ހިތަދޫ މޫލެކެޑެ ހިއްކަން ކުއްޔަށް ނެގި އުޅަނދުތަކަށް އާރްޑީސީން ފައިސާ ނުދީގެން މުޒާހަރާކޮށްފި

އައްޑޫގައި ހުންނަ އާރްޑީސީގެ އޮފީސް ކުރިމަތީގައި ކުރިއަށްދިޔަ އިހުތިޖާޖުގައި ބޭނުންކުރި އުޅަނދު.

އައްޑޫގައި ހުންނަ އާރްޑީސީގެ އޮފީސް ކުރިމަތީގައި ކުރިއަށްދިޔަ އިހުތިޖާޖުގައި ބޭނުންކުރި އުޅަނދު.

އައްޑޫ ސިޓީގެ މަގު ހެދުމުގެ މަޝްރޫގެ ތެރެއިން ހިތަދޫ މޫލެކެޑެ ސަރަހައްދު ހިއްކަން ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ކުއްޔަށް ނެގި ވެހިކަލްތަކަށް ފައިސާ ނުދީ ގިނަ ދުވަސް ވާތީ އެ ކުންފުނީގެ އައްޑޫ އޮފީސް ކުރިމަތީގައި މުޒާހަރާކޮށްފި އެވެ. 

އަދަދު އަށް މައުލޫމާތު ލިބިފައިވާ ގޮތުގައި ނޮވެމްބަރު، 2025، ގައި ބިން ހިއްކުމަށް އާރްޑީސީން ގިނަ އަދަދެއްގެ ވެހިކަލްތައް ކުއްޔަށް ނެގީ ލިފްޓެޑް މޯލްޑިވްސް ޕްރައިވެޓް ލިމިޓެޑް ކުންފުނިންނެވެ. ނަމަވެސް އެ ތަކެތީގެ ކުއްޔަށްވާ 8.4 މިލިއަން ރުފިޔާ ދީފައެއް ނުވެ އެވެ. 

"އެންމެ ބޮޑު މައްސަލައަކީ އެއްވެސް ވެރިއެއްގެ ޖަވާބެއް ނެތް. އަޅުގަނޑުމެންނަށް ވާއެއް ނުވާއެއް ނޭނގޭ،" ލިފްޓެޑް މޯލްޑިވްސް ކުންފުނީގެ އޮފިޝަލަކު އަދަދަށް މައުލޫމާތު ދެމުން ވިދާޅުވި އެވެ.  

Advertisement

ފައިސާ ނުދީ ގިނަ ދުވަސްވުމުގެ އިތުރުން، ކުންފުންޏާ އެއްވެސް މުއާމަލާތެއް ކުރަމުން ނުދާތީ، ލިފްޓެޑް މޯލްޑިވްސްއިން މިއަދު ވަނީ އައްޑޫ އާރްޑީސީ އޮފީސް ކުރިމަތީގައި ވެހިކަލެއް ބާއްވައިގެން ހިތްހަމަނުޖެހުން ފާޅުކޮށްފަ އެވެ. 

މުޒާހަރާގެ ތެރޭގައި ބޭނުންކުރި އުޅަނދު.
މުޒާހަރާގެ ތެރޭގައި ބޭނުންކުރި އުޅަނދު.

އަދާކުރަމުންދާ ވަޒީފާގެ ގޮތުން ނޫހުގައި ނަން ޖެހުމަށް އުޒުރުވެރިވި، ލިފްޓެޑް މޯލްޑިވްސްގެ އޮފިޝަލް ވިދާޅުވީ ޕޭމަންޓް ލަސްވަނީ ފިނޭންސް މިނިސްޓްރީން ބަޖެޓު ހަމަޖައްސައި ނުދީ އޮތުމުން ކަމަށް އެކި ގޮތްގޮތުން ހޯދި މައުލޫމާތުން އާރްޑީސީގެ ތެރެއިން އެނގުނު ކަމަށެވެ. 

އެހެން ނަމަވެސް، ކުންފުންޏާ ގުޅުން ހުރި ބައެއް ފަރާތްތަކުން ފިނޭންސް މިނިސްޓްރީގެ އޮފިޝަލުންނާ ބައްދަލުކުރުމުން އާރްޑީސީއަށް ބަޖެޓު ދީ ނިންމާފައިވާ ކަމުގެ ރިޕޯޓުތައް އުޅޭ ކަމަށް އޭނާ ފާހަގަކުރެއްވި އެވެ. 

ތިމާވެއްޓަށް ގެއްލުންވާ ގޮތަށް ހިތަދޫ މޫލެކެޑެ ހިއްކުމާ ގިނަ ބަޔަކު ދެކޮޅުކަން ސަވޭއިން ދައްކައިފި

އީއައިއޭއަށް ހެދި ޕަބްލިކް ސާވޭއަށް 1،000 އަށްވުރެ ގިނަ މީހުންގެ ތެރެއިން ގާތްގަނޑަކަށް 62 ޕަސަންޓު މީހުން މަޝްރޫއުއަށް ތާއީދު ނުކުރެ. އެ މަޝްރުއަށް ތާއީދުކުރަނީ އެންމެ 32 ޕަސަންޓު މީހުން.

"މޫލެކެޑޭ ފިށިމަތި" ސަރަހައްދު ހިއްކައިގެން މަގު ހަދަން ސަރުކާރުން ރޭވި މަޝްރޫއު ކުރިއަށް ގެންދިޔައީ އެކަން ނުކުރަން ތިމާވެށި ހިމާޔަތްކުރަން މަސައްކަތްކުރާ ޖަމިއްޔާއަކުން އެދިފައި ވަނިކޮށެވެ. 

އެޕްރީލް 3، ގައި ބޭއްވި އިންތިހާބުގެ ކުރިން ރައީސް މުހައްމަދު މުއިއްޒު އެންމެ ފަހުން އައްޑޫއަށް ކުރެއްވި ދަތުރުގެ ތެރެއިން ތިމާވެށި ޕްރޮޖެކްޓު ޖަމިއްޔާގެ ފަރާތުން އެމަނިކުފާނަށް ހަވާލުކުރި ސިޓީއެއްގައި ބުނީ އެތަން ހިއްކަން އެދި ޕެޓިޝަން ކުރީ އެންމެ 122 މީހުން ކަމަށެވެ. 

އޭގެ އިތުރުން، އެ ސަރަހައްދު ހިއްކިޔަސް، ހިތަދުއަށް ކުރިމަތިވެފައިވާ ބިމުގެ ދަތިކަމާއި ނުބައި ވަސް ދުވުމުގެ މައްސަލައަށް އެ މަޝްރޫއުގެ ސަބަބުން ހައްލެއް ނުލިބޭނެ ކަމަށް އެ ސިޓީގައިވެ އެވެ. އެ ސަރަހައްދު ހިއްކަން ސަރުކާރުން ނިންމީ ލިންކް ރޯޑް ސީދާ ކުރުމާއި އެ ސަރަހައްދުން ނުބައި ވަސްދުވުން ފަދަ މައްސަލަތައް ހައްލުކުރަން އެދި ޕެޓިޝަނެއް ހުށަހަޅާފައިވާ ކަމަށް ބުނެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox