ސްކޫލުތައް އެއްދަންފަޅިއަށް ބަދަލު ކުރަން ބަޖެޓުގެ ތާށިކަން

އަމީނިއްޔާ ސްކޫލްގެ ދަރިވަރުންތަކެއް. -ފޮޓޯ: މިރާޝް ނާޝިމް/އަދަދު

އަމީނިއްޔާ ސްކޫލްގެ ދަރިވަރުންތަކެއް. -ފޮޓޯ: މިރާޝް ނާޝިމް/އަދަދު

ރާއްޖޭގެ ހުރިހާ ސްކޫލުތަކެއް އެއްދަންފަޅިއަށް ބަދަލުކޮށްގެން ކިޔަވައިދޭން ނުފެށިވަނީ އެކަމަށް އެކަށީގެންވާ ބަޖެޓު ނެތުމުން ކަމަށް އެޑިޔުކޭޝަން މިނިސްޓަރު ޑރ. އައިޝަތު އަލީ ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ކުރެންދޫ ދާއިރާގެ މެމްބަރު އަބްދުލް ޣަނީ އަބްދުލްހަކީމް، އެއްދަންފަޅިއަށް ސްކޫލުތައް ބަދަލު ކުރުމާ ގުޅޭގޮތުން ކުރެއްވި ސުވާލަކަށް ޖަވާބު ދެއްވަމުން މިނިސްޓަރު ވިދާޅުވީ އެއްދަންފަޅިއަށް ސްކޫލުތައް ހެދުމުގެ މަސައްކަތް ފަށައިގެން ކުރިއަށް ގޮސް، މިހާތަނަށް 157 ސްކޫލެއް އެއްދަންފަޅިއަށް ބަދަލު ކުރެވިފައިވާ ކަމަށެވެ.

މި ސަރުކާރުގެ އަމާޒަކީ ހަމައެކަނި އެއްދަންފަޅިއަށް ބަދަލު ކުރުން ނޫން ކަމަށާއި ނަމަވެސް ވަށާޖެހޭ ތައުލީމެއް ފޯރުކޮށްދިނުން ކަމަށް މިނިސްޓަރު ވިދާޅުވި އެވެ. ވަށާޖެހޭ ތައުލީމެއް ފޯރުކޮށްދިނުމުގެ ކޮންސެޕްޓުގެ ދަށުން 44 ސްކޫލެއް އެގޮތަށް ފަށައިގެން ކުރިއަށްދާ ކަމަށް މިނިސްޓަރު ވިދާޅުވި އެވެ.

"އެއްދަންފަޅިއަށް ބަދަލު ކުރުމާ އެކީގަ ވަށާޖެހޭ ތައުލީމެއް އެ ސްކޫލުތަކުން ދިނުން އެއީ ވަރަށް މުހިންމު ކަމެއް. ހަމަ އެކަނި ސެޝަން ބަދަލުކޮށްލުމެއް ނޫން މުހިންމީ،" މިނިސްޓަރު ވިދާޅުވި އެވެ.

ވަށާޖެހޭ ތައުލީމެއްގައި ދަރިވަރުން ކިޔަވާނެ ގޮތް މިނިސްޓަރު ސާފުކޮށްދެއްވި އެވެ.

"މި ކޮންސެޕްޓުގައި އެންމެ ފުރަތަމަ ދަރިވަރުން ސްކޫލަށް ދާނީ 6 ޖަހާއިރު. ކަސްރަތުގެ ހަރަކާތަކާ އެއްކޮށް ދުވަސް ފެށޭނީ. އެއަށްފަހު ހެނދުނުގެ ނާސްތާ، ދެން ދަރިވަރުން ކިޔެވުމުގެ ކަންކަން. އަދި ކަރިކިއުލަމްގައިވާ އެކަޑަމިކް ކަންކަން ކުރިއަށް ގެންދާނެ، އެއީ އެކިއެކި އިޖުތިމާއީ ހަރަކާތްތަކާއި ހުނަރު ދަސްކުރުމާއި ކްލަބް އެކްޓިވިޓީސް އާ، މިހަކަލަ ވަގުތު ތަކެއް ސްކޫލުގައި ހޭދަ ކުރާނެ. ދުވަހުގެ މަސައްކަތް ނިންމާ ގެއަށް ދާނީ އިތުރު މަސައްކަތެއް ދެ އެ ދުވަހަކު ނޯންނާނެ. ވީކެންޑްސްގައި ސްކޫލަށް އަންނާކަށް ނުޖެހޭނެ،"

މިނިސްޓަރު ވިދާޅުވީ މި ކޮންސެޕްޓަށް ކިޔަވާ ދިނުމުގައި ގިނަ ގޮންޖެހުންތަކެއް ހުރި ކަމަށެވެ.

"ސިވިލް ސާވިސް މުވައްޒަފެއް ހޭދަކުރަން މި އިންނަނީ 6 ގަޑިރު، އެއީ ދެ ދަންފަޅި ސްކޫލެއްގައި. ނަމަވެސް އެއް ދަންފަޅި ސްކޫލަކަށް ވެއްޖާ އެ މުވައްޒަފު އެބަ ޖެހޭ 8 ގަޑިއިރު މަސައްކަތް ކުރަން. އެހެންވީމަ އިތުރަށް އެ ހޭދަވާ ވަގުތަށް އަޅުގަނޑުމެން އޯވަ ޓައިމް (އޯޓީ) ދޭން ޖެހޭ. އަޅުގަނޑުމެންގެ ނިޒާމު އޮތް ގޮތުން އެއަށް ކޭޓާ ކުރެވޭކަށް ނެތް،" މިނިސްޓަރު ވިދާޅުވި އެވެ.

މާލޭގެ ސްކޫލުތައް އެއްދަންފަޅިއަށް ބަދަލު ކުރުމުގައި ހާސިލް ކުރެވިފައި ވަނީ ކިހާ ވަރަކަށް ކަމާއި މާލެ ސަރަހައްދުގެ ހުރިހާ ސްކޫލެއް އެއްދަން ފަޅިއަށް ބަދަލު ކުރެވޭނެ މުއްދަތާ ގުޅިގެން، ހެންވޭރު އުތުރު ދާއިރާގެ މެމްބަރު އިބްރާހިމް މުއިއްޒު ކުރެއްވި ސުވާލަށް ޖަވަބު ދެއްވަމުން މިނިސްޓަރު ވިދާޅުވީ މާލޭގައި މިހާހާތަނަށް އެއްދަންފަޅިއަށް ހިންގަމުންދަނީ ދެ ސްކޫލެއް ކަމަށެވެ.

އެއީ އިއްޒުއްދީން ސްކޫލާއި ވިލިމާލެ މުހިއްދީން ސްކޫލެވެ.

މިނިސްޓަރު ވިދާޅުވީ އިތުރު ސްކޫލުތައް އެއްދަންފަޅިއަށް ބަދަލު ކުރުމުގެ މަސައްކަތް ފެށިގެން ކުރިއަށްދާ ކަމަށާއި މި ހަފްތާ ތެރޭގައި ޖަމާލުއްދީން ސްކޫލު އެއްދަންފަޅިއަށް ހެދުމަށް ބޭނުންވާ ކްލާސްރޫމްގެ އެއްބަސްވުމުގައި ސޮއި ކުރެވޭނެ ކަމަށެވެ.

އެކަމަށް ބޭނުންވާ ބަޖެޓު ނުލިބޭކަން ތަކުރާރު ކުރައްވަމުން މިނިސްޓަރު ވިދާޅުވީ މާލޭގެ ބައެއް ސްކޫލުތައް އެއްދަންފަޅިއަށް ބަދަލު ކުރުމަށް މިނިސްޓްރީގެ ޕްލޭނެއް އޮތް ކަމަށެވެ. ސްކޫލުތަކަށް ބޭނުންވާ ޖާގަ އޮތް ނަމަވެސް އެކަމަށް ބޭނުންވާ ބަޖެޓު ނެތް ކަމަށް މިނިސްޓަރު ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox