21 މިލިއަން ޑޮލަރުގެ ސެޓްލްމަންޓް އެއްބަސްވުމަކަށް ދިޔުމުން ސީއެމްސީއިން އާބިޓްރޭޝަނަށް ނުދާން ނިންމައިފި

ރަސްމާލެ ހިއްކުމުގެ މަޝްރޫއު ހަވާލުކުރި ސީއެމްސީގެ ވެރިޔާ ރާޖު: ސީއެމްސީން ބޮޑު ބަދަލެއް ހޯދަން ދާން އުޅޭ ކަމަށް ބުނާ ވާހަކަތައް އޭނާއާ ގާތް މީހުން ދޮގުކޮށްފައިވޭ -- ގްރެފިކްސް: އިސްމާއިލް އިމްދާދު/އަދަދު

ރަސްމާލެ ހިއްކުމުގެ މަޝްރޫއު ހަވާލުކުރި ސީއެމްސީގެ ވެރިޔާ ރާޖު: ސީއެމްސީން ބޮޑު ބަދަލެއް ހޯދަން ދާން އުޅޭ ކަމަށް ބުނާ ވާހަކަތައް އޭނާއާ ގާތް މީހުން ދޮގުކޮށްފައިވޭ -- ގްރެފިކްސް: އިސްމާއިލް އިމްދާދު/އަދަދު

ރަސްމާލެ ހިއްކަން ކެޕިޓެލް މެރިން އެންޑް ސިވިލް ކޮންސްޓްރަކްޝަން (ސީއެމްސީ) އާ އެކީ ހައުސިން ޑިވެލޮޕްމަންޓް ކޯޕަރޭޝަނުން ސޮއިކުރި އެއްބަސްވުން އުވާލި ނަމަވެސް, 21 މިލިއަން ޑޮލަރު (323 މިލިއަން ރުފިޔާ) ގެ ސެޓްލްމަންޓް އެއްބަސްވުމެއްގައި ސޮއިކޮށް، އެ މައްސަލައިގައި އާބިޓްރޭޝަނަށް ނުދާން ސީއެމްސީއިން އެއްބަސްވެފައިވާ ކަން "އަދަދު" އަށް އެނގިއްޖެ އެވެ.

ފުށިދިއްގަރު ފަޅުން 1153 ހެކްޓަރު ހިއްކައިގެން ތަރައްގީކުރާ ރަސްމާލެ މަޝްރޫއު އެޗްޑީސީން އެންމެ ފުރަތަމަ ހަވާލުކުރީ ސީއެމްސީއާ އެވެ. އެއީ ޑިސެމްބަރު, 2023، ގައި މަސައްކަތް ފަށައި އަށް މަސް ދުވަހުގެ ތެރޭގައި ބިން ހިއްކުމުގެ ބައި އެއްކޮށް ނިންމާލާ ގޮތަށެވެ.

ސީއެމްސީއާ އެ މަސައްކަތް ހަވާލުކުރީ ބިން ހިއްކުމުގެ މުގާބިލުގައި ހުޅުމާލޭން 10 ހެކްޓަރުގެ ބިމާއި ފުށިދިއްގަރުފަޅުން ހިއްކާ ބިމުން 60 ހެކްޓަރުގެ ބިމުގެ ޑިވެލޮޕްމަންޓް ރައިޓްސް 99 އަހަރަށް އެ ކުންފުންޏަށް ދޭ ގޮތަށެވެ. މިއީ ދައުލަތުގެ ބަޖެޓުންނާއި އެޗްޑީސީގެ ބަޖެޓުން ވެސް އެއްވެސް ފައިސާއެއް ހަރަދުނުކުރާ ގޮތަށް ހިންގާ މަޝްރޫއެއް ކަމަށް އޭރު ސަރުކާރުން ބުނެފައިވެ އެވެ.

Advertisement

މި އެއްބަސްވުމުގެ ދަށުން ސީއެމްސީން ވަނީ ފުރަތަމަ ހިއްކަން ފެށި "ސައިޓް ޖޭ" ގެ 29 ހެކްޓަރު އެއްކޮށް ހިއްކައި ނިންމި އެވެ. އެއަށް ފަހު އެ މަޝްރޫއުގެ މަސައްކަތް މަޑުޖެހިފައި އޮއްވައި, މިދިޔަ އަހަރުގެ ތެރޭގައި އެޗްޑީސީން ވަނީ އެއްބަސްވުން ބާތިލުކޮށްފަ އެވެ.

އެއްބަސްވުން ބާތިލުކުރުމާ ގުޅިގެން ސީއެމްސީއިން ހަތަރު ބިލިއަން ޑޮލަރުގެ ބަދަލެއް ހޯދަން އާބިޓްރޭޝަނަށް ދާން އުޅޭ ކަމަށް ބުނެ ބައެއް މީޑިއާތަކުން ރިޕޯޓުކޮށްފައިވެ އެވެ. ނަމަވެސް އިތުބާރުހުރި މަސްދަރުތަކުން މި ނޫހަށް ކަށަވަރުވެފައިވާ ގޮތުގައި ދެ ކުުންފުނިން އޮތީ އާބިޓްރޭޝަނަށް ނުދާ ގޮތަށް ސެޓްލްމަންޓް އެއްބަސްވުމެއްގައި ސޮއިކޮށްފަ އެވެ.

އެ ގޮތުން މައުލޫމާތު ދިން މީހުން ބުނި ގޮތުގައި އެއްވެސް އިރެއްގައި އާބިޓްރޭޝަނަށް ދިޔުމުގެ ވާހަކައެއް ނުދެކެވެ އެވެ. އަދި އެންމެ ފުރަތަމަ ވެސް ސީއެމްސީން އެދުނީ އެ ކުންފުނިން ކުރި މަސައްކަތަށް ފައިސާ ދޭން ކަމަށް މައުލޫމާތު ދިން މީހުން ބުނެފައިވެ އެވެ.

ސެޓްލްމަންޓް އެއްބަސްވުމުގެ ދަށުން އެޗްޑީސީން އެއްބަސްވެފައިވަނީ "ސައިޓް ޖޭ" އިން ހިއްކާފައިވާ 29 ހެކްޓަރުގެ ބިމަށް ސީއެމްސީއަށް 21 މިލިއަން ޑޮލަރު (323 މިލިއަން ރުފިޔާ) ދައްކާ ގޮތަށެވެ. އެޗްޑީސީން މި ފައިސާ ދައްކަން އެއްބަސްވީ ބައިބަޔަށް ބަހާލައިގެންނެވެ. މީގެ ތެރެއިން 77 މިލިއަން ރުފިޔާ އެ ކުންފުންޏަށް ދީފައިވާ ކަން މީގެ ކުރިން "އަދަދު" އިން ވާނީ ރިޕޯޓުކޮށްފަ އެވެ.

ސީއެމްސީއާ ހެދި އެއްބަސްވުން އުވާލުމަށް ފަހު, އެޗްޑީސީން ވަނީ ރަސްމާލެ ހިއްކުމުގެ ބާކީ ހުރި 11 ސައިޓު ހިއްކަން ތިން ކުންފުންޏަކާ އެކީ ސޮއިކޮށްފަ އެވެ. އޭގެ ތެރޭގައި ހިމެނެނީ ޗައިނާ ރެއިލްވޭ ކޮންސްޓްރަކްޝަން ކޯޕަރޭޝަން (ސީއާރުސީސީ) އާއި ޗައިނާ ހާބާ އިންޖިނިއަރިން ކޯޕަރޭޝަން (ސީއެޗްއީސީ) އާއި މޯހަން މުތާ އެކްސްޕޯޓްސް (އެމްއެމްއީ) އެވެ.

މި ތިން ކުންފުންޏާ އެކީ ސޮއިކުރި އެއްބަސްވުންތަކުގެ ތަފުސީލެއް ސަރުކާރާއި އެޗްޑީސީން ވެސް ހާމައެއް ނުކުރެ އެވެ. އެނގޭހާ ވެސް ކަމަކީ މިހާރު މި މަޝްރޫއު ކުރިއަށް ގެންދަނީ އެޗްޑީސީން ލޯނު ނަގައިގެން މި ކުންފުނިތަކަށް ފައިސާ ދޭ ގޮތަށް ކަމަށެވެ. އެކަމަކު އެއީ ކިހާ އަދަދެއްގެ ލޯނެއް ކަމެއް އަދި މުޅި މަޝްރޫއަށް ހަރަދުވަނީ ކިހާ ފައިސާއެއް ކަމެއް ނޭނގެ އެވެ.

މި ތިން ކުންފުނީގެ ތެރެއިން މިހާތަނަށް މަސައްކަތް ފަށާފައި ވަނީ އެމްއެމްްއީއިންނެވެ. އެ ކުންފުންޏާ ހަވާލުކުރި ސައިޓުތަކުގެ ތެރެއިން އެއް ސައިޓުން 40 ހެކްޓަރުގެ ބިން ހިއްކާފައިވާ ކަމަށް މި ނޫހުން ބެލި ސެޓެލައިޓް ފޮޓޯތަކުން ދައްކަ އެވެ. އަނެއް ދެ ކުންފުންޏާ ހަވާލުކޮށްފައިވާ ސައިޓުތަކުގައި އެއްވެސް މަސައްކަތެއް ފަށާފައިވާ ކަމަށް އެ ފޮޓޯތަކުން ނުދައްކަ އެވެ.

ބޯހިޔާވަހިކަމުގެ "ޓޯޓަލް ސޮލިއުޝަން" ކަމަށް ބުނާ ރަސްމާލެ ހިއްކުމުގެ މަޝްރޫއު ވެގެން ދާނީ މިހާތަނަށް ރާއްޖޭގައި ހިންގޭ އެންމެ ބޮޑު މަޝްރޫއަށެވެ. މި މަޝްރޫއުގެ ބިން ހިއްކުމާއި, ރިވެޓްމަންޓު ޖެހުމާއި, ގޮނޑުދޮށް ހިމާޔަތްކުރުމުގެ މަސައްކަތަށް 700 މިލިއަނަށް ވުރެ ގިނަ ޑޮލަރު ހަރަދުވާނެ ކަމަށް ލަފާކުރެވޭއިރު, ދިރިއުޅެވޭ ފެންވަރަށް އެ ރަށް ތަރައްގީކުރަން ހަމަ އެހާ ވަރަށް ނޫނީ އެއަށް ވުރެ ވެސް ގިނައިން ހަރަދު ވާނެ ކަމަށް ލަފާކުރެވެ އެވެ.

މި އަދަދުތަކުން ހިސާބުކުރާއިރު, މުޅި މަޝްރޫއަށް 1.4 ބިިލިއަން ޑޮލަރަށް ވުރެ ގިނަ އަދަދަކަށް ފައިސާ ހަރަދުވާނެ ކަމަށް ބެލެވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox