ވެލި ހުރި ދެ ސަރަަހައްދެއް ފާހަގަަކޮށް ރަސްމާލެ ހިއްކަން ހަ މަހުގެ ހުއްދައެއް ދީފި

ރަސްމާލެ ހިއްކުމުގެ ޕްލޭނާއި ވެލި ނެގޭ ސަރަހައްދުތައް ފާހަގަކޮށްފައިވާ މެޕު: ކުރިން ފާހަގަކޮށްފައިވާ ސަރަހައްދުގެ އިތުރުން އޮލްޓަނޭޓިވް ސަަރަހައްދެއް ފާހަގަކޮށްފައިވާ --- ގްރެފިކްސް: އިސްމާއިލް އިމްދާދު/އަދަދު/އީޕީއޭ ރިޕޯޓު

ރަސްމާލެ ހިއްކުމުގެ ޕްލޭނާއި ވެލި ނެގޭ ސަރަހައްދުތައް ފާހަގަކޮށްފައިވާ މެޕު: ކުރިން ފާހަގަކޮށްފައިވާ ސަރަހައްދުގެ އިތުރުން އޮލްޓަނޭޓިވް ސަަރަހައްދެއް ފާހަގަކޮށްފައިވާ --- ގްރެފިކްސް: އިސްމާއިލް އިމްދާދު/އަދަދު/އީޕީއޭ ރިޕޯޓު

ކ. ފުށިދިއްގަރު ފަޅު ހިއްކައިގެން މި ސަރުކާރުން ތަރައްގީކުރަން ފަށާފައިވާ ރަސްމާލެ ހިއްކަން ވެލި ނެގޭނެ ދެ ސަރަހައްދެއް ފާހަގަކޮށް، އެ ތަން ހިއްކަން ހަ މަސް ދުވަހުގެ މުއްދަތެއް އެންވަރަމެންޓަލް ޕްރޮޓެކްޝަން އެޖެންސީ (އީޕީއޭ) އިން ނިމުނު ހަފުތާގެ ތެރޭގައި ހުއްދަ ދީފި އެވެ.

ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އަށް އީޕީއޭ އިން ހުއްދަ ދިނި ރަސްމާލޭގެ ނުވަ ސައިޓެއް ހިއްކާށެވެ. އެއީ ކުރިން މި މަޝްރޫއު ހަވާލުކުރި ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީ) އިން "ސައިޓް ޖޭ" އިން ހިއްކާ ނިންމާފައިވާ 29 ހެކްޓަރުގެ އިތުރުން 562 ހެކްޓަރުގެ ބިމެވެ.

އެޗްޑީސީން މި ސައިޓުތައް ހިއްކުން ހަވާލުކުރީ އިންޑިއާގެ މޯހަން މުތާ އެކްސްޕޯޓު (އެމްއެމްއީ) އާއި ޗައިނާގެ ޗައިނާ ރެއިލްވޭ ކޮންސްޓްރަކްޝަން ކޮމްޕެނީ (ސީއާރުސީސީ) އާ އެވެ.

އެމްއެމްއީ އިން ހިއްކަނީ:

  • ސައިޓު ޑީ - 264 ހެކްޓަރު
  • ސައިޓު އެފް - 24 ހެކްޓަރު
  • ސައިޓު ޖީ - 31 ހެކްޓަރު
  • ސައިޓު އެލް - 59 ހެކްޓަރު

ސީއާރުސީސީ އިން ހިއްކަނީ:

  • ސައިޓު އޭ - 129 ހެކްޓަރު
  • ސައިޓު ބީ - 144 ހެކްޓަރު
  • ސައިޓު އެޗް - 12 ހެކްޓަރު
  • ސައިޓު އައި - 18 ހެކްޓަރު
  • ސައިޓު ކޭ - 49 ހެކްޓަރު

އީޕީއޭއިން އެ ސަރަހައްދުތައް ހިއްކަން ހުއްދަ ދިނީ އަންނަ އަހަރުގެ މާޗު 29، އާ ހަމައަށެވެ. އަދި ވެލި ނެގޭނެ ތިން ސަރަހައްދެއް ކަނޑައަޅާފައިވެ އެވެ.

އޭގެ ތެރެއިން ޕްރައިމަރީ ވެލި ނެގޭ ދެ ސަރަހައްދަކީ، މާފުއްޓާ ދިމާލުން ހުޅަނގަށް އޮތް ދެ ސަރަހައްދެވެ. އަދި އިތާފުށި ރިސޯޓު ކައިރިން އޮލްޓަނޭޓިވް ސަރަހައްދެއް ވެސް ކަނޑައަޅާފައިވެ އެވެ.

ރަސްމާލެ ހިއްކުމުގެ މަޝްރޫއު ފުރަތަމަ ހަވާލުކުރީ ދައުލަތުގެ ބަޖެޓުން އެއްވެސް ހަރަދެއް ނުކުރާ ގޮތަށް ބިން ހިއްކުމުގެ މުގާބިލުގައި ރަސްމާލެ އިން 60 ހެކްޓަރުގެ ބިން އަދި ހުޅުމާލެއިން 10 ހެކްޓަރުގެ ބިން ދޫކުރާ ގޮތަށެވެ. އޭރު ބުނީ މަސައްކަތް ފަށާތާ އަށް މަސް ދުވަހުގެ ތެރޭގައި މުޅި މަޝްރޫއަށް ބޭނުންވާ ބިން ހިއްކާ ނިމޭނެ އެވެ.

ނަމަވެސް މިކަން މިގޮތަށް ކުރިއަށް ނުގޮސްގެން ސީއެމްސީއާ އެކީ ހެދި އެއްބަސްވުން ބާތިލުކޮށް، އެ ކުންފުނިން ހިއްކި ތަންކޮޅަށް ވަނީ 77 މިލިއަން ރުފިޔާ ދީފަ އެވެ. މިހާރު މަޝްރޫއު ކުރިއަށް ގެންދަނީ އެޗްޑީސީން ލޯނު ނަގައިގެންނެވެ. މި ލޯނާ ގުޅޭ އެއްވެސް ތަފުސީލެއް ސަރުކާރުން ނުވަތަ އެޗްޑީސީން ވެސް ހާމައެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox