ކުއަލަ ލަމްޕޫރު، މެލޭޝިއާ (އޮގަސްޓް 10) - ޔޫރަޕްގެ ފުޓްބޯޅަ އިދާރާ، ޔުއެފާ އާއި އޭޝިއާގެ އޭއެފްސީ އަދި އުތުރު އެމެރިކާ އާއި ކެރީބިއަން އައިލެންޑްސްގެ ކޮންކަކަޕް އިން ގުޅިގެން ނެރުނު ބަޔާނާ އެކު، ފީފާގެ ރައީސްގެ މަގާމުގައި ހުރި ޖިއާނީ އިންފަންޓީނޯ އަށް ޕްރެޝަރު ބޮޑުވެއްޖެ އެވެ.
މިއީ، ފީފާ ފޯވާޑް އެންޓަޕްރައިސް (އެފްއެފްއީ)ގެ ނަމުގައި، ޕްރައިވެޓް އިންވެސްޓަރުންނަށް ފީފާ ވޯލްޑް ކަޕް ހިމެނޭހެން، ފީފާ މުބާރާތްތަކުގެ، 21 ޕަސެންޓް ހިއްސާ ވިއްކާލަން އުޅުނު ޑީލާ ހެދި ދުނިޔޭގެ ފުޓްބޯޅައިގެ ޕޮލިޓިކްްސްގެ ތެރޭގައި ފީފާގެ ރައީސް، އިންފަންޓީނޯ އަށް ޕްރެޝަރު އިތުރުވި ކަމެކެވެ.
އިންފަންޓީނޯ ވަނީ އެފްއެފްއީގެ ތެރެއިން ގޯސްތަކެއް ހެދިފައިވާތީވެ، އެކަމަށް މައާފަށް ވެސް އެދިފަ އެވެ. އެ ނިންމުމަށް މަރުހަބާ ކިޔައި، އެފްރިކާގެ ފުޓްބޯޅަ ފެޑެރޭޝަން، ކާފް އާއި ދެކުނު އެމެރިކާގެ ފުޓްބޯޅަ ޖަމިއްޔާ، ކޮންމެބޯލް އިން ބަޔާންތަކެއް ނެރުނު ނަމަވެސް، އޭއެފްސީ، ކޮންކަކަޕް އަދި ޔުއެފާ އިން ގުޅިގެން ނެރެފައިވަނީ ބާރު ގަދަ ބަޔާނެކެވެ.
ޔޫރަޕުން ބޮއިިކޮޓް ކުރާ އިންފަންޓީނޯ އަށް އެފްރިކާ އާއި ދެކުނު އެމެރިކާ އިން ތާއީދު
ފީފާގެ މުބާރާތްތަކުގެ ހިއްސާ ވިއްކުމުގައި ހެދުނު ގޯސްތަކަކާ ގުޅިގެން ޔޫރަޕްގެ ފުޓްބޯޅަ އިދާރާ (ޔުއެފާ) އިން ރައީސް އިންފަންޓީނޯއާ ދެކޮޅަށް ތެދުވެފައިވާއިރު، އެފްރިކާ އާއި ދެކުނު އެމެރިކާގެ ފެޑެރޭޝަންތަކުން އޭނާއަށް ތާއީދު އޮތްކަން ވަނީ ހާމަކޮށްފައި.
އެ ބަޔާނުގައި ގޮވާލާފައިވަނީ، ފީފާގެ ނިންމުންތަކުގެ ސަބަބުން ގެއްލިފައިވާ އިތުބާރު ފުޓްބޯޅައިގެ ތެރޭގައި އަލުން ނެގެހެއްޓުމުގެ މުހިންމު ކަމުގެ މައްޗަށެވެ. އެ ގޮތުން، އެފްއެފްއީގެ ކަންކަން ފުރިހަަމަ އަށް ދެފުށް ފެންނަ ނިޒާމެއްގެ ތެރެއިން ބަލަން ޖެހޭ ކަމަށާއި، އެއްވެސް ނުފޫޒެއް ނެތި އެކަން ރިވިއު ކުރަން ޖެހޭ ކަމަށް އެ ބަޔާނުގައި ވަނީ ހިމަނައިފަ އެވެ.
ފުޓްބޯޅަ އަކީ ދުނިޔޭގެ އެންމެ ގިނަ ބަޔަކުގެ ޝައުގުވެރިކަން އެ މިސްރާބަކަށް އޮތް ކަމެއް ކަމުގައިވާއިރު، އެއީ އެއްވެސް ވަކި ފަރުދަކަށް ނޫނީ ބަޔަކަށް އޮތް ހައްގެއް ނޫން ކަމަށް ވެސް އެ ބަޔާނުގައި ބުނެފައިވެ އެވެ.
"ފުޓްބޯޅަ އޮތީ ކުޅުންތެރިންނަށް، ސަޕޯޓަރުންނަށް، ކްލަބްތަކަށް، މެމްބަރު އެސޯސިއޭޝަންތަކަށް، އަދި މިކަމުގެ ރައްކާތެރިކަމާއި އިންސާފަށް ލޯބިކުރާ އެންމެންނަށް. އެ ވިސްނުމުގައި އަހަރެމެން އެއްކޮށް އެއްބަހެއް ކިޔައިގެން މި ތިބީ،" ބަޔާނުގައިވެ އެވެ.
ފީފާގެ ނިންމުންތައް އަންނަން ޖެހޭނީ ގުޅިގެން އެންމެންގެ ބައިވެރިވުން އޮންނަ ގޮތަށް ކަމަށާއި ފުޓްބޯޅައިގެ ލީޑަޝިޕަކީ އަމިއްލަ އަށް ނެގެހެއްޓޭނެ މަގާމެއް ނޫން ކަމަށް ވެސް އެ ބަޔާނުގައި ބުނެފައިވެ އެވެ. އަދި، މިއީ، ފުޓްބޯޅައިގެ ކަންކަން އިންސާފުވެރިކަމާ އެކު ހިންގަން އިންތިހާބުކޮށްފައި ތިބޭ ފަރާތްތަކުގެ ނަޒާހަތްތެރިކަމާ މެދު ސުވާލު އުފެދިފައިވާތީވެ، އަލުން ފުޓްބޯޅައިގެ ލީޑަޝިޕަށް އިތުބާރު ހޯދައިދޭން ޖެހޭ ވަގުތު ކަމަށް ބަޔާނުގައި ހިމަނާފައިވެ އެވެ.
ފީފާ އިން އަމިއްލަ އަށް ވެސް ގޯހެއް ހެދިފައިވާ ކަމަށް މެމްބަރު އެސޯސިއޭޝަންތަކަށް ފޮނުވި ސިޓީގައި ފާހަގަކޮށްފައިވާތީއާ އެކު، އިތުބާރުގެ މައްސަލަތަކާއި ކަންބޮޑުވުންތަކެއް އުޅޭ ކަމަށާއި މި ކަންކަމަށް ގުޅިގެން ފީފާ މެމްބަރު ގައުމުތަކުން އެކަށީގެންވާ ރަނގަޅު ހައްލެއް ހޯދަން ޖެހޭ ކަމަށް އޭއެފްސީ، ކޮންކަކަޕް އަދި ޔުއެފާގެ ބަޔާނުގައި ވަނީ ގޮވާލައިފަ އެވެ.
ފުޓްބޯޅަ އަކީ އަބަދުވެސް އެއްބައިވަންތަަކަމަށް ވަަކާލާތު ކުރާ ކަމެއް ކަމަށްވާއިރު، ފުޓްބޯޅަ ހިންގަން ތިބި ފަރާތްތަކުން ވެސް މި ވަގުތު އިސްކުރަންވީ އެންމެންގެ ބައިވެރިވުމާ އެކު ކުރިއަށް ދިއުމަށެވެ. އަދި، މިހާރު މައްސަލަ ޖެހިފައި މި އޮތް އެފްއެފްއީ އާއި ފީފާގެ ލީޑަޝިޕްގެ ނިންމުންތަކެއްގެ ކަންކަމުގެ ތެރެއިން ޖަވާބުދާރީ ވެގެން އެންމެންނަށް ވެސް ފުޓްބޯޅައިގެ މަސްލަހަތުު އިސްކޮށް ކުރިއަށްދިއުން ބުއްދިވެރި ކަމަށް ބަޔާނުގައި ހިމަނާފައިވެ އެވެ.
ތިން ވަނަ ދައުރަކަށް ފީފާގެ ރައީސްކަން ކުރައްވަމުން އަންނަ އިންފަންޓީނޯ އަށް މަގާމުގައި ދެމިހުރުމަށްޓަކައި ދަތިތަކެއް ވަނީ ކުރިމަތިވެފަ އެވެ. މަގާމުގައި ދެމިހުރުމަށްޓަކައި، އަދި، އަންނަ އަހަރު މާޗް މަހު ބާއްވާ ފީފާގެ އިންތިހާބު ކާމިޔާބުކުރުމުގެ މަސައްކަތުގެ ތެރެއިން، އިންފަންޓީނޯ ވަނީ ފީފާގެ ލީޑަޝިޕްގެ އެކި ފަރާތްތަކާ އެކު، މޮރޮކޯގައި ބުދަ ދުވަހު ބައްދަލުވުމެއް ބާއްވައިފަ އެވެ.
މި ބައްދަލުވުމުގައި ފީފާ ކައުންސިލަށް ވެސް އަދި މެމްބަރު ގައުމުތަކަށް ވެސް ބައިވެރިވުމުގެ ދައުވަތެއް ނުދީ ކުރިއަށްގެންދިއުމަކީ ވެސް ހަރުދަނާ އުސޫލެއްގެ ތެރެއިން ހިނގި ކަމެއްގެ ގޮތުގައި ނުބެލެވޭ ކަމަށް އެ ބަޔ
