ފުށިދިއްގަރު ފަޅަށް ގާކުނޑި އަޅައިގެން ރަސްމާލެއަށް 25 ހެކްޓަރު ހިއްކަނީ

ފުށިދިއްގަރު ފަޅު މަތިން އާދިއްތަ ދުވަހު ނަގާފައިވާ ސެޓެލައިޓް ފޮޓޮއެއް: ރަސްމާލެއަށް މި ފަޅުން 1000 ހެކްޓަރަށް ވުރެ ބޮޑު ސަރަހައްދެއް ހިއްކާ --- ފޮޓޯ: ކޮޕާނިކަސް

ފުށިދިއްގަރު ފަޅު މަތިން އާދިއްތަ ދުވަހު ނަގާފައިވާ ސެޓެލައިޓް ފޮޓޮއެއް: ރަސްމާލެއަށް މި ފަޅުން 1000 ހެކްޓަރަށް ވުރެ ބޮޑު ސަރަހައްދެއް ހިއްކާ --- ފޮޓޯ: ކޮޕާނިކަސް

ފުށިދިއްގަރު ފަޅު ހިއްކައިގެން މި ސަރުކާރުން ތަރައްގީކުރަމުން އަންނަ ރަސްމާލޭގެ ސަރަހައްދަކަށް ގާކުނޑި އަޅައިގެން ހިއްކަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހުއްދައަށް އެދިއްޖެ އެވެ.

މި ހުއްދަ ހޯދަން ވެގެން އެޗްޑީސީން ތައްޔާރުކުރި އީއައިއޭ ރިޕޯޓުގައިވާ ގޮތުގައި މިއީ ހުޅުމާލޭގައި ހުރި ގާފުނިތަކުގެ މައްސަލަ ބޮޑުވެގެން، އެކަމަށް ހައްލެއް ހޯދަން އެ ކުންފުނިން ހުށަހަޅާ ގޮތެކެވެ. އެޗްޑީސީން ވަނީ މިއީ ކޮންސްޓްރަކްޝަން މަސައްކަތްތަކުން އުފެދޭ ކުނި ނައްތާލެވޭނެ ދާއިމީ ހައްލެކެވެ.

އެޗްޑީސީން އެންވަޔަރަމެންޓަލް ރެގިއުލޭޓަރީ އޮތޯރިޓީ (އީއާރުއޭ) ގައި ބުނެފައި ވަނީ އެ ކުންފުނިން މި ކުނިތައް ފުށިދިއްގަރު ފަޅުގެ ކަނޑައެޅިފައިވާ ސަރަހައްދަށް އަޅާނީ އެ ކުނިތައް ސާފުކޮށް، ޕްރޮސެސް ކުރުމަށް ފަހުގައި ކަމަށެވެ. މި ގޮތަށް ކުނި އަޅަނީ، ކަނޑުގެ ލޮނުގަނޑުގެ އުސްމިނުން ފެށިގެން އަޑިއަށް މީޓަރަކާ ހަމައަށެވެ. އޭގެ މަތީ ފަށަލައަށް އަޅަނީ ހުދު ވެއްޔެވެ. 

Advertisement

ރާއްޖޭގެ ފުރަތަމަ އިކޯ ސިޓީގެ ގޮތުގައި ތަރައްގީކުރަމުން އަންނަ ރަސްމާލޭގެ ބަޔަކަށް ގާކުނޑި އަޅަން ނިންމިއިރު، އެޗްޑީސީން ވަނީ ހުޅުމާލޭގެ ފޭސް ތިނަކަށް ބިން ހިއްކިއިރު ވެސް އެ ސަރަހައްދަށް ގާކުނޑި އަޅާފަ އެވެ.

ފާޑުކިޔުން އަމާޒުވުމުން ހުޅުމާލެ ފޭސް ތިނެއް ހިއްކަން ގެންގޮސްފައި ހުރި ކުނިފުނި ނަގައިފި

ންވަނަ ފިޔަވަހި ހިއްކުމަށް އެ ސަރަހައްދަށް ކުނިބުންޏާއެކު ގާކުނޑި އަޅަމުންދިޔަ ވީޑިއޯ މި ނޫހުން ސޯޝަލްމީޑިއާގައި ރޭ ޕޯސްޓު ކުރުމާއެކު ރައީސް އޮފީހުން ވަނީ އެ ކުނިފުނި އެ ތަނުން ނެގުމަށް އެޗްޑީސީއަށް އަންގައިފަ އެވެ.

އެ ފަހަރު ގާކުނޑި އެޅިއިރު، އެޗްޑީސީން އެ ބުނާ ގޮތަށް ކުނިތައް ސާފުކޮށް، ޕްރޮސެސްކޮށްފައި ނެތެވެ. އަދި ހިއްކަން އެޅި ކުނިތަކުގެ ތެރޭގައި ޕްލާސްޓިކާއި ދަގަނޑާއި ޓިނު ފަދަ ބާވަތްތައް ވެސް ހުއްޓެވެ. އޭރު މިކަން ހުއްޓާލީ، ހުޅުމާލޭ ރައްޔިތުން ޝަކުވާ ކުރުމުން ސީދާ ރައީސް އަންގަވައިގެންނެވެ.

ގާކުނޑި އަޅައިގެން ހިއްކުމުގެ ނުރައްކާތަކާ ގުޅިގެން މި ނޫހަށް މައުލޫމާތު ދިން ތިމާވެށި ދާއިރާގެ ތަޖުރިބާކާރަކު ބުނީ، ކުނިތައް ސާފުކުރި ނަމަވެސް، އޭގައި ހުރި ބަރު މައުދަނުތަކާއި ކެމިކަލް ފަދަ ގެއްލުންހުރި މާއްދާތައް ދިޔަވުމުގެ ފުރުސަތު އޮންނާނެ ކަމަށެވެ.

މީގެ އިތުރުން މިއީ މާލެ އާއި ތިލަފުށި ފުރަތަމަ ހިއްކި ގޮތް ކަމަށާއި، ދެ ތަނުގައި ވެސް ތަޖުރިބާކުރި ފަދައިން ވަގުތު ފާއިތުވަމުންދާ ވަރަކަށް ބިންގަނޑު ތިރިވެ، ބިމުގެ ހަމަޖެހުން ގެއްލުމުގެ ނުރައްކާ ވެސް އޮވެ އެވެ.

އެޗްޑީސީން ބުނެފައި ވަނީ އެ ކުންފުނިން ބޮޑެތި ގާތަށް އެޅުމަށް ފަހު ބެކްފިލް ކުރާނެ ކަމަށެވެ. މި ނޫހާ ވާހަކަ ދެއްކި ތަޖުރިބާކާރު ބުނީ އެހެން ބެކްފިލް އެޅިޔަސް، ބޮޑެތި ކުނި ކަނޑަށް އަޅައިގެން ހިއްކާއިރު، މި ހިރާސް އޮންނާނެ ކަމަށެވެ. 

ރަސްމާލޭގެ ސައިޓުތަކުގެ ތެރެއިން ގާކުނޑި އަޅައިގެން ހިއްކަނީ ސައިޓު "ކޭ" އެވެ. މިއީ އެންމެ ފުރަތަމަ ހިއްކާ ނިންމި ސައިޓު ޖޭ އާއި އެމްއޭސީއެލްއިން މިހާރު ހިއްކާ ނިންމާފައިވާ ސައިޓު "އޭ" ދެމެދުގައި އޮންނަ ސަރަހައްދެކެވެ. މިއީ ފުރަތަމަ ޕްލޭނުގައި ހިއްކާ ގޮތަށް އޮތް ސަރަހައްދެއް ވެސް ނޫނެވެ. 

ހަތަރު ވަނައަށް ދިން ތާރީހަށް ވެސް ރަސްމާލެ ހިއްކާ ނުނިމުނު

ދުނިޔޭގެ އެންމެ ބޮޑު ޑްރެޖަރު ބޭނުންކޮށްގެން މަސައްކަތް ކުރި ނަމަވެސް، މިދިޔަ ނޮވެމްބަރު މަހު ރައީސް ވިދާޅުވި ފަސް މަސްދުވަހުގެ މުއްދަތު މި އޭޕްރިލް މަހަށް ހަމަވާއިރު، ފަހުން ހިއްކަން ފެށި ސައިޓުތަކުގެ ތެރެއިން ހިއްކާ ނިމުނީ "ސައިޓު އޭ" އެކަނި.

ގާކުނޑި އަޅައިގެން ހިއްކުމުގެ ހުއްދައަށް އެދުމުގެ އިތުރުން، މިހާރު ވެލި ނަގަން ހުއްދަ ދީފަ ހުރި ސަރަހައްދުގެ މާ ފުނުން ވެލި ނަގަން ޖެހޭތީ އާއި، މާ ދުރަށް ދަތުރުކުރަން ޖެހޭތީ ކައިރި ދެ ސަރަހައްދަކުން ވެލި ނެގުމުގެ ހުއްދައަށް ވެސް އެޗްޑީސީން އެދިފައިވެ އެވެ. 

ރަސްމާލެ ހިއްކުމުގެ މަސައްކަތް ފެށިތާ ދެ އަހަރަށް ވުރެ ގިނަ ދުވަސްވެފައިވާއިރު، އެންމެ ފަހުން ރައީސް މުހައްމަދު މުއިއްޒު ވިދާޅުވި އޭޕްރިލް މަސް ނިމޭއިރު ވެސް ރަސްމާލެ ހިއްކާ ނުނިމޭނެ އެވެ. މި ޕްރޮޖެކްޓުގެ ރަސްމީ ޝެޑިއުލުން ދައްކާ ގޮތުގައި އެ ޕްރޮޖެކްޓުގެ ބިން ހިއްކުމާއި ބޮޑު ހިލަ ޖެހުމުގެ މަސައްކަތް ނިމޭނީ ސެޕްޓެމްބަރު 2028 އަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox