އިންފަންޓީނޯ، ފީފާގެ ރައީސަކަށް ބަހައްޓަން ޓްރަމްޕް އެހީތެރިވަނީ

Aug 4, 2026, 11:24 AM
އެމެރިކާގެ ރައީސް ޓްރަމްޕް (ކ) އާއި ފީފާގެ ރައީސް ޖިއާނީ އިންފަންޓީނޯ.

އެމެރިކާގެ ރައީސް ޓްރަމްޕް (ކ) އާއި ފީފާގެ ރައީސް ޖިއާނީ އިންފަންޓީނޯ.

ވޮޝިންޓަން، ޔުނައިޓެޑް ސްޓޭޓްސް (އޮގަސްޓް 4) - ފީފާގެ ރައީސްގެ މަގާމުގައި ޖިއާނީ އިންފަންޓީނޯ ބެހެއްޓުމަށްޓަކައި ކުރެވެން ހުރި ހުރިހާ މަސައްކަތެއް ކުރުމަށް އެމެރިކާގެ ރައީސް، ޑޮނާލްޑް ޓްރަމްޕް މަސައްކަތް ފައްޓަވާފައިވާ ކަމަށް ރިޕޯޓްތައް ބުނެފި އެވެ. 

ޖޫން/ޖުލައި މަހު އެމެރިކާ، މެކްސިކޯ އަދި ކެނަޑާގައި ކުރިއަށްދިޔަ ފީފާ ވޯލްޑް ކަޕްގެ ފަހުން، އިންފަންޓީނޯ އާއި ޓްރަމްޕްގެ ގުޅުން ވަަރަށް ވަރުގަދަވެފައިވާއިރު، އެ ގުޅުމާ ބެހޭގޮތުން، 17 އަހަރު ފީފާގެ ރައީސްގެ މަގާމު ފުރުއްވި، ސެޕް ބްލެޓާ ވެސް ވަނީ ފާޑުކިޔުއްވި އެވެ. 

ތިން ވަނަ ދައުރަކަށް ފީފާގެ ރައީސްކަން ކުރައްވަމުން އަންނަ އިންފަންޓީނޯ އަށް މަގާމުގައި ދެމިހުރުމަށްޓަކައި ދަތިތަކެއް ވަނީ ކުރިމަތިވެފަ އެވެ. އެއީ، ފީފާ ފޯވާޑް އެންޓަޕްރައިސް (އެފްއެފްއީ)ގެ ނަމުގައި، ޕްރައިވެޓް އިންވެސްޓަރުންނަށް ފީފާ ވޯލްޑް ކަޕް ހިމެނޭހެން، ފީފާ މުބާރާތްތަކުގެ، 21 ޕަސެންޓް ހިއްސާ ވިއްކާލަން އުޅުނު ޑީލުގެ ސަބަބުންނެވެ.

Advertisement

އެމެރިކާގެ ރައީސް ޓްރަމްޕްގެ ހިއްސާ އޮތް ތުރައިވް އެޓާނަލް އަށް ވޯލްޑް ކަޕްގެ ހިއްސާ ހިމެނޭ މި ޑީލް ދިނުން ހުއްޓުވީ، ޔޫރަޕްގެ މައި ފުޓްބޯޅަ އިދާރާ، ޔުއެފާގެ އިސް ނެގުމާ އެކު، އެ އަށް އުތުރު/ސެންޓްރަލް އެމެރިކާގެ ފުޓްބޯޅަ އިދާރާ ކޮންކަކަފް އަދި އޭޝިއާގެ ފުޓްބޯޅަ އިދާރާ، އޭއެފްސީން ބާރު އަޅައިގެންނެވެ. 

ވައުދު ނުފުއްދާތީ ފީފާގެ ރައީސް އިންފަންޓީނޯ އަށް ޔުއެފާގެ އިތުބާރު ގެއްލިއްޖެ

ފީފާގެ ރައީސް އިންފަންޓީނޯ ވެވަޑައިގެންނެވި ވައުދުތައް ނުފުއްދަވާތީއާއި، ފީފާގެ މުބާރާތްތަކުގެ ހިއްސާ ވިއްކާލަން އުޅުމާ ގުޅިގެން ޔުއެފާގެ އިތުބާރު އޭނާއަށް ގެއްލިއްޖެ. ޔުއެފާއިން ބުނާގޮތުގައި ފީފާގެ މިހާރުގެ ލީޑަޝިޕުން ކަންކަން ކުރަނީ ދެފުށް ފެންނަ ގޮތަކަށް ނޫން ކަމަށާއި، ފުޓްބޯޅަ އާއިލާގެ ގިނަ މެންބަރުންގެ އިތުބާރުވެސް އިންފަންޓީނޯ އަށް ކަމަށް

ޔުއެފާ އިން މިހާރު އަންނަނީ އިންފަންޓީނޯ މަގާމުން ދުރުކުރުމަށްޓަކައި މަސައްކަތް ކުރަމުންނެވެ. އަދި، އެފްއެފްއީގެ ތަހުގީގެއް ކުރުމަށްޓަކައި ވެސް ޔުއެފާ އިން އިސްނަގާފައިވާއިރު، މި ހުރިހާ ކަމެއްގެ މައިގަނޑު ބޭނުމަކަށް އޮތީ، އަންނަ އަހަރުގެ މާޗް މަހުގައި އޮތް ފީފާގެ އިންތިހާބުގައި، އިންފަންޓީނޯ ނޫން ފަރާތަކަށް ފީފާގެ ރައީސްކަން ދިނުމަށެވެ. 

ޓެލެގްރާފް ނޫހުން ރިޕޯޓްކުރާ ގޮތުގައި، އިންފަންޓީނޯ ވަނީ މަގާމު ދިފާއުކުރުމަށްޓަކައި، ޓްރަމްޕްގެ އެހީތެރިކަމަށް އެދިފަ އެވެ.

އިންފަންޓީނޯގެ މި އެދިލެއްވުމާ އެކު، މިހާރު ޓްރަމްޕް ހުންނެވީ އިންފަންޓީނޯ އަށް ފީފާގެ ރައީސްކަން އިތުރު ދައުރަކަށް ހޯދައިދިނުމަށްޓަކައި "ކުރެވުނު ހުރިހާ ކަމެއް" ކުރުމަށް އިސްނަންގަވައިގެންނެވެ. 

އިންފަންޓީނޯ އަށް އޮތް ސަޕޯޓް ދެއްކުމަށްޓަކައި، އޭޝިއާގެ ގިނަ ގައުމުތަކުން އަންނަނީ، އެފްއެފްއީ ކުރިއަށް ނުގެންދަން، ފީފާ އިން ނިންމި ނިންމުމަށް މަރުހަބާ ކިޔައި، އިންފަންޓީނޯގެ ލީޑަޝިޕަށް ޝުކުރު އަދާކުރަމުންނެވެ. އަދި، މި ކަމުގައި، އެފްރިކާ އާއި ދެކުނު އެމެރިކާގެ ބައެއް ގައުމުތަކުން ވެސް އަންނަނީ ބައިވެރިވަމުންނެވެ. 

ކުރިއަށް އޮތް ފީފާގެ އިންތިހާބުގަޔާއި، މިހާރު ވެސް ފާޅުގައި އިންފަންޓީނޯ އަށް ސަޕޯޓް ނުކުރާނެ ކަމަށް އިއުލާނުކުރި ގައުމުތަކަށް ބަލާއިރު، ވޭލްސް އާއި އިންގްލެންޑްގެ ފުޓްބޯޅަ އެސޯސިއޭޝަން ހިމެނެ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox