ރާއްޖޭގެ ހަބަރުތަކުގެ ތެރެއިން އިއްޔެ އެންމެ ފާހަގަކޮށްލެވެނީ ލޯކަލް ކައުންސިލް އިންތިހާބާއި ރައްޔިތުންގެ މަޖިލީހުގެ އިންތިހާބާއި ރިޔާސީ އިންތިހާބު އެއް ދުވަހެއްގައި ބޭއްވުމަށް ރައީސް މުހައްމަދު މުއިއްޒުއަށް ފެނިވަޑައިގެން، އެ މަނިކުފާނުގެ ސުޕަ މެޖޯރިޓީ އޮތް ރައްޔިތުންގެ މަޖިލީހުން ގާނޫނުއަސާސީއަށް ގެންނަ ފާސްކޮށްފައިވާ ބަދަލު ތަސްދީގުކުރަން ރައްޔިތުންނަށް ފެނޭތޯ ބެލުމަށް މިއަދު ނަގާ ވޯޓުގެ ކެމްޕޭނު ޕާޓީތަކުން އިއްޔެ ހަވީރު ނިންމާލުމެވެ.
ރައީސް މުހައްމަދު މުއިއްޒު އާއި އެ މަނިކުފާނުގެ އަނބިކަނބަލުން ސާޖިދާ އިސްކޮށް ހުންނަވައިގެން ޕީއެންސީ މެންބަރުންނާއެކު މާލޭގެ ބޮޑެތި ބައެއް މަގުތަކުގައި ހިންގެވިއިރު، އެމްޑީޕީގެ ހިނގާލުން ކުރިއަށް ގެންދިޔައީ ކުރީގެ ދެ ރައީސުން ކަމުގައިވާ އިބްރާހިމް މުހައްމަދު ސޯލިހު އާއި މުހައްމަދު ނަޝީދު ކުރީގައި ހުންނަވައިގެންނެވެ.
މިއީ 2023 ގެ ރިޔާސީ އިންތިހާބާ ގުޅިގެން އުފެދުނު މައްސަލަތަކަށް ފަހު މި ދެ ބޭފުޅުން އެމްޑީޕީގެ މިފަދަ ހިނގާލުމެއްގައި އެކުގައި ބައިވެރިވެވަޑައިގެންނެވި ފުރަތަމަ ފަހަރެވެ.
އެމްއޭސީއެލްއިން ވިއްކާ ޗެޓްފިއުލް ވެސް އިއްޔެ ވަނީ ބޮޑުކޮށްފަ އެވެ. މިހާރު ޖެޓް ފިއުލް ލީޓަރެއްގެ އަގު ވަނީ 1.99 ޑޮލަރަށް އުފުލިފަ އެވެ.
ތިރީގައި ވަނީ އިއްޔެ ހަބަރުތަކުގެ ތެރެއިން ފާހަގަކޮށްލެވޭ ހަބަރުތަކެވެ.
އެމްއޭސީއެލްއިން ޖެޓް ފިއުލްގެ އަގު އަނެއްކާ ވެސް ބޮޑުކޮށްފި
އެމްއޭސީއެލްއިން ޖެޓް ފިއުލް ލީޓަރެއްގެ އަގު 1.99 ޑޮލަރަށް ބޮޑުކޮށްފައިވާއިރު، މިއީ ހަނގުރާމައާ ގުޅިގެން ތެލުގެ އަގަށް ބަދަލު ގެނައި ތިންވަނަ ފަހަރު. މި ބަދަލާއެކު ތެލުގެ އަގު 67 އިންސައްތަ އުފުލިފައިވާއިރު، މީގެ ސަބަބުން ޓިކެޓްގެ އަގު ބޮޑުވެ ރާއްޖޭގެ އޭވިއޭޝަން އަދި ފަތުރުވެރިކަމުގެ ސިނާއަތަށް ނޭދެވޭ އަސަރު ކުރާނެ ކަމަށް ތަޖުރިބާކާރުން ލަފާކުރޭ
ފުލިދޫގައި މޫދަށް އެރިއުޅެނިކޮށް އޮޔާދިޔަ ދެ ކުއްޖަކު ސަލާމަތްކުރަން އުޅުނު ދިވެއްސަކު މަރުވެއްޖެ
ވ. ފުލިދޫގައި މޫދަށް އެރިއުޅެނިކޮށް އޮޔާދިޔަ ދެ ކުއްޖަކު ސަލާމަތްކުރަން އުޅުނު އުމުރުން 63 އަހަރުގެ ދިވެއްސަކު މަރުވެއްޖެއެވެ. އެ މީހާ މަރުވީ ހާލު ދެރަވެގެން އެ ރަށު ހެލްތު ސެންޓަރުގައި ފަރުވާ ދެމުން ދަނިކޮށް ކަމަށް ފުލުހުން ބުނެފައިވާއިރު، މި މައްސަލަ މިހާރު ދަނީ ތަހުގީގު ކުރަމުންނެވެ.
ރައްޔިތުންނަށް އެކަށީގެންވާ ވަރަށް މައުލޫމާތު ނޭނގޭއިރު ވެސް އީސީން ދެކެނީ ރެފަރެންޑަމަށް ހޭލުންތެރި ކުރެވުނު ކަމަށް!
އިންތިޚާބުތައް އެއްކޮށްލުމާ ގުޅޭގޮތުން ނަގާ ރެފަރެންޑަމަށް ރައްޔިތުން ހޭލުންތެރިކުރުވުމަށް އެކަށީގެންވާ މަސައްކަތް ނުކުރާކަމަށް ބުނެ ކުރިމަތިވި ފާޑުކިޔުންތައް އިލެކްޝަންސް ކޮމިޝަނުން ދޮގުކޮށްފި. އެ ކޮމިޝަނުގެ ރައީސް ވިދާޅުވީ މީޑިއާ އާއި ސޯޝަލް މީޑިއާ މެދުވެރިކޮށް، ރައްޔިތުންނަށް ބޭނުންވާ މައުލޫމާތު އެންމެ އެކަށީގެންވާ މިންވަރަށް ފޯރުކޮށްދެވިފައިވާ ކަމަށް.
މުއިއްޒުގެ ސުވާލެއް؛ މީގެ 19 އަހަރު ކުރިން ރައްޔިތުންގެ ހިޔާލު ހޯދުމުގެ ވޯޓު ނެގިއިރު ދިވެހިން މާ ތަސައްރަފު ފުދޭ ނޫންތޯ؟
ރާއްޖޭގައި ވެރިކަމުގެ ނިޒާމާ ގުޅޭގޮތުން ރައްޔިތުންގެ ހިޔާލު ހޯދުމުގެ ވޯޓެއް ނަގަން ތައްޔާރުވަމުންދާއިރު، މީގެ 19 އަހަރު ކުރިން އެފަދަ ވޯޓެއް ނެގިއިރު އަމަލުކުރި ގޮތަށްވުރެ މިހާރުގެ ކަންކަން ތަފާތުކަން ކުރީގެ ޕީޖީ އަހުމަދު މުއިއްޒު ފާހަގަކުރައްވައިފިއެވެ. އޭނާ ވަނީ 2007 ވަނަ އަހަރު ނިޒާމީ ވޯޓު ނެގުމަށް އޭރުގެ ރައީސާއި ހާއްސަ މަޖިލީހުން ކުރެއްވި މަސައްކަތްތަކަށް ބަލާއިރު، އޭރު ދިވެހިން މާ ބޮޑަށް ތަސައްރަފު ފުދިފައިވާ ކަމަށް ވިދާޅުވެ ސުވާލު އުފައްދަވާފައެވެ.
ރިޝްވަތުގެ ގޮތުގައި އުމުރާ ދަތުރެއް
މި ވާހަކައިން އެނގެނީ މުސްލިމުންގެ އަމަލުތައް ގޯސްވެ، ދީނާ ދުރަށް ދިއުމުން، މާތްﷲ އެބައިމީހުންގެ މައްޗަށް ދުޝްމަނުން ގަދަކުރައްވާކަން. އިލްމުވެރިޔާ ދެއްވި މިސާލަކީ، ބަކަރިތައް މަގުއޮޅުމުން އެ އެއްޗެހި އަނބުރާ ގެނައުމަށް ކުއްތާ ފޮނުވާ ފަދައިން، މުސްލިމުން އިސްލާހުކުރުމަށްޓަކައި ތަތާރުން ފަދަ ބަޔަކު ފޮނުއްވި. މިއީ މުސްލިމުން އަލުން ދީނަށް ރުޖޫއަވުމަށް ދެއްވާ ފުރުސަތެއް
ނޫނެކޭ ބުނަންވީ ގާނޫނުއަސާސީގެ ސަތޭކަ އެގާރައިގެ ދިފާއުގައި!
އިންތިހާބީ އޮޅިގަނޑު ބަޔާންކުރަނީ 111 ވަނަ މާއްދާގަ އެވެ. އެ މާއްދާ ބަދަލުކުރުމަށް ރެފަރެންޑަމަކަށް ދާކަށް ނުޖެހެ އެވެ. ރައީސުލްޖުމްހޫރިއްޔާ ވިދާޅުވާ ގޮތަކަށް ސްޓޭމްޕް ޖަހައިދޭ މަޖިލީހުން އެކަން ކޮށްލީމާ ނިމުނީ އެވެ. އެކަމުގައި ރައްޔިތުންގެ ބަހެއް ހޯދުމެއް ނޯންނާނެ އެވެ.
