ލަތީފު (މޮހޯ) އިނގިރޭސިވިލާތުގައި ކުންފުނިތަކެއް ރަޖިސްޓްރީކޮށް، ވިޔަފާރިތަކެއް ފަށައިގެން އުޅޭކަމުގެ ތަފްސީލު މި ރިޕޯޓު މެދުވެރިކޮށް އަމަން ހަލީމް ވަނީ ގެނެސްދީފަ އެވެ.
  • މުޅި ދުނިޔެ ވެސް އިގްތސާދީ ގޮތުން ދަތި ދަނޑިވަޅެއްގައި އޮތް ވަގުތުގައި ވެސް ރާއްޖޭގެ ދަރަނި އިންތިހާއަށް އިތުރުވަމުންދާ ކަމަށާއި އާމްދަނީ އާ ނުބައްދަލު ހަރަދުތައް ސަރުކާރުން ކުރުމަކީ އިގްތިސާދު ކުރިއެރި ނަމަވެސް އޭގެ ސަބަބުން ނޭދެވޭ އަސަރުތަކެއް ކުރާނެ ކަމެއް ކަމަށް މުހައްމަދު ވިޝާމްގެ މި ރިޕޯޓުން އެނގެ އެވެ.
  • ރާއްޖެއަށް މުދާ އިމްޕޯޓުކުރާ މައި ގޭޓު ކަމަށްވާ މާލޭ ވިޔަފާރި ބަނދަރުގެ ޖާގައިގެ ދަތިކަމުގެ ސަބަބުން އިތުރަށް އެތަނުގެ ހިދުމަތްތައް ފުޅާކުރެވެން ނެތުމާ އެކު ގުޅީފަޅު އިންޓަނޭޝަނަލް ޕޯޓުގެ މަޝްރޫގެ ސަބަބުން އެ ކަމަށް ހައްލު ލިބި ރާއްޖޭގެ އިގްތިސާދަށް ބޮޑު ދިރުމެއް ލިބިގެންދާނެ ކަމަށް ސާއިފް ޝިޔާދުގެ މި ރިޕޯޓުގައި ފާހަގަކޮށްފައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox