މޯލްޑިވިއަން ޑިމޮކްރަޓިކް ޕާޓީގެ ޕްރައިމަރީގައި ވާދަކުރައްވާ އަބްދުالله ޝާހިދު ކުޑަކުއްޖަކަށް ޖިންސީ ގޯނާގެ ތުހުމަތުގައި ހައްޔަރުކޮށްފި އެވެ.
އެ ޕާޓީގެ ރައީސްކަން ވެސް ކުރެއްވި ޝާހިދު ހައްޔަރުކުރީ މިރޭ އޭނާ ދިރިއުޅޭ ހުޅުމާލެ އޯޝަން ފްރޮންޓު ރެޒިޑެންސްގެ އެޕާޓްމަންޓު ބަލައި ފާސްކުރުމަށްފަހު އެވެ. އެ ސަރަހައްދުގައި ތިބި އަދަދުގެ ނޫސްވެރިން ވަނީ ފުލުހުންގެ ވޭނަށް ޝާހިދު އަރުވާފައިވާކަން ކަށަވަރުކޮށްދީފަ އެވެ.
ފުލުހުން ބުނެފައިވާ ގޮތުގައި ޝާހިދު ހައްޔަރުކުރީ 18 އަހަރުން ދަށުގެ ކުއްޖަކަށް ޖިންސީ ގޯނާކުރިކަމުގެ ތުހުމަތުގަ އެވެ. އޭނާގެ މައްޗަށް ކުރާ ތުހުމަތުތައް ޝާހިދު ދޮގުކުރެއްވި އެވެ.
"އަޅުގަނޑުގެ ޝަހުސު ކަތިލުމަށް ސިޔާސީ ގޮތުން ފަތުރަމުންދާ ވާހަކަތަކަކީ އެއްވެސް އަސްލެއް ނެތް ދޮގެވެ. މިފަދަ ސާބިތު ނުހިފޭ ވާހަކަ ނުފެތުރުމަށް އެންމެ ބޭފުޅުން އަރިހުން އެދެމެވެ," ހައްޔަރުކުރުމުގެ ކުރިން ޝާހިދު ކުރި ޓްވީޓެއްގައި ވިދާޅުވި އެވެ.
އދ. ގެ އާންމު މަޖިލީހުގެ 76 ވަނަ ސެޝަންގެ ރައީސްކަން ވެސް ކުރެއްވި ޝާހިދު ހައްޔަރުކުރީ ކޯޓު އަމުރެއްގެ ދަށުންކަން ވަނީ އެނގިފަ އެވެ.
