ޕީއެސްއެމްއިން އިންތިހާބުގެ ނަތީޖާ ރިޕޯޓެއް ނުކުރޭ، ނަތީޖާ ޕޭޖު ޑައުން

ޕީއެސްއެމްގެ އެމްޑީ ޝަކީބު ރައީސް މުއިއްޒު އިންޓަވިއުކުރައްވަނީ: މިނިވަންކަމާއެކު ހަބަރު ގެނެސްދިނުމަކީ ޕީއެސްއެމްގެ ގާނޫނީ ޒިންމާއެއް --- ފޮޓޯ: ރައީސް އޮފީސް

ޕީއެސްއެމްގެ އެމްޑީ ޝަކީބު ރައީސް މުއިއްޒު އިންޓަވިއުކުރައްވަނީ: މިނިވަންކަމާއެކު ހަބަރު ގެނެސްދިނުމަކީ ޕީއެސްއެމްގެ ގާނޫނީ ޒިންމާއެއް --- ފޮޓޯ: ރައީސް އޮފީސް

އިއްޔެ ބޭއްވި ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިހާބާއި ދެ އިންތިހާބު އެއްކޮށްލުމާ މެދު ރައްޔިތުން ދެކޭ ގޮތެއް ބަލަން ނެގި ރެފަރެންޑަމް ވޯޓުގެ ނަތީޖާއާ ގުޅޭ ހަބަރެއް ނުލިޔެ، ވޯޓުގެ ނަތީޖާގެ މައުލޫމާތު ހުރި ޕަބްލިކް ސާވިސް މީޑިއާ (ޕީއެސްއެމް) ގެ ޕޭޖު ޑައުންކޮށްލައިފި އެވެ. 

ޕީއެސްއެމްއިން އިންތިހާބުގެ ނަތީޖާއާ ގުޅޭ އެއްވެސް ހަބަރެއް ސުރުހީއަށް ގެނެސްފައިނުވާއިރު، އިންތިހާބުގެ ނަތީޖާގެ މައުލޫމާތު ހިމެނީ "ކައުންސިލް އިންތިޚާބެއްގައި އެންމެ ގިނަ ބަޔަކު ވޯޓްލީ މިފަހަރު!" ސުރުހީގައި ލިޔެފައިވާ ހަބަރެކެވެ. މި ހަބަރުގައި ވެސް އެ ބައި ހިމަނާފައި އޮތީ ހަބަރު ނިންމާލަމުންނެވެ.  

"މި އިންތިޚާބުގެ ވަގުތީ ނަތީޖާތައް ދައްކާގޮތުން ގިނަ ރަށްރަށުގެ ކައުންސިލްތަކުގެ ގޮނޑިތަކާއި ކައުންސިލް ރައީސްގެ މަގާމު ކާމިޔާބުކޮށްފައި ވަނީ ވެރިކަންކުރާ ޕީއެންސީންނެވެ. އަދި ގިނަ ރަށްރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ގޮނޑިތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ރައީސްގެ މަގާމުވެސް ކާމިޔާބުކޮށްފައިވަނީ ޕީއެންސީންނެވެ. ސިޓީތަކުގެ މޭޔަރުގެ މަގާމާއި ސިޓީ ކައުންސިލް ގިނަ ގޮނޑިތައް އެމްޑީޕީން ކާމިޔާބުކޮށްފައިވާއިރު، ދެ އިންތިޚާބު އެއް ދުވަހެއްގައި ބޭއްވުމާއި ގުޅޭގޮތުން ނެގި ވޯޓުގައި ގިނަ ރައްޔިތުން ތާއީދުކޮށްފައި ވަނީ އިންތިޚާބުތައް އެއް ދުވަހެއްގައި ނުބޭއްވުމަށެވެ." ޕީއެސްއެމްގެ ހަބަރުގައި ވެ އެވެ. 

Advertisement

މި ހަބަރުގައި ލިޔެފައި ހުރި ބައެއް މައުލޫމާތުތަކަކީ ވެސް ސަރުކާރު އަތަށް ބުރަވެ، އެ މީޑިއާއިން ލިޔެފައިވާ ގޯސް މައުލޫމާތުތަކެވެ. އިއްޔެ ބޭއްވި އިންތިހާބުގައި ގިނަ ރަށްރަށުގެ ކައުންސިލުގެ ގޮނޑިތައް ކާމިޔާބުކުރީ ޕީއެންސީން ނޫނެވެ. 

ދައުލަތުގެ މީޑިއާގައި މި ހަބަރު ޝާއިއުކުރިފަހުން، އިއްޔެ ނެގި ވޯޓާ ގުޅޭ ހަބަރަކަށް އޮތީ ރައީސް މުހައްމަދު މުއިއްޒު މި ނަތީޖާ ގަބޫލުކުރި ކަމަށް ލިޔުނު ހަބަރާއި ތަފާތުކުރުމެއްނެތި ހުރިހާ ކައުންސިލުތަކާއެކީ މަސައްކަތްކުރާނެ ކަމަށް ކައުންސިލު މިނިސްޓަރު އާދަމް ޝަރީފް ވިދާޅުވި ހަބަރެކެވެ.

އިންތިހާބުގެ ނަތީޖާގެ ހަބަރުތައް އާންމުންނާ ހަމައަށް ނުގެނެސްދީ ޕީއެސްއެމްގެ އެޑިޓޯރިއަލްއިން ހިފަހައްޓައިގެން ތިބިއިރު މިއީ ޕަބްލިކް ސާވިސް މީޑިއާގެ ގާނޫނުގައި، ނުފޫޒުން އެއްކިބާވުމުގެ ގޮތުން، ވަކި ފަރާތެއްގެ ސިޔާސީ މަސްލަހަތު ހިމާޔަތްކުރުމަށް ޓަކައި ހަމަހަމަކަމާއި އިންސާފުން އެއްކިބާވެފައިވާ އަމަލެއް ޕީއެސްއެމްއިން ހިންގައިގެން ނުވާނެ ކަމަށް ބަޔާންކޮށްފައި އޮންނަ މާއްދާއާ ސީދާ ހިލާފު ނިންމުމެކެވެ. 

އޭގެ އިތުރުން، ރޭ ޕީއެސްއެމްއިން ގެނެސްދިން އިލެކްޝަން ކަވަރޭޖުގައި، ފެންނަ ނުފެންނަ ވޯޓުގައި ގިނަ ބަޔަކު "ނޫނެކޭ" އަށް ވޯޓުލާފައިވާ ކަމަށް އެހެން މީޑިއާތަކުން ނަތީޖާ ޝީޓުތައް އަރުވައި، ނަތީޖާ ދައްކަމުން ދިޔައިރު، ޕީއެސްއެމްއިން ވަނީ އެ ނަތީޖާ ކަވަރޭޖުގެ ތެރެއިން ނުގެނެސްދީ ވެސް ގިނަ އިރުތަކެއް ވަންދެން ހިފަަހައްޓާފަ އެވެ. 

ޕީއެސްއެމްއާ މަތިކޮށްފައިވާ ގާނޫނީ ޒިންމާއާ ހިލާފަށް އެ މީޑިއާއިން މަސައްކަތް ކުރަމުން އަންނައިރު، ވޯޓަށް ކުޑަތަން ވެފައި އޮއްވާ ޕީއެސްއެމްގެ ގިނަ މުވައްޒަފުންތަކަކަށް ޕްރޮމޯޝަން ދިން ކަމުގެ ކަށަވަރު މައުލޫމާތު އަދަދު އަށް ވަނީ ލިބިފަ އެވެ. 

ސިއްރު މަސްދަރަކުން މި ނޫހާ ހިއްސާކުރި މައުލޫމާތުން އެނގުނު ގޮތުގައި މިދިޔަ ބުރާސްފަތި ދުވަހު ދެ މީހަކު ވަނީ އެގްޒެކެޓިވް ޑިރެކްޓަރު ކަމަށް ޕްރޮމޯޓުކޮށްފަ އެވެ. އެހެން ތިން މީހަކު ވަނީ ޑެޕިއުޓީ ޑިރެކްޓަރު ކަމަށް ޕްރޮމޯޓުކޮށްފަ އެވެ. އަދި ކުރިން އެސިސްޓަންޓް މެނޭޖަރު މަގާމުގައި ހުރި މީޙަކު ވަނީ ޓީވީ ޕްރޮޑަކްޝަން ޑިޕާޓުމަންޓުގެ ލީޑަކަށް ޕްރޮމޯޓުކޮށްފަ އެވެ. 

އަދަދު އަށް މައުލޫމާތު ދިން މަސްދަރުން ބުނީ މި ޕްރޮމޯޝަންތައް ދިނުމުގައި އިސްކޮށް އުޅުނީ  ޕީއެސްއެމްގެ މެނޭޖިން ޑިރެކްޓަރު އަހުމަދު ޝަކީބެވެ. މިކަމަށް ބާރުދޭނެ މައުލޫމާތު ވެސް އޭނާ ހިއްސާކުރި އެވެ.

އިންތިހާބުގެ ވޯޓުގެ ކުރިން ވެސް ޕީއެސްއެމްއިން ސަރުކާރުގެ މަސްލަހަތުގައި މަސައްކަތް ކުރާ ކަމަށް ބުނެ އާންމުންނާއި އިދިކޮޅުން ފާޑުކިޔާފައިވެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox