ކަޅުތުއްކަލާ ކޮށީގައި ސިފައިންނަށް ހާއްސަކޮށްގެން 15 ބުރީގެ އެކޮމޮޑޭޝަން އަދި ލޮޖިސްޓިކްސް އިމާރާތެއް އަޅަން ޗައިނާގެ ރޯޓައިމް އިންޖިނިއަރިން އެންޑް ޓެކްނޮލޮޖީ ކޯޕަރޭޝަން ލިމިޓެޑާ އިއްޔެ ހަވާލުކޮށްފި އެވެ.
އެމްއެންޑީއެފުން ބުނާ ގޮތުގައި ސިފައިންގެ ތާރީހުގައި ވެސް ހިންގޭ އެންމެ ބޮޑު އުމްރާނީ ތަރައްގީގެ މި މަޝްރޫއު ރޯޓައިމްއާ ހަވާލު ކުރީ އިމާރާނުގެ ޑިޒައިން އާއި ކޮންސްޓްރަކްޝަންގެ މަސައްކަތެވެ.
ދެ އަހަރު ދުވަހުގެ ތެރޭގައި ނިންމުމަށް ހަވާލުކުރި އެ މަޝްރޫއުގެ އަގު ސަރުކާރުން ހާމައެއް ނުކުރެ އެވެ. އަދި އަސްކަރީ އެންމެ މުހިންމު އެއް މަރުކަޒު ކަމަށްވާ ކަޅުތުއްކަލާ ކޮށީގައި، ސިފައިންގެ އޮޕަރޭޝަންތަކާއި ލޮޖިސްޓިކްސް ބަލަހައްޓާ މައި އިމާރާތުގެ ޑިޒައިން ކުރުމާއި އިމާރާތްކުރުން ބޭރުގެ ކުންފުންޏަކާ ހަވާލުކުރި ސަބަބެއް ވެސް ހާމައެއް ނުކުރެ އެވެ.
މި މަޝްރޫއު ހަވާލުކުރުމަށް ބަންޑާރަކޮށީގައި ބޭއްވި ރަސްމިއްޔާތުގައި އެއްބަސްވުމުގައި ދިފާއީ ވުޒާރާގެ ފަރާތުން ޑެޕިއުޓީ މިނިސްޓަރު ފާތިމަތު މިޒްނާ އަލީ އާއި ޗައިނާ ކުންފުނީގެ މެނޭޖިން ޑިރެކްޓަރު ޖޯ ވޭދޯން އެވެ.
އެ ރަސްމިއްޔާތުގައި ޑިފެންސް މިނިސްޓަރު ހަސަން ރަޝީދު އާއި ޗީފް އޮފް ޑިފެންސް ފޯސް މޭޖާ ޖެނެރަލް އިބްރާހިމް ހިލްމީ އާއި، ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަހުމަދު ގިޔާސް އާއި، ސިފައިންގެ ޖެނެރަލް އޮފިސަރުންނާއި، ޑިފެންސް މިނިސްޓްރީގެ އިސްވެރިންނާއި ރޯޓައިމް އިންޖިނިއަރިން އިސްބޭފުޅުން ބައިވެރިވެވަޑައިގެންނެވި އެވެ.
ރައީސް މުހައްމަދު މުއިއްޒު ވެރިކަމާ ހަވާލުވެވަޑައިގަތުމަށް ފަހު ސަރުކާރު އަދި ބައެއް ކުންފުނިތަކުގެ އަގުބޮޑެތި މަޝްރޫއުތައް ބީލަމަކަށް ނުަލައި ޗައިނާގެ ކުންފުނިތަކާ ހަވާލުކޮށްފައިވެ އެވެ. އޭގެ ތެރޭގައި ތިލަފުށީގެ ބަނދަރުގެ ހެދުމުގެ މަސައްކަތްތައް ވެސް ހިމެނެ އެވެ.
ބިދޭސީ ކުންފުނިތަކަކުން މުއިއްޒުގެ އެކައުންޓަށް ގިނަ އަދަދެއްގެ ފައިސާ!
މުއިއްޒުގެ މިނިސްޓަރު ކަމުގައި އޭނާގެ އަމިއްލަ އެކައުންޓަށް ބޭރުގެ ކުންފުނިތަކުން ގިނަ އަދަދެއްގެ ފައިސާ ޖަމާކޮށްފައިވާއިރު، އެފަދަ ގޮތަކަށް ފައިސާ ޖަމާކޮށްފައި ނުހުންނާނެ ކަމަށް އޭނާ ވަނީ ބުނެފައި. ނަމަވެސް އަދަދަށް ލިބިފައިވާ ލިޔުންތަކުން ފައިސާ ޖަމާވެފައިވާކަން ކަށަވަރުވޭ
މުއިއްޒު މިނިސްޓަރުކަމުގައި ހުންނެވިއިރުން ފެށިގެން ޗައިނާގެ ކުންފުނިތަކާ ގާތްގުޅުމެއް އުފެދި، އެ މަނިކުފާނުގެ އެކައުންޓަށް ޗައިނާގެ ބައެއް ކުންފުނިތަކުން ފައިސާ ޖަމާކޮށްފައިވެ އެވެ. އެއީ ކުލީގެ ގޮތުގައި ލިބިފައިވާ ފައިސާ ކަމަށް އެމަނިކުފާނުގެ ފަރާތުން ވިދާޅުވެފައިވެ އެވެ.
