ފީފާ ކޮންގްރެސް އަށް ނާދެވުނަސް، އިރާން ވޯލްޑް ކަޕްގައި ކުޅޭނެ

May 1, 2026, 7:59 AM
ފީފާގެ ރައީސް ޖިއާނީ އިންފަންޓީނޯ.

ފީފާގެ ރައީސް ޖިއާނީ އިންފަންޓީނޯ.

ވެންކޫވާ، ކެނަޑާ (މެއި 1) - ކެނަޑާގެ ވެންކޫވާގައި ކުރިއަށްދިޔަ ފީފާގެ ކޮންގްރެސް އަށް އިރާނަށް ނާދެވުނު ކަމުގައި ވިޔަސް، ޖޫން/ޖުލައި ގައި އެމެރިކާ، މެކްސިކޯ އަދި ކެނަޑާގައި ބާއްވާ ފީފާ ވޯލްޑް ކަޕްގައި އިރާން ކުޅޭނެ ކަމަށް ފީފާގެ ރައީސް ޖިއާނީ އިންފަންޓީނޯ ވިދާޅުވެއްޖެ އެެވެ. 

ބުރާސްފަތި ދުވަހު އޮތް ފީފާގެ ކޮންގްރެސްގައި، އެ ފެޑެރޭޝަންގެ 211 ގައުމުގެ ތެރެއިން ބައިވެރިނުވެވުނީ އިރާންގެ އޮފިޝަލުންނަށް އެކަންޏެވެ.

އިރާންގެ މީޑިއާއެއް ކަމަށްވާ ތަސްނީމް އިން ރިޕޯޓްކުރި ގޮތުގައި، އިރާންގެ ފުޓްބޯޅަ ފެޑެރޭޝަންގެ ރައީސް، މެހެދީ ތާޖު ހިމެނޭހެން އިރާންގެ އޮފިޝަލުންނަށް ކެނަޑާ އަށް އެރުމުގެ ހުއްދަ ކެނަޑާ އިމިގްރޭޝަނުން ދީފައިނުވެ އެވެ. ކެނަޑާގެ ފޮރިން އެފެއާޒް މިނިސްޓަރު، އަނިޓާ އަނަންދު ވިދާޅުވީ، އިރާންގެ އޮފިޝަލުން ކެނަޑާ އަށް އެތެރެވުމަަށް ހުއްދަ ދެވޭނެ ހާލަތެއް ނެތް ކަމަށެެވެ. 

Advertisement

ރިޕޯޓްތައް ބުނާގޮތުން، އިރާންގެ ފުޓްބޯޅަ ރައީސް ތާޖު އަކީ، އެ ގައުމުގެ އިސްލާމިކް ރިވުލޫޝަނަރީ ގާޑް (އައިއާރްޖީސީ)އާ ގުޅުން އޮންނަ ފަރާތެއް ކަމަށް ބުނެ، ކެނަޑާ އަށް އައުމަށް އޭނާ އަށް ފުރުސަތު ނުދިނީ، އައިއާރްޖީސީ އަކީ ކެނަޑާ އިން ލިސްޓު ކޮށްފައިވާގޮތުގައި، ޓެރަރިސްޓް ޖަމާއަތެކެވެ. 

ފެބްރުއަރީ މަހު، އިޒްރޭލާއި އެމެރިކާ އިން އިސްވެ، އިރާނާ ދެކޮޅަށް ފަށާފައިވާ ހަނގުރާމައާ ހެދި، އިރާނުން ވޯލްޑް ކަޕްގައި ނުކުޅޭނެ ކަމަށް ބުނި ނަމަވެސް، ފީފާގެ ރައީސް، އިންފަންޓީނޯ އަންނަނީ، ތަކުރާރުކޮށް، އިރާން ވޯލްްޑް ކަޕްގައި ކުޅޭނެ ކަމަށް ބުނަމުންނެވެ. 

"ޔަގީންކަމެއް، އިރާނުން ވޯލްޑް ކަޕްގައި ކުޅޭނެ. އެމެރިކާގައި  މެޗުތައް ކުޅޭނީ ވެސް. ސަބަބު ވަރަށް ސާފު، އަހަރެމެންނަށް މިކަން ކުރެވޭނީ އެންމެ ގުޅިގެން. އެންމެން އެއްކޮށް މި ކަން ކުރެވޭނެ ގޮތެއް ހޯދަން ޖެހޭ،" އިންފަންޓީނޯ ވިދާޅުވި އެވެ. 

އިންފަންޓީނޯގެ ވާހަކަތަކަށް އިޝާރާތް ކުރައްވައި، އެެމެރިކާގެ ރައީސް ޑޮނާލްޑް ޓްރަމްޕް ވިދާޅުވީ، އިންފަންޓީނޯ އެ ގޮތަށް ވިދާޅުވާނަމަ، އިރާނަށް ވޯލްޑް ކަޕްގައި ކުޅެން ހުރަހެއް ނެތް ކަމަށެވެ. 

ޕްލޭން ބީ އެއް ނެތް، އިރާން ވޯލްޑް ކަޕް ކުޅޭނެ: އިންފަންޓީނޯ

އެމެރިކާ، މެކްސިކޯ އަދި ކެނަޑާގައި އަންނަ ޖޫން/ޖުލައި ގައި ކުރިއަށްގެންދާ ގޮތަށް ތާވަލުކޮށްފައިވާ ފީފާ ވޯލްޑް ކަޕްގައި އިރާން ކުޅޭނެ ކަމަށާއި އެކަމާ ގުޅޭގޮތުން، ފީފާ އިން ޕްލޭން ބީއެއް ނުގެންގުޅޭ ކަމަށް ފީފާގެ ރައީސް ޖިއާނީ އިންފަންޓީނޯ ވަނީ ވިދާޅުވެފައި.

ދުނިޔޭގެ އެންމެ މަގުބޫލު ކުޅިވަރު މުބާރާތް ފީފާ ވޯލްޑް ކަޕުގައި އިރާން އޮތީ ގްރޫޕް ޖީ ގަ އެވެ. އިރާނުގެ ހުރިހާ މެޗުތަކެއް ވެސް ކުޅެން ހަމަޖެހިފައި އޮތީ އެމެރިކާގަ އެވެ. އިރާނާއެކު އެ ގްރޫޕުގައި ދެން އޮތީ ބެލްޖިއަމް، އިޖިޕްޓް އަދި ނިއުޒީލެންޑެވެ. އިރާން ކުޅޭ ފުރަތަަމަ ދެ މެޗު އޮތީ ލޮސް އެންޖެލްސްގައި، ނިއު ޒީލެންޑާއި ބެލްޖިއަމާ ދެކޮޅަށް ޖޫން 15 އާއި 21 ގަ އެވެ. އަދި، މިސްރާ ދެކޮޅަށް ކުޅެން އޮތް މެޗު، ޖޫން 26 ގައި ކުޅޭނީ ސިއޭޓަލްގަ އެވެ.

އިތުރު ދައުރަކަށް ފީފާގެ ރައީސަކަށް އިންފަންޓީނޯ ކުރިމަތިލާނެ

އަންނަ އަހަރު ބާއްވާ ފީފާގެ އިންތިހާބުގައި، އިތުރު ދައުރަކަށް އެ ފެޑެރޭޝަންގެ ރައީސްގެ މަގާމަށް ކުރިމަތިލާނެކަން އިންފަންޓީނޯ ވަނީ އިއްޔެގެ ކޮންގްރެސްގައި އިއުލާނުކުރައްވައިފަ އެވެ. 

ފީފާގެ ރައީސްގެ މަގާމަށް ޔުއެފާގެ ކުރީގެ ޖެނެރަލް ސެކްރެޓަރީ އިންފަންޓީނޯ، އެންމެ ފުރަތަމަ އިންތިހާބުވެވަޑައިގަތީ، ކޮރަޕްޝަނުގެ މައްސަލަތައް ބަލަން ފެށުމާ އެކު ފީފާގެ ކުރީގެ ރައީސް ސެޕް ބްލެޓާ 2015 ވަނަ އަހަރު އިސްތިއުފާ ދެއްވުމުން ބޭއްވި އިންތިހާބު ކާމިޔާބު ކުރައްވައިގެންނެވެ. ބްލެޓާ ވަނީ ފީފާގެ ރައީސްގެ މަގާމު 17 އަހަރު ވަންދެން ފުރުއްވައިފަ އެވެ. އިންފަންޓީނޯ ދެ ވަނަ ދައުރަކަށް އިންތިހާބުވެވަޑައިގަތީ 2019 ވަނަ އަހަރު އެވެ. އެ ފަހަރު ވެސް އިންފަންޓީނޯ އިންތިހާބުވެވަޑައިގަތީ، އިތުރު ކެންޑިޑޭޓެއް ވާދަނުކުރައްވާތީ ފަސޭހަކަމާ އެކު އެވެ. މީގެ ތިން އަހަރު ކުރިން، 2023 ވަނަ އަހަރު، ތިން ވަނަ ދައުރަކަށް އިންފަންޓީނޯ އިންތިހާބުވީ ވާދަކުރާނެ ކެންޑިޑޭޓަކު ވެސް ނެތި އެވެ. 

މި ފަހަރުގެ ކޮންގްރެސްގައި، އިންފަންޓީނޯ ވިދާޅުވީ، ފީފާގެ އިލެކްޓޯރަލް ޕީރިއަޑް ފެށިގެންދާއިރު، މެމްބަރު ހުރިހާ ގައުމަކަށް އަންގައިދޭން ބޭނުންވަނީ، ދެން، އޮތް ދައުރު، 2027-2031 އަށް ފީފާގެ ރައީސަކަށް އޭނާ ކުރިމަތިލާނެ ކަމަށެވެ. 

"ތިޔަ 211 މެމްބަރު އެސޯސިއޭޝަނަށް އެންމެ ފުރަަަތަމަ އެކު އެކީގައި އިއުލާނު މި ކުރަނީ، އަންނަ އަހަރުގެ ފީފާގެ އިލެކްޝަނުގައި އަހަންނަކީ، ކެންޑިޑޭޓެއް،" އިންފަންޓީނޯ ވިދާޅުވި އެވެ. 

އޭއެފްސީގެ މިހާރު އޮތް ލީޑަޝިޕުން ވަނީ އިންފަންޓީނޯ އަށް ސަޕޯޓް އޮތް ކަމަށް ބުނެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox