ސޯލްޓް ބޭއާ ގުޅޭ ވޯލްޑް ކަޕް ފައިނަލުގެ މައްސަލައެއް ފީފާ އިން ތަހުގީގު ކުރަނީ

Dec 23, 2022, 2:53 AM
ސޯލްޓް ބޭ ވޯލްޑް ކަޕްގެ ޓްރޮފީ އަށް ބޮސް ދެނީ.

ސޯލްޓް ބޭ ވޯލްޑް ކަޕްގެ ޓްރޮފީ އަށް ބޮސް ދެނީ.

ޒިއުރިކް (ޑިސެމްބަރު 23) - ފީފާ ވޯލްޑް ކަޕްގެ ފައިނަލުގައި ޕެނަލްޓީ ޖަހައިގެން ފްރާންސް ބަލިކޮށް އާޖެންޓީނާ އިން ތިން ވަނަ ފަހަރަށް މުބާރާތުގެ ތަށި އުފުލާލައި ބޭއްވި އުފާފާޅުކުރުމުގައި ތުރުކީގެ މަޝްހޫރު ޝެފް، ނުސްރަތު ގޯކްޝާ (ސޯލްޓް ބޭ)، ބައިވެރިވި ގޮތުގެ ތަހުގީގެއް ފީފާ އިން ކުރަން ފަށައިފި އެވެ.

ފްރާންސް އަތުން އާޖެންޓީނާ މޮޅުވި މެޗަށް ފަހު، ސޯލްޓް ބޭ ދަނޑަށް އަރައި، އާޖެންޓީނާގެ އުފާފާޅުކުރުންތަކުގެ ތެރެއިން ކުޅުންތެރިންނާ އެކު ފޮޓޯ ނަގައި، ވޯލްޑް ކަޕް ޓްރޮފީ ހިފައިގެން ވެސް ގިނަ ވަގުތުތައް ވަނީ ހޭދަކޮށްފަ އެވެ.

ވޯލްޑް ކަޕް ޓްރޮފީ އަމިއްލަ އަށް އުފުލާލައި، އެ ޓްރޮފީ އަށް ބޮސްދިނުމަށް ފަހު، ވެސް ސޯލްޓް ބޭ ވަނީ ފޮޓޯ ނަގައި، ސޯޝަލް މީޑިއާ ޕްލެޓްފޯމްތަކުގައި ހިއްސާކޮށްފަ އެވެ. އެކަމާ ހެދި ގިނަ ބަޔެއްގެ ނުރުހުން ފީފާ އަށް ވަނީ އަމާޒުވެފަ އެވެ.

ފީފާގެ ޕްރޮޓޮކޯލްގައިވާ ގޮތުން ވޯލްޑް ކަޕްގެ ޓްރޮފީގައި އަތްލުމުގެ ފުރުސަތު ލިބެނީ މުބާރާތް ކާމިޔާބުކޮށްފައިވާ ކުޅުންތެރިއަކަށް ނޫނީ ހެޑް އޮފް ސްޓޭޓް (ގައުމުތަކުގެ ވެރިން) އޭގެ އިތުރުން ފީފާ އިން ހާއްސަ ހުއްދައެއް ދީފައިވާ ފަރާތަކަށެވެ. އެހެން އެކަން އޮއްވައި، ސޯލްޓް ބޭ އަށް ވޯލްޑް ކަޕްގެ ޓްރޮފީގައި އަތްލަން ފުރުސަތު ލިބުނު ގޮތެއް ފީފާ އިން އޮޅުންފިލުވައިދޭން ޖެހޭނެ ކަމަށް ބުނެ، ގިނަ ބަޔަކު ޝުއޫރުފާޅުކުރި އެވެ.

އާޖެންޓީނާގެ ކުޅުންތެރިންނާ އެކު ސޯލްޓް ބޭ، އުފާފާޅުކުރުމުގައި ބައިވެރިވާއިރު، ޓްރޮފީ އަށް ބޮސްދެނީ.

ފީފާގެ ތަރުޖަމާނު މީޑިއާ އަށް ދިން ބަޔާނެއްގައި ބުނެފައިވަނީ މި މަހު 18 ވަނަ ދުވަހު ލުސައިލް ސްޓޭޑިއަމްގައި ކުޅުނު ވޯލްޑް ކަޕްގެ ފައިނަލް މެޗުގެ ނިންމުމުގެ ރަސްމިއްޔާތަށް ފަހު ބޭއްވި އުފާފާޅުކުރުމުގެ ތެރެއިން، ބަޔަކު އެ ތަނަށް ގޮސް، ޕްރޮޓޮކޯލާ ހިލާފު ކަންތައްތަކެއް ކޮށްފައިވާ ކަމަށާއި އެކަމާ ގުޅޭ ތަހުގީގު ކުރިއަށްދާ ކަމަށެވެ.

މިދިޔަ އަހަރުގެ ޖެނުއަރީ މަހު ފީފާގެ ރައީސް ޖިއާނީ އިންފަންޓީނޯ ވަނީ ސޯލްޓް ބޭގެ ރެސްޓޯރެންޓަށް ގޮސް، އޭނާ ތައްޔާރުކުރާ މަޝްހޫރު ސްޓޭކް ރަހަ ބައްލަވައިލައިފަ އެވެ. އެ ވީޑިއޯ މިހާރު ސޯޝަލް މީޑިއާގައި ވައިރަލްވެފައިވާއިރު، ސޯލްޓް ބޭ، ވޯލްޑް ކަޕް ފައިނަލަށް ގެންދަން ދައުވަތު ދިނީ ފީފާގެ ރައީސް އިންފަންޓީނޯ ކަމަށް ވެސް ބައެއް މީޑިއާތަކުން ސުވާލު އުފައްދަ އެވެ. އެ އަށް ދިން ޖަވާބުގައި ފީފާ އިން ބުނީ ސޯލްޓް ބޭއާ އެކު އެ ފެޑެރޭޝަނުގެ އެއްވެސް ރަސްމީ ގުޅުމެއް ނެތް ކަމަށެވެ.

ފީފާގެ ޕްރޮޓޮކޯލާ ސޯލްޓް ބޭ ހިލާފުވެފައިވާތީ އޭނާގެ ތަހުގީގު ކުރިއަށްދާ މި މުއްދަތުގެ ތެރޭގައި ފުޓްބޯޅައިގެ ބޮޑެތި މެޗުތަކަށް އޭނާ އަށް ނުވަދެވޭނެ ކަމަށް މީޑިއާ ރިޕޯޓްތައް ބުނެ އެވެ. އެ ގޮތުން، އެމެރިކާގެ މަޝްހޫރު ޔޫއެސް އޯޕަން ކަޕްގެ ފަހު މެޗުތަކަށް ސޯލްޓް ބޭ އަށް ނުވަދެވޭނެ ކަމަށް ވަނީ ކަނޑައަޅައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox