ޑިވެލޮޕްމަންޓް ބޭންކުން ލޯނެއް ދޫކުރެވޭނެ ތާރީހެއް މިނިސްޓަރަށް ވިދާޅެއް ނުވެވުނު

އިކޮނޮމިކް މިނިސްޓަރު މުހައްމަދު ސައީދު: ޑިވެލޮޕްމަންޓް ބޭންކު މެދުވެރިކޮށް ލޯނު ދޫކުރެވޭނެ ތާރީހެއް މިނިސްޓަރަށް ވިދާޅެއްވެފިފައެއް ނުވޭ -- ފޮޓޯ: ރައީސް އޮފީސް

އިކޮނޮމިކް މިނިސްޓަރު މުހައްމަދު ސައީދު: ޑިވެލޮޕްމަންޓް ބޭންކު މެދުވެރިކޮށް ލޯނު ދޫކުރެވޭނެ ތާރީހެއް މިނިސްޓަރަށް ވިދާޅެއްވެފިފައެއް ނުވޭ -- ފޮޓޯ: ރައީސް އޮފީސް

އުމްރާނީ ތަރައްގީއަށް ލޯނު ދޫކުރަން ހާއްސަކޮށް 2024 ވަނަ އަހަރު ހުޅުވި މޯލްޑިވްސް ޑިވެލޮޕްމެންޓް ބޭންކުން ލޯނެއް ދޫކުރެވޭނެ ތާރީހެއް އިކޮނޮމިކް މިނިސްޓަރު މުހައްމަދު ސައީދަށް ވީދާޅެއް ނުވެވުނެވެ. 

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އަދަދު ނޫހުން ސުވާލުކުރީ ބޭންކް މެދުވެރިކޮށް ލޯނު ދޫކޮށްގެން އެންމެ އަވަހަށް މަޝްރޫއެއް ހިންގޭނެ ދުވަހެއް ސާފުކޮށްދިނުމަށެވެ. 

އެ ސުވާލަށް ޖަވާބުދެއްވަމުން ސައީދު ވިދާޅުވީ ޑިވެލޮޕްމަންޓް ބޭންކުގެ މެނޭޖްމަންޓް އެކުލަވާލައި މުވައްޒަފުން ވެސް ނަގައިގެން މަސައްކަތް ކުރިއަށްދާ ކަމަށެވެ. އަދި، އެ ބޭންކުގެ ބޭނުމާއީ އެ މަސައްކަތް ފެށިފައި އޮތް ކަމާއި ކުރީ ސަރުކާރުގެ ގޭދޮށު މަސް ފެކްޓްރީތަކުގެ ވާހަކަ ދިގުކޮށް ދެއްކެވި އެވެ.

ނަމަވެސް އެ ބޭންކުން މަޝްރޫއަކަށް ލޯނު ދޫކުރެވޭނެ ތާރީހެއް މިނިސްޓަރެއް ވިދާޅެއް ނުވެ އެވެ. 

"އެއްވެސް ޝައްކެއް ނެތް. ޑިވެލޮޕްމަންޓް ބޭންކަކީ މުހިންމު ބޭންކަކަށްވާތީ ރައީސްގެ އިލެކްޝަން ވައުދެއް ގޮތުގައި ވެސް އެކަން ހިމަނުއްވައިގެން އެ މަސައްކަތް ކުރެވުމުން އެދަނީ. އެ މަސައްކަތް އެބަދޭ ކުރިއަށް އެނގޭތޯ. އެ ބޭންކުގެވެސް  މިހާރު މެނޭޖްމަންޓް އެކުލަވާލެވި އަދި މުވައްޒަފުންވެސް ނެގިފައި،" ސައީދު ވިދާޅުވި އެވެ. 

މައުލޫމާތު ހޯދައި ލިބިގަތުމުގެ ހައްގުގެ ދަށުން ޑިވެލޮޕްމަންޓް ބޭންކުން ކުރި ހަރަދު ހޯދުމަށް މި ނޫހުން ހުށަހެޅުމުން ފިނޭންސް މިނިސްޓްރީން ފޮނުވި ޖަވާބުގައި ބުނީ މިދިޔަ އަހަރުގެ އޯގަސްޓު މަހުގެ ނިިޔަލަށް އެ ބޭންކަށް 11،998،267ރ. ހަރަދު ކޮށްފައިވާ ކަމަށެވެ.

އެ މިނިސްޓްރީން ފޮނުވި ޖަވާބުގައި ބުނީ 2024 ވަނަ އަހަރު އެ ބޭންކަށް 3،000،000ރ ހަރަދުކުރި ކަމަށެވެ. އަދި މި އަހަރުގެ އޯގަސްޓު މަހުގެ 25 އާ ހަމައަށް އެ ބޭންކަށް 8،998،267ރ. ހަރަދުކޮށްފައިވާ ކަމަށް އެ މިނިސްޓްރީން ބުންޏެވެ.

އެ ބޭންކަށް ބޭނުންވާ ލައިސަންސް   މޯލްޑިވްސް މަނިޓަރީ އޮތޯރިޓީން ދޫކުރީ އަހަރެއްގެ ތެރޭގައި ބޭންކިން ހިދުމަތް ދިނުމަށް ޝަރުތު ކުރުމަށް ފަހު އޮކްޓޯބަރު 13، 2024, ގައި އެވެ. އެ ދުވަހުން ފެށިގެން އެއް އަހަރު ހަމަވި ދުވަހަކީ މިދިޔަ އަހަރުގެ އޮކްޓޯބަރު 12، ގަ އެވެ. 

ދެމެހެއްޓެނިވި އިގްތިސާދީ އަދި އިޖުތިމާއީ ތަރައްގީއަށް އިންވެސްޓުކުރުމާއި އުމްރާނީ ތަރައްގީއަށް ބޭނުންވާ ފައިސާ ހޯދުމުގެ އަމާޒުގައި މި ސަރުކާރުން އުފެއްދި ޑިވެލޮޕްމެންޓް ބޭންކު "ހުޅުވީ" ނޮވެމްބަރު 16، 2024، ގައި މުއިއްޒު އެވެ.

ބޭންކުގެ ސީއީއޯ ނޮއެލް ގްރެގާ ޕެޓަސަން-ޖޯންސް ވަނީ މިދިޔަ އަހަރުގެ މާޗު މަހު އިސްތިއުފާ ދެއްވައިފަ އެވެ. އޭނާ އިސްތިއުފާ ދެއްވީ އޭނާއަށް ދެންޖެހޭ މުސާރަ އާއި އިނާޔަތްތައް ނުދޭތީކަން ފަހުން ވަނީ ހާމަވެފަ އެވެ. 

ޑިވެލޮޕްމަންޓް ބޭންކްގެ އޮފީސް ހިންގާ އިމާރާތަށް މިދިޔަ މެއި މަހާ ހަމައަށް އެއްވެސް މަހެއްގެ ކުލި ދައްކާފައި ނުވާ ކަމަށް އެސްޓީއޯއިން ބުނެފައިވެ އެވެ. އެ ބޭންކުގެ އޮފީސް ހިންގުމަށް އެލައިޑް ބިލްޑިންގެ ޖާގައެއް ކުއްޔަށް ދީފައި ހުންނަނީ މަހަކު 75،892ރ. އަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox