އިގްތިސާދީ ދުވެލި ހަލުވި, އާ ގޮންޖެހުންތައް ވެސް އެބަހުރި: އަމީރު

އިގްތިސާދީ ދުވެލި ހަލުވި, އާ ގޮންޖެހުންތައް ވެސް އެބަހުރި: އަމީރު

ރާއްޖޭގެ އިގްތިސާދު ހަލުވިކަމާ އެކު ކުރިއަރަމުންދާ ކަމަށާއި އެހެން ނަމަވެސް އާ ގޮންޖެހުންތަކެއް ކުރިމަތިވެފައިވާ ކަމަށް ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.

ކޮވިޑާ ގުޅިގެން އެންމެ ބޮޑު އަސަރެއް އިގްތިސާދީ ގޮތުން ކުރި އެއް ގައުމަކީ ރާއްޖެ ކަމަށާއި އޭގެ ސަބަބުން ޖީޑީޕީ 33 އިންސައްތަ ދަށްވެގެން ދިޔަ ކަމަށް އިސްލާމިކް ޓްރޭޑު ފައިނޭންސް ކޯޕަރޭޝަން (އައިޓީއެފްސީ) އާއެކު ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން 189 މިލިއަން ޑޮލަރުގެ ކްރެޑިޓް ފެސިލިޓީއެއްގައި ސޮއިކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން އަމީރު ވިދާޅުވި އެވެ.

"ދުނިޔޭގައި ތަކެތީގެ އަގުތައް އުފުލުމާއި ޔޫކްރެއިން-ރަޝިއާ ހަނގުރާމައިގެ ސަބަބުން އާ ރިސްކުތަކެއް ކުރިމަތިވެއްޖެ. ތަކެތީގެ އަގު އުފުލުމުން އެކްސްޓާނަލް ރިޒާވުތަކަށާއި ސަރުކާރުގެ ކޭޝްފްލޯއަށް އަންނަނީ އަސަރު ކުރަމުން،" މި ރަސްމިއްޔާތުގައި އަމީރު ވިދާޅުވި އެވެ.

މިކަމުގެ ސަބަބުން ކުރަން ޖެހޭ ހަރަދުތައް ބޮޑުވުމާ ގުޅިގެން ކޮވިޑުގެ ތެރޭގައި ނަގާފައިވާ ދަރަންޏާ އެކު ސަރުކާރަށް ބުރަ ބޮޑުވެފައިވާ ކަމަށް އޭނާ ފާހަގަކުރެއްވި އެވެ.

"މިއަހަރުގެ ފުރަތަމަ ހަތް މަހު އެކަނި އިމްޕޯޓުގެ އަގުތައް ދެ ބިލިއަން ޑޮލަރަށް އަރައިފި. 2021 ގެ އެ އަދަދު ހުރީ 1.3 ބިލިއަން ޑޮލަރުގައި. މިއީ 648 މިލިއަން ޑޮލަރުގެ އިތުރުވުމެއް. މި އަގުތައް ތިރި ނުވެ ހުރެއްޖެނަމަ އަހަރު ނިމޭއިރު އިމްޕޯޓުގެ އަގު ހުންނާނީ 3.3 ބިލިއަން ޑޮލަރުގައި،" އަމީރު ވިދާޅުވި އެވެ.

އައިޓީއެފްސީއިން ރާއްޖޭގެ ތަރައްގީގައި ވަމުން އަންނަ އެހީތެރިކަމަށް ޝުކުރު އަދާކުރައްވައި އަމީރު ވިދާޅުވީ އެ ކޯޕަރޭޝަނަކީ ވިޔަފާރިއަށް ފައިނޭންސް ކުރުމުގައި ސަރުކާރުގެ އެންމެ ބޮޑު އެއް ބައިވެރިޔާ ކަމަށެވެ.

"ކޮވިޑުގެ ދަތި ދުވަސްވަރު އައިޓީއެފްސީން ވަގުތުން ފޯރުކޮށްދިން އެހީތެރިކަމުން ސަރުކާރުން އިގްތިސާދު ކޮޅަށް ޖެހުމަށް ކުރަމުންދިޔަ މަސައްކަތްތަކަށް ބޮޑު ބާރެއް ލިބިގެންދިޔަ،" މިއަދުގެ ރަސްމިއްޔާތުގައި ވާހަކަ ދައްކަވަމުން އަމީރު ވިދާޅުވި އެވެ.

އޭރު 1.5 ބިލިއަން ޑޮލަރާ ހަމައަށް ފައިނޭންސް ކުރުމަށް ރާއްޖޭގެ ސަރުކާރުން އައިޓީއެފްސީއާ އެއްބަސްވުމެއްގައި ސޮއިކުރި އެވެ. އެ ފެސިލިޓީ ސަރުކާރުން ބޭނުންކުރީ ބޭހާއި ސިއްހީ ސާމާނާއި ތެލުގެ ހަރަދުތަކަށެވެ.

"އޭރު ހަމަޖައްސައިން ފެސިލިޓީގެ އެހީގައި ރައްޔިތުންނަށް ބޭނުންވާ އަސާސީ މުދާ ދަތިކަމެއް ނެތި ޕެންޑެމިކްގެ ތެރޭގައި ފޯރުކޮށްދެވުނު. އޭރު ސަރުކާރުގެ އާމްދަނީ ހުރީ ދެބައިކުޅަ އެއްބައި ދަށްވެފައި،" އޭނާ ވިދާޅުވި އެވެ.

އައިޓީއެފްސީ އާއި އެސްޓީއޯގެ އެއްބަސްވުން

މި ފެސިލިޓީ ހަމަޖައްސާފައި ވަނީ އިސްލާމިކް ފައިނޭންސިންގެ މޮޑެލްއެއް ކަމަށްވާ މުރާބަހާ ފައިނޭންސިންގެ ދަށުންނެވެ. އެގޮތުން، އެސްޓީއޯއަށް ބޭނުންވާ މުދާ ސަޕްލަޔަރުގެ އަތުން ގަތުމަށް ފަހު އައިޓީއެފްސީން ވިއްކާނީ ކުޑަ ފައިދާއެއް ލުމަށްފަހު އެވެ. މިއީ އައިޓީއެފްސީން ސޮއިކުރި އެންމެ ބޮޑު ވިޔަފާރި ފައިނޭންސިން އެއްބަސްވުމެވެ.

މި އެއްބަސްވުމުގެ ދަށުން އެސްޓީއޯއިން ގަންނާނީ ތެލާއި، ކާޑުގެ ބާވަތްތަކާއި، ބޭހާއި ސިއްހީ ދާއިރާގައި ބޭނުންކުރާ އާލާތްތަކެވެ. މިއީ ކޮވިޑާއެކު ކުރިމަތިވި އިގްތިސާދީ ގޮންޖެހުންތަކުން އަރައިގަތުމަށް އިތުރު އެހީއަކަށް ވެގެންދާނެ އެވެ.

އެސްޓީއޯއިން މިދިޔަ ޖޫން މަހު ވެސް އައިޓީއެފްސީ އާއެކު މުރާބަހާ ފައިނޭންސިން އެގްރީމެންޓެއްގައި ސޮއިކުރި އެވެ. އެފަހަރު ސޮއިކުރީ 175 މިލިއަން ޑޮލަރު (2.7 ބިލިއަން ރުފިޔާ) ގެ އެގްރީމެންޓެއްގަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox