ސާބިތު ދަރަނީގެ މައްސަލައިގައި އައްޑޫ ސިޓީ ހިތަދޫ އުތުރު ދާއިރާގެ މަޖިލިސް މެންބަރުކަން ގެއްލުނު، މުހައްމަދު ސިނާން އެގްރޯ ނެޝަނަލް ކޯޕަރޭޝަންގެ މެނޭޖިން ޑިރެކްޓަރުގެ މަގާމަށް އައްޔަނުކޮށްފި އެވެ.
މިފްކޯގެ ސަބްސިޑަރީ ކުންފުންޏަކަށް މިދިޔަ މަހު ބަދަލުކުރި އެގްރޯނެޓުގެ މެނޭޖިން ޑިރެކްޓަރުގެ މަގާމަށް ސިނާނު އައްޔަނުކުރީ މިފްކޯގެ ބޯޑުންނެވެ. އެ ބޯޑުން ވަނީ އެގްރޯނެޓުގެ ޗެއާގެ މަގާމަށް މިފްކޯގެ މެނޭޖިން ޑިރެކްޓަރު، މުހައްމަދު އަނަސް ވެސް އައްޔަނުކޮށްފަ އެވެ.
މިފްކޯގެ މެނޭޖިން ޑިރެކްޓަރުގެ މަގާމަށް ޕީސީބީގެ ކުރީގެ ރައީސް އަނަސް
ޕީސީބީގެ ރައީސްގެ މަގާމުން އިސްތިއުފާ ދެއްވި މުހައްމަދު އަނަސް، މިފްކޯގެ މެނޭޖިން ޑިރެކްޓަރުގެ މަގާމަށް މިއަދު އައްޔަނުކޮށްފިއެވެ. މިއީ މި ސަރުކާރުގައި އެ ކުންފުނީގެ އެންމެ އިސް މަގާމަށް އައްޔަނުކުރި ހަތަރުވަނަ ފަރާތެވެ.
އެގްރޯނެޓުގެ އިސް ދެ މަގާމަށް އެ ދެ ބޭފުޅުން އައްޔަނުކުރުމާ ގުޅިގެން މިފްކޯއިން ވަނީ މަރުހަބާގެ ޕޯސްޓެއް ވެސް ސޯޝަލްމީޑިއާގައި ކޮށްފަ އެވެ.
އެގްރޯނެޓުގެ މެނޭޖިން ޑިރެކްޓަރުގެ މަގާމު ހުސްވީ، އެ މަގާމުގައި ކުރިން ހުންނެވި ހުސައިން ދީދީ އެ މަގާމުން ވަކިކުރުމާ ގުޅިގެންނެވެ. އޭނާ އެ މަގާމުން ވަކިކުރީ ލޯކަލް ކައުންސިލް އިންތިހާބުން ވެރިކަންކުރާ ޕީއެންސީއަށް ލިބުނު ނާކާމިޔާބީއާ ގުޅިގެން އޭޕްރިލް 6، ގަ އެވެ.
އެގްރޯނެޓުގެ މެނޭޖިން ޑިރެކްޓަރުގެ މަގާމަށް އައްޔަނުކުރި ސިނާނުގެ މެންބަރުކަން ގެއްލިއްޖެ ކަމަށް ސުޕްރީމް ކޯޓުން ކަނޑައެޅީ ސާބިތު ދަރަންޏެއް އޮވެ، އެ ދަރަންޏާ އެއްގޮތަށް ފައިސާ ދައްކާފައި ނުވާ މައްސަލަ ބެއްލެވި ބެންޗުގައި ތިއްބެވި ފަސް ފަނޑިޔާރުންގެ އިއްތިފާގުންނެވެ. އެ ބެންޗުގެ ރިޔާސަތު ބެލެހެއްޓެވީ ފަނޑިޔާރު އައިޝާ ޝުޖޫން މުހައްމަދު އެވެ.
ސުޕްރީމް ކޯޓުގެ ހުކުމާއެކު ސިނާނުގެ ގޮނޑި ގެއްލިއްޖެ
މި މައްސަލައިގައި ގޮނޑި ގެއްލިއްޖެ ކަމަށް ކަނޑައެޅީ މައްސަލަ ބެއްލެވި ބެންޗުގައި ތިއްބެވި ފަސް ފަނޑިޔާރުންގެ އިއްތިފާގުން. މިއީ 20 ވަނަ ރައްޔިތުންގެ މަޖިލީހުގެ މެންބަރެއްގެ ގޮނޑި ގެއްލުނު ފުރަތަމަ ފަހަރު ކަމަށްވާއިރު، މި މައްސަލައަކީ އިސްލާމިކް ބޭންކަށް ދައްކަންޖެހޭ ފައިސާ ނުދެއްކުމާ ގުޅިގެން ހުށަހެޅުނު މައްސަލައެއް.
ހުކުމާ އެއްގޮތަށް ސިނާނު ނުދެއްކީ މޯލްޑިވްސް އިސްލާމިކް ބޭންކުން ނަގާފައި އޮތް ފަސް މިލިއަން ރުފިޔާގެ ލޯނެކެވެ. އެ ލޯނު އޭނާ އަދާ ކުރީ އެ މައްސަލަ ސުޕްރީމް ކޯޓަށް ވެއްދުމުނެވެ.
