ހަމަތަކާއި ސުލޫކީ މިންގަނޑު

އަދަދު އޮންލައިން އާއި ސޯޝަލް މީޑިއާގެ ވަސީލަތްތަކުގައި ޝާއިއުކުރާ ހަބަރާއި މައުލޫމާތަކީ ސައްހަ، ތެދު މައުލޫމާތުކަން ކަށަވަރުކުރަން ކުރެވެންހުރި ހުރިހާ މަސައްކަތެއް ކުރާނެ އެވެ.

މައުލޫމާތު ހޯދުމާއި ހިޔާލު ފާޅުކުރުމާއި، ފާޑުކިޔުމުގެ ތެރޭގައި، ނުފޫޒުން އެއްކިބާވެ ނޫސްވެރިކަމާއި މީޑިއާގެ މިނިވަންކަން އަބަދުމެ ހިމާޔަތްކޮށް ދަމަހައްޓާނެ އެވެ.

ހަބަރާއި މައުލޫމާތު ޝާއިއުކުރުމުގައި އެ އެއްޗެއްގެ ހަގީގަތް އޮޅުވައެއް ނުލާނެ އެވެ.

ސައްހަ ނޫން މައުލޫމާތެއް ޝާއިޢުކުރެވޭ ހާލަތްތަކުގައި، އެކަން އެނގިއްޖެނަމަ އެކަން ވީއެންމެ އަވަހަކަށް އިސްލާޙުކުރާނެ އެވެ.

މައުލޫމާތު ހޯދައި ފޮޓޯ ނުވަތަ ވީޑިއޯ ނަގާނީ ތިމާއަކީ ކާކުކަމާއި އެނގޭނޭ ފަދަ ގޮތެއްގެ މަތީންނެވެ.

ޝާއިޢުކުރާ އެއްޗެއްގައި އެހެން ފަރާތެއްގެ ފޮޓޯ ނުވަތަ ކުރެހުން ނުވަތަ ވީޑިއޯ ބޭނުންކުރާނަމަ އެއެއްޗަކީ ކޮންފަރާތެއްގެ އެއްޗެއްކަން އަންގައިދޭނެ އެވެ.

ނޫސްވެރިން ހަބަރާއި މަޢުލޫމާތު ފަތުރާއިރު މައުލޫމާތު ދޭ ފަރާތް ހާމަކުރަން އިސްކަންދޭނެއެވެ. ނަމަވެސް، ނަން ހާމަކުރަން ބޭނުންނުވާ މަސްދަރުތައް ނޫސްވެރިޔާ ސިއްރުކުރާނެއެވެ.

ކްރިޓިކަލް ނިއުސްތަކުގައި ޖަވާބުދާރީވުމަށް އެކަށީގެންވާ ފުރުސަތު ދޭނެ އެވެ.

ބަރަހަނާ މަންޒަރާއި ޖިންސީ ވާހަކަތަކާއި ޖިންސީ ޢަމަލުތަކަށް ހިތްވަރުދޭ ވާހަކަތަކާއި އެފަދަ ކަންކަން ސިފަކޮށްދޭ އެއްވެސް އެއްޗެއް ޝާއިޢުކުރުމުން ދުރުހެލިވާނެއެވެ.

ޚަބަރާއި މަޢުލޫމާތު ޝާއިޢުކުރުމުގައި، ޢާންމު އިޖްތިމާޢީ މިންގަނޑުތަކަށް ނުފެތޭ ހަޑިހުތުރު ބަސްބޭނުންކުރުމުން ދުރުހެލިވާނެއެވެ.

ލާއިންސާނީ ނުވަތަ އަނިޔާވެރި މަންޒަރު ސިފަކޮށްދޭ ފޮޓޯއާއި، ވީޑިއޯއާއި އޯޑިއޯ ޝާއިޢުކުރާނަމަ، އެއެއްޗެއް ޢާންމު މަސްލަހަތާ ގުޅުންހުރި މިންވަރެއްގެ މައްޗަށް ރިޢާޔަތްކުރާނެއެވެ.

މީޑިއާގައި ޚަބަރާއި މަޢުލޫމާތު ރިޕޯޓްކުރުމުގައި، އެ ނިސްބަތްވާ މީހެއްގެ ނަސަބާއި، ދީނާއި، ޖިންސާއި، ޖިސްމާނީ އަދި ނަފްސާނީ ނުކުޅެދުންތެރިކަމާ ނުގުޅުވާނެއެވެ.

ގައުމުގެ މިނިވަންކަމާއި އިސްތިގުލާލު ގެއްލޭފަދަ ގޮތަކަށް ޤަޞްދުގައި ހަބަރާއި މައުލޫމާތު ދިނުމަށް ހިތްވަރު ނުދޭނެ އެވެ.

ހަބަރާއި މަޢުލޫމާތު ޝާއިޢުކުރުމުގައި އަނެކާގެ ޒާތީ ދިރިއުޅުން ރައްކާތެރިކުރުމުގެ ހައްގަކަށް ރިޢާޔަތްކުރާނެ އެވެ.

ކުޑަކުދިންނާއި ގުޅޭ ޚަބަރާއި މަޢުލޫމާތު ޝާއިޢުކުރާއިރު އެކުދިންގެ ކަރާމަތާއި ޙައްޤުތައް ހިމާޔަތްކުރާނެއެވެ.

ޖިންސީ ގޯނާ ލިބިފައިވާ ފަރާތްތަކުގެ މަޢުލޫމާތެއް ހާމަކުރާއިރު، އެފަރާތަކީ ކާކުކަން ހާމަވާ ފަދަ އެއްވެސް މަޢުލޫމާތެއް ހާމަކުރާނީ އެފަރާތެއްގެ ރުހުމާ އެކުގައެވެ.

އަމިއްލައަށް މަރުވުމާއި، ޓެރަރިޒަމާއި މާރާމާރީއާބެހޭ މަޢުލޫމާތު ޝާއިޢުކުރާއިރު، އެފަދަ ޢަމަލުތަކަށް ހިތްވަރު ލިބޭފަދަ ގޮތަކަށް ޝާއިޢުކުރުމުން ދުރުހެލިވާނެއެވެ.

ހަބަރާއި މަޢުލޫމާތު ހޯދުމުގައި އެއްވެސް ފަރާތަކާއެކު ދެކެވޭ ވާހަކައެއް ރެކޯޑްކުރާނީ، އިންޓަވިއުދޭ މީހާއަށް އެނގިގެން، އޭނާގެ ރުހުމާއި އެކުގައެވެ.

މީޑިއާ އޯގަނައިޒޭޝަންތަކަށާއި މީޑިއާގައި މަސައްކަތްކުރާ ފަރާތްތަކަށް ލިބިފައިވާ ހާއްސަ އިމްތިޔާޒުތަކާއި އިހުތިޔާރުތަކާއި ފުރުޞަތުތަކުގެ ފައިދާ ނާޖާއިޒު ގޮތުގައި ބޭނުމެއް ނުކުރާނެއެވެ.