ނިމިދިޔަ ހަފްތާ: މަސް ނުކިރުމުން ގިނަ ކަންބޮޑުވުންތަކާ އެކު މަސްވެރިން އިހުތިޖާޖަށް

ގއ. ކޫއްޑޫ ބަނދަރުގައި މަސް ކިރަން ގޮސް ތިބި ދޯނިތަކެއް. މަސްވެރިން ބާނާ މަސް ގަނެ ފިނިކުރާނެ ކެޕޭސިޓީއެއް މިފްކޯގައި ނެތުމަކީ އެމީހުންގެ ބޮޑު ކަންބޮޑުވުމެއް --- ފޮޓޯ: ޒުވާން މަސްވެރިޔާ

ގއ. ކޫއްޑޫ ބަނދަރުގައި މަސް ކިރަން ގޮސް ތިބި ދޯނިތަކެއް. މަސްވެރިން ބާނާ މަސް ގަނެ ފިނިކުރާނެ ކެޕޭސިޓީއެއް މިފްކޯގައި ނެތުމަކީ އެމީހުންގެ ބޮޑު ކަންބޮޑުވުމެއް --- ފޮޓޯ: ޒުވާން މަސްވެރިޔާ

ދެކުނުގެ މަސްވެރިކަން އިންތިހާއަށް ރަނގަޅުވެ ގއ. ކޫއްޑޫގެ ކެޕޭސިޓީއަށް ވުރެ އިތުރަށް މަސް ކިރަން ދޯނިފަހަރު ދިޔުމާ ގުޅިގެން މަސް ގަންނަ މިންވަރު މިފްކޯ އިން ލިމިޓު ކުރުމުން މަސްވެރިން ނިމިދިޔަ ހަފްތާގައި އިހުތިޖާޖުކޮށް އެ މީހުންގެ ހުރި ބޮޑެތި ކަންބޮޑުވުންތައް ފާޅުކުރި އެވެ.

ދުވަހުން ދުވަހަށް މަސްވެރިން ބާނާ މަސް ކިރުމުގެ ގޮތުން އެޕްރީލް 6 އިން ފެށިގެން މިފްކޯއިން ދޯންޏަކުން ފަސް ޓަނު މަސް ކިރަމުންދާތީ ގާތްގަނޑަކަށް 50-100 އާ ދެމެދުގެ އަދަދަކަށް މަސްވެރިން ވަނީ މިދިޔަ ހަފުތާގައި ކޫއްޑޫއަށް އަރައި ހިތްހަމަނުޖެހުން ފާޅުކޮށް، އިހުތިޖާޖުކޮށްފަ އެވެ.

އެއާއެކު މަސްވެރިންގެ ޝަކުވާތައް އަޑުއަހައި، ހައްލެއް ހޯދުމަށްޓަކައި މޯލްޑިވްސް ފިޝަރީޒް ކޮމްޕެނީ (މިފްކޯ) އެކު ސަރުކާރުން ކުރި މަޝްވަރާތަކަށް ފަހު ކޫއްޑޫ ބަނދަރުގައި އޮތް ދޯނިފަހަރުގެ ހުރިހާ މަހެއް ކިރަން ފެށި އެވެ.

ރާއްޖޭގެ އިގްތިސާދު ކުރިއެރި ނަމަވެސް ދަރަނީގެ ބޮޑު ބުރައެއް އުފުލަން ޖެހުމުގެ ސަބަބުން ރާއްޖެއަށް ވަނީ ނާޒުކު ހާލަތެއް ކުރިމަތިވެފައި ކަމަށް ވޯލްޑް ބޭންކުން ބުނީ ވެސް މިދިޔަ ހަފްތާގަ އެވެ. މި އަހަރު ރާއްޖޭގެ އިގްތިސޯދު 7.6 ޕަސެންޓުގައި ކުރިއަރާނެ ކަމަށް އެ ބޭންކުން ލަފާކޮށްފައިވާ މިދިޔަ ހަފްތާ ނެރުނު "މޯލްޑިވްސް ޑިިވެލޮޕްމެންޓް އަޕްޑޭޓް" ރިޕޯޓްގައިވާ ގޮތުން އަންނަ އަހަރު ރާއްޖޭގެ ރިއަލް ޖީޑީޕީ 10.2 ޕަސެންޓަށް ކުރިއަރާނެ އެވެ.

އޭޝިއާގެ ތަރައްގީވަމުން އަންނަ ގައުމުތަކާއި ޕެސިފިކުގެ ޖަޒީރާ ގައުމުތައް ހިމެނޭ ގޮތަށް، މި އަހަރު އެންމެ ބާރު ދުވެލީގައި ކުރިއަރާނީ ރާއްޖޭގެ އިގުތިސޯދު ކަމަށް އޭޝިއަން ޑިވަލޮޕްމަންޓް ބޭންކު (އޭޑީބީ) އިން ލަފާކުރީ މިދިޔަ ހަފްތާގަ އެވެ. އަހަރަކު އެއް ފަހަރު އެ ބޭންކުން ނެރޭ އޭޝިއަން ޑިވަލޮޕްމަންޓް އައުޓްލުކްގައި ހިމަނާފައިވާ 46 ގައުމުގެ ތެރެއިން ދެ ޑިޖިޓުގައި ކުރިއަރާނެ ކަމަށް ލަފާކުރާ ހަމައެކަނި އިގުތިސޯދަކީ ވެސް ރާއްޖެ އެވެ.

ދީނީ ހަރުކަށި ޖަމާއަތްތަކުގެ ފަރާތުން ހިޔާލުފާޅުކުރުމުގެ މިނިވަންކަމަށް އޮތް ނުރައްކާ ހުއްޓުވަން ރާއްޖޭގެ ސަރުކާރުން އެދެވޭ މަސައްކަތްތަކެއްކޮށްފައި ނުވާ ކަމަށް ބުނެ ހިއުމަން ރައިޓްސް ވޮޗުން ރާއްޖެއަށް ފާޑުކީ ވެސް މިދިޔަ ހަފްތާގަ އެވެ. އެ ޖަމިއްޔާއިން މިދިޔަ ހަފްތާ ނެރުނު ރިޕޯޓެއްގައި ބުނީ ސަރުކާރުން ނޫސްވެރިކަމާއި މީޑިއާ އަދި ހިޔާލުފާޅުކުރުމުގެ މިނިވަންކަމުގެ ދާއިރާއިން ކުރިއެރުންތަކެއް ހޯދާފައިވާ ކަމަށެވެ. ނަމަވެސް, ސަރުކާރުން ބައެއް އެހެން ކަހަލަ މުހިންމު ބަދަލުތައް ގެނައުމުގައި ފަރުވާކުޑަ ކޮށްފައިވާ ކަމަށެވެ.

ޓެރަރިޒަމްގެ ތުހުމަތެއްގައި ރާއްޖޭގެ ޖަލެއްގައި ބަންދުކޮށްފައި ހުއްޓައި މަރުވި ޔަމަންގެ ޔާސިރު ޔަހްޔާ ސޯލިހް އާއި އައިސިސްގެ ރާއްޖޭގެ ލީޑަރު ކަމަށް ތުހުމަތު ކުރާ މުހައްމަދު އަމީންއާ ގުޅުމެއް އޮތް ކަމަށް ދައުލަތުން ޝަރީއަތަށް ހުށަހެޅި ހެކިވެރިއަކު ބުނީ ވެސް މިދިޔަ ހަފްތާގަ އެވެ.

ވ. އާރަށުގެ މައްސަލައިގައި ކުރީގެ ރައީސް އަބްދުﷲ ޔާމީންގެ މައްޗަށް އުފުލާފައިވާ ރިޝްވަތު ގަބޫލު ކުރުމުގެ ދައުވާ އާއި މަނީ ލޯންޑަރިންގެ ދައުވާ އާއި ރައްޔިތުންގެ މަޖިލީހުގެ ކުރީގެ މެންބަރު ޔޫސުފް ނައީމްގެ މައްޗަށް އުފުލާފައިވާ ރިޝްވަތުގެ ދައުވާގެ ޝަރީއަތް މަދަނީ މިންގަނޑުން ކުރިއަށް ގެންދެވޭނެ ކަމަށް ޝަރީއަތުން ނިންމީ ވެސް މިދިޔަ ހަފްތާގަ އެވެ.

ރާއްޖޭގެ ތާރީހުގައި ހިންގި އެންމެ ބޮޑު ހިޔާނާތުގެ ފައިސާ ލިބުނު މީހުންނާއި އެ ހިޔާނާތް ހިންގުމަށް ނުއަގުގައި ވިއްކާފައިވާ ރަށްތަކާއި ފަޅުތަކުގެ މައްސަލައިގެ ތަހުގީގު ކުރިއަށް ގެންދާނީ އެކީގައި ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ހާމަކުރީ ވެސް ނިމިދިޔަ ހަފްތާގަ އެވެ.

ފަނޑިޔާރުންނަށް ފްލެޓް ދޭ ސްކީމެއް ސަރުކާރުން ތައާރަފްކޮށްފައި ނެތުމުން، އެ މައްސަލައިގައި އިހްތިޖާޖަށް ނިކުމެ، އުއްތަމަ ފަނޑިޔާރު މުއުތަސިމް އަދުނާނުގެ "ކަރުބުޑުގައި ރަހަލާ ވަރު" ކުރަންޖެހޭ ކަމަށް ޑްރަގް ކޯޓުގެ ގާޒީ މުހައްމަދު ނައީމް ވިދާޅުވީ ވެސް މިދިޔަ ހަފްތާގަ އެވެ.

ބައެއް މުހިންމު ހަބަރުތައް

  • ރަޝިއާ ޓޫރިސްޓުންގެ އަދަދު 56 ޕަސެންޓު ދަށަށް ދިޔުން
  • ދެކުނު އެފްރިކާއަށް މޯލްޑިވިއަނުން ދަތުރުތައް ފަށަން ތައްޔާރުވުން
  • ކުލި ނުލިބެންޏާ އެޗްޑީސީއަށް ލޯނެއް ނުދެއްކޭނެ ކަމަށް އޮޑިޓް އޮފީހުން ބުނުން
  • ހިޔާ ފްލެޓަށް ކުލި ނުދައްކަން ގޮވާލި މައްްސަލަ ބަލަން އެޗްޑީސީން ހުށަހަޅަނީ
  • ފުށް ފެކްޓްރީ އެޅުމަށް ކުޅުދުއްފުށިން ބިމެއް ކަނޑައަޅައި މަސައްކަތް ފަށަން ތައްޔާރުވުން
  • ބައެއް މުހިންމު ކަންތައްތަކަށް އާސަންދަ ނުލިބޭ މައްސަލަ ހައްލުކުރަނީ
  • ރިސޯޓުތަކާއި ވިޔަފާރި ކުންފުނިތަކަށް ވިއްކާ ތެލުގެ އަގު ބޮޑުކުރުން
  • މިފްކޯއަށް މަސް ގަނެވޭ ވަރު އިތުރު ކުރަން ބޭރުގެ ބޯޓެއް ގެންނާނެކަން ހާމަކުރުން

ހަފުތާގެ ހޮވާލެވޭ ބައެއް ލިޔުން

  1. މިއީ ހާއްސަ އެހީއަށް ބޭނުންވާ ދެ ދަރިންނާއެކު ކުރަންޖެހުނު ރާޅު ގިނަ ދަތުރުގައި ކުރި ތަޖުރިބާއާ އެކު، އޭނާ ފަދަ މައިންނަށް އުފާވެރި، ލުއި ދިރިއުޅުމެއް ހޯދައިދިނުމަށް އައިޝަތު އެމީލާ، (އެމީ) ކުރަމުންދާ މަސައްކަތްތަކާ ގުޅޭގޮތުން ސުވާލާއި ޖަވާބު ހިމެނޭ އައިމިނަތު އިބްރާހިމް ލިޔެފައިވާ ރިޕޯޓެކެވެ.
  2. މައިމީހާގެ ބަނޑުގައި ކުއްޖާ ގަރުބަގަނެ ފުރިހަމަ ވަމުން އަންނަ މަރުހަލާގައި ހިތުގައި ގުދުރަތީ ގޮތުން އުފެދޭ ލޯވަޅުތައް ބެއްދުމަށް ނެޝަނަލް ކާޑިއެކް ސެންޓަރު (އެންސީސީ) އިން އަލަށް ބޭނުންކުރި ޓްރާންސްކެތެޓާ ޑިވައިސް ކްލޯޝާ ފަރުވާ އާ ގުޅޭ ތަފްސީލްތައް އަހްމަދުﷲ އަބްދުލްހާދީ މި ރިޕޯޓުގައި ގެނެސްދީފައިވެ އެވެ.
  3. މަގުމަތީގައި އާންމު ބޭނުމަށް ހުންނަ ހުސް ޖާގަތައް (ޕަބްލިކް ސްޕޭސް) އާންމު އެންމެންގެ ބޭނުމަށް އޮތުމުގެ ބަދަލުގައި ދިގު މުއްދަތަކަށް ޕާކިން ސްލޮޓްގެ ގޮތުގައި ވިއްކުމުގެ ބާރު ސިޓީ ކައުންސިލަށް ލިބިފައިވޭތޯ ކުރަމުންދާ ސުވާލަށް ޖަވާބު ހޯދުމުގެ ގޮތުން މުހައްމަދު އުޝާމް ލިޔެފައިވާ ރިޕޯޓެކެވެ.

ދިރާސާތަކުން ކިޔާލުމަށް

"މޯލްޑިވްސް - ޕަބްލިކް ސެކްޓާ އެކައުންޓިން އެންޑް އޮޑިޓިން"

މިއީ ރާއްޖޭގެ އޮޑިޓް ކުރުމާއި އެކައުންޓިން ދާއިރާގައި ބޭރުގެ އެހެން ގައުމުތަކާ މެދު ހުރި ތަފާތުތައް ދެނެގަތުމަށް ވޯލްޑް ބޭންކުން ކޮށްފައިވާ ދިރާސާއެކެވެ. މި ދިރާސާގެ އަލީގައި ރާއްޖޭގައި އެކައުންޓިން އަދި އޮޑިޓް ކުރުމަށް ގެނެވިދާނެ ބަދަލުތަކެއް ވެސް ވަނީ ހުށަހަޅާފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox