ރަސްމާލޭގައި 20 ބިލިއަން ޑޮލަރުގެ މަޝްރޫއެއް ހިންގަން ދުބާއީގެ ކުންފުންޏަކާއެކު ސޮއިކޮށްފި

ރަސްމާލެ އެއްބަސްވުމުގައި ސޮއި ކުރުމުގެ ރަސްމިއްޔާތުގެ ތެރެއިން: ބެލެވޭ ގޮތުގައި މިތަން ތަރައްގީ ކުރަނީ ޓައުންޝިޕެއްގެ ގޮތުގައި -- ފޮޓޯ: އިންޓަނެޓް

ރަސްމާލެ އެއްބަސްވުމުގައި ސޮއި ކުރުމުގެ ރަސްމިއްޔާތުގެ ތެރެއިން: ބެލެވޭ ގޮތުގައި މިތަން ތަރައްގީ ކުރަނީ ޓައުންޝިޕެއްގެ ގޮތުގައި -- ފޮޓޯ: އިންޓަނެޓް

ރަސްމާލޭގައި ވޯޓާފްރަންޓް އަދި މެރީނާއެއް ތަރައްގީކުރަން 20 ބިލިއަން ޑޮލަރުގެ މަޝްރޫއެއް ހިންގަން ޔޫއޭއީގެ ޑިވެލޮޕަރެއް ކަމުގައިވާ އީގަލް ހިލްސްއާ އެކީ ދިވެހި ސަރުކާރުން އެއްބަސްވުމެއްގައި ސޮއިކޮށްފަ އެވެ.

ޔޫއޭއީގެ ދަ ނޭޝަަނަލް ނިއުސްއިން ރިޕޯޓުކޮށްފައިވާ ގޮތުގައި މި އެއްބަސްވުމުގައި ސޮއިކޮށްފައިވަނީ މިއަދު ދުބާއީގައި އެވެ. މި ރަަސްމިއްޔާތުގައި އީގަލް ހިލްސް އާއި އެމާރު ޕްރޮޕަޓީސްަގެ ބާނީ މުހައްއްމަދު އަލައްބާރާއީ ހައުސިން މިނިސްޓަރު އަބްދުالله މުއްތޮލިބާއި ސަރުކާރުގެ ވަފުދެއް ބައިވެރިވި އެވެ. 

އީގަލްސް ހިލްސާ ހަވާލާދީ ލިޔެފައިވާ ހަބަރުގައި ވަނީ އިންޓަގްރޭޓެޑް ޑިވެލޮޕްމަންޓްގައި ބައިނަލްއަގުވާމީ ފެންވަރުގެ ހޮޓާތަކާއި ރިސޯޓުތަކާއި، ފެންވަރު ރަނގަޅު އަދި ބްރޭންޑެޑް ރެޒިޑެންސްތަކާއި، ދުނިޔޭގެ ފެންވަރުގެ މެރީނާއަކާއި، ވޯޓަާފްރަންޓް މަގުތަކާއި، ރެސްޓޯރެންޓުތަކާއި، ފިހާރަތަކުގެ އިތުރުން މުނިފޫހިފިލުވުމާއި ސިއްހީ މަރުކަޒުތައް ހިމެނޭނެ އެވެ.

އީގަލް ހިލްސްއިން މި މަޝްރޫއަށް 20 ބިލިއަން ޑޮލަރު އިންވެސްޓު ކުރަން  ރާވާފައި ވަނީ އެކި މަރުހަލާތަކަށް ބަހާލައިގެންނެވެ. މި ޕްރޮޖެކްޓުގެ ބައެއް އަންދާޒާތައް ދިން ނަމަވެސް މި މަޝްރޫއުގެ މާލީ ކަންކަމާއި، އިމާރާތްކުރުމުގެ ތާވަލާއި، އަދި ހަރަދުކުރާ ފައިސާގެ ތަފުސީލުތަކެއް ހާމަނުކުރާ ކަމަށް ދަ ނޭޝަނަލްގެ ހަބަރުގައި ވެ އެވެ. 

އީގަލް ހިލްސްގެ ރަސްމާލެ ޕްރޮޖެކްޓުގެ އަންދާޒާތައް

  • ޖުމްލަ އިންވެސްޓްމަންޓް 30 ބިލިއަން ޑޮލަރު
  • ރާއްޖެއަށް ވަންނަ ފޮރިން ޑައިރެކްޓް އިންވެސްޓްމަންޓް 18 ބިލިއަން ޑޮލަރު
  • 54،000 ވަޒީފާ އުފިދިގެންދާނެ
  • އަހަރަކު މިލިއަނަކަށް ވުރެ ގިނަ ޓޫރިސްޓުން
  • އަހަރީ އާމްދަނީ ދެ ބިލިއަން ޑޮލަރު

މި މުއާމަލާތާ ގުޅިގެން މިހާތަނަށް ދިވެހި ސަރުކާރުން އެއްވެސް އެއްޗެއް ނުބުނެ އެވެ. ނަމަވެސް މި އެއްބަސްވުމުގައި ސޮއިކުރުމުގެ ކުރިން ވެސް އަދަދު ނޫހުން ވަނީ މި މުއާމަލާތް ހިންގަން އުޅޭ ކަމުގެ މައުލޫމާތު ލިބިގެން އެކަން ރިޕޯޓުކޮށްފަ އެވެ. 

ރަސްމާލޭގެ އެއްބައި ޔޫއޭއީގެ އެމާރަށް ވިއްކާލަން މަޝްވަރާކޮށްފި

ރަސްމާލޭގެ ޓޫރިޒަމް ޒޯނުން ބައެއް ޔޫއޭއީގެ އެމާރު ކުންފުންޏަށް ވިއްކާލުމާ ގުޅޭގޮތުން ސަރުކާރުގެ އިކޮނޮމިކް ކައުންސިލުން މަޝްވަރާކޮށްފި. މި މަޝްވަރާތަކުގެ ބަދަލެއްގެ ގޮތުން ރަސްމާލޭގައި ސޯޝަލް ހައުސިން ޔުނިޓުތައް އެޅުމަށް ހުށަހަޅާފައިވީ ނަމަވެސް، މިހާތަނަށް ރަސްމީ އެއްބަސްވުމެއްގައި ސޮއިކޮށްފައެއް ނުވޭ.

މި ނޫހަށް މައުލޫމާތު ދިން މަސްދަރުތަކުން ބުނީ މިއީ އެސްއީޒެޑު ގާނޫނުގެ ދަށުން ޓައުންޝިޕްއެއްގެ ގޮތުގައި ހާއްސަ ޓެކްސް އަދި ޑިއުޓީ ޒޯނެއްގެ ގޮތުގައި ކަނޑައެޅޭ ސަރަހައްދެކެވެ. 

އެ ގޮތުން އީގަލް ހިލްސްގެ ޕްރޮޖެކްޓުގެ ބޭނުމަށް ރަސްމާލޭގެ 500 ހެކްޓަރު ދޫކޮށްލާ ގޮތަށް ވަނީ ހަމަޖެހިފަ އެވެ. މިއީ ފުށިދިއްގަރު ފަޅުން ހިއްކާނެ ކަމަށް ބުނެފައިވާ 1058 ހެކްޓަރުގެ ގާތްގަނޑަކަށް ދެބައިކުޅަ އެއް ބަޔެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox