ޓްރާންސްޕޯޓް މިނިސްޓަރު މުހައްމަދު އަމީން ވީ ވައުދާ ހިލާފުވެ، ޑްރައިވަރުންގެ ދެކޮޅު ހެދުންތަކަށް ވެސް ބެލުމެއް ނެތި ސަރުކާރުން ޓެކްސީ ހިދުމަތް ފަށަން އެމްޓީސީސީއާ ހަވާލުކޮށްފި އެވެ.

އެ އެއްބަސްވުމުގައި ޓްރާންސްޕޯޓް މިނިސްޓްރީގެ ފަރާތުން އެ މިނިސްޓްރީގެ ޑިރެކްޓާ ޖެނެރަލް އަހުމަދު ޝަމީމް ސޮއިކުރެއްވިއިރު، އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު އަހުމަދު ސައުދީ އެވެ.

Advertisement

ޓްރާންސްޕޯޓް މިނިސްޓްރީން ބުނީ އެމްޓީސީސީއާ ހަވާލުކުރީ 100 ޕަސަންޓް އިލެކްޓްރިކް ވެހިކަލް (އީވީ) ޓެކްސީ ލައިނެއްގެ ހިދުމަތް ދިނުމަށް ކަމަށެވެ.

އެ މަޝްރޫއު ކުރިއަށް ގެންދިޔުމަށް ހަމަޖެހިފައި ވަނީ ތިން ފިޔަވައްސަކަށް ބަހާލައިގެންނެވެ. އެގޮތުން ފުރަތަމަ ފިޔަވަހީގެ ދަށުން ޓެކްސީ ހިދުމަތް ހުޅުމާލެ އަދި ވެލާނާ އިންޓަނޭޝަނަލް އެއާޕޯޓުގައި މި އަހަރު ފަށާނެ އެވެ.

ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ފަށަނީ

ރައްޔިތުންގެ މަޖިލީހުގެ އިގްތިސާދީ ކޮމިޓީގައި އަމީން ވިދާޅުވީ ޓެކްސީ ހިދުމަތް ދިނުން ސަރުކާރު ހިއްސާވާ ކުންފުންޏަކާ ހަވާލު ކުރަން ނިންމާފައިވާ ކަމަށާއި އެ ކަމަށް މަސައްކަތްތަކެއް ވެސް ކުރަމުންދާ ކަމަށް.

ކޮންޓްރޯލް ނެގުމަށް ސަރުކާރުން ޓެކްސީ ހިދުމަތް ދޭން ފަށަނީ

ރައްޔިތުންގެ މަޖިލީހުގެ އިގްތިސާދީ ކޮމިޓީގައި އަމީން ވިދާޅުވީ ޓެކްސީ ހިދުމަތް ދިނުން ސަރުކާރު ހިއްސާވާ ކުންފުންޏަކާ ހަވާލު ކުރަން ނިންމާފައިވާ ކަމަށާއި އެ ކަމަށް މަސައްކަތްތަކެއް ވެސް ކުރަމުންދާ ކަމަށް.

Advertisement

މަޝްރޫއުގެ ދެވަނަ ފިޔަވަހި ވިލިމާލެ، ގުޅީފަޅު އާއި ތިލަފުށީގައި 2026 އަދި 2027 ގައި ފަށާއިރު، ތިންވަނަ ފިޔަވަހި ކުރިއަށް ގެންދާނީ ރަސްމާލެ އާއި ގިރާވަރުގަ އެވެ.

އެ ޓެކްސީ ލައިންގެ ތެރެއިން ދާއިމީކޮށް 60 ޕަސަންޓް ޑްރައިވަރުން މަސައްކަތް ކުރާއިރު، ޕާޓް ޓައިމްކޮށް މަސައްކަތް ކުރާނީ 40 ޕަސަންޓް ޑްރައިވަރުންނެވެ. އަދި މެކޭނިކަލް މުވައްޒަފުންނާއި އޮޕަރޭޝަނަލް މުވައްޒަފުންގެ އިތުރުން ސާފުކުރާ މުވައްޒަފުން ވެސް ނަގާނެ އެވެ.

އޭގެއިތުރުން ޓެކްސީ ލައިންގައި ދުވާލަކު އަށް ގަޑިއިރު މަސައްކަތް ކުރަން ޖެހެ އެވެ. އެއީ ހަފްތާއަކު 28 ގަޑިއިރު ކަމަށްވާއިރު، މުސާރަ ލިބޭނީ ކޮންމެ ދެ ހަފްތާއަކުން އެއް ހަފްތާއަކު އެވެ.

ޓެކްސީ ލައިންގެ ސަބަބުން މިހާރު އަމިއްލަ ގޮތުން ޓެކްސީ ހިދުމަތް ދޭ އެހެން ބައެއްގެ މަސައްކަތަށް އެއްވެސް ބުރުލެއް ނާރާނެކަން ޔަގީންކޮށްދީ ޓްރާންސްޕޯޓުން ބުނީ ދެވަނަ ވަޒީފާއެއްގެ ގޮތުގައި ޓެކްސީ ކުރާ ފަރާތްތަކަށާއި މާލޭގައި ޒަރޫރީ ބޭނުންތަކުގައި ތިބެންޖެހޭ އެހެން މީހުންނަށް ވެސް އާމްދަނީ ހޯދުމުގެ އިތުރު ފުރުސަތު ހުޅުވިގެންދާނެ ކަމަށެވެ.

ސަރުކާރުގެ ޓެކްސީ ފްލީޓަށް ހަރަދު ކުރާނެ ގޮތެއް ހަމައެއް ނުޖެހޭ

އެ ހިދުމަތް ފެށުމަށް ހަރަދު ކުރާނެ ވަކި ގޮތެއް އަދި ހަމަޖެހިފައި ނުވާ ކަމަށާއި އެކަމަކަށް އަދި ހިލޭ އެހީއެއް ވެސް ހަމަޖެހިފައި ނުވާ ކަމަށް މިނިސްޓްރީގެ ޖަވާބުގައި ބުނެފައިވެ އެވެ. އަދި، އެ ހިދުމަތް ދިނުމަށް ދައުލަތުގެ ބަޖެޓުން ހަރަދު ނުކުރާ ކަމަށް ވެސް ޖަވާބުގައި ބުނެފައިވެ އެވެ.

ސަރުކާރުގެ ޓެކްސީ ފްލީޓަށް ހަރަދު ކުރާނެ ގޮތެއް ހަމައެއް ނުޖެހޭ

އެ ހިދުމަތް ފެށުމަށް ހަރަދު ކުރާނެ ވަކި ގޮތެއް އަދި ހަމަޖެހިފައި ނުވާ ކަމަށާއި އެކަމަކަށް އަދި ހިލޭ އެހީއެއް ވެސް ހަމަޖެހިފައި ނުވާ ކަމަށް މިނިސްޓްރީގެ ޖަވާބުގައި ބުނެފައިވެ އެވެ. އަދި، އެ ހިދުމަތް ދިނުމަށް ދައުލަތުގެ ބަޖެޓުން ހަރަދު ނުކުރާ ކަމަށް ވެސް ޖަވާބުގައި ބުނެފައިވެ އެވެ.

ސަރުކާރުން ޓެކްސީ ލައިނެއް ތައާރަފުކޮށް ޓެކްސީގެ ހިދުމަތް ދިނުމަށް ނިންމާފައިވާކަން އެންމެ ފުރަތަމަ އިއުލާނު ކުރީ މިދިޔަ ޖުލައި 25، ގައި އޮތް ރަސްމިއްޔާތެއްގަ އެވެ. ނަމަވެސް އެކަމާ ދެކޮޅަށް ޓެކްސީ ޑްރައިވަރުން ނުކުމެ އިހުތިޖާޖު ކުރުމުން އޯގަސްޓު 4، ގައި ސަރުކާރުގެ ނިންމުން ބަދަލުކުރި އެވެ.

އެއަށްފަހު ޓެކްސީގެ ހިދުމަތް ދޭން ފަށަން އަލުން ނިންމައި ޓްރާސްޕޯޓު މިނިސްޓަރު، މުހައްމަދު އަމީން އެކަން ހާމަ ކުރެއްވީ ރައްޔިތުންގެ މަޖިލީހުގެ އިގުތިސާދީ ކޮމިޓީގައި ވާހަކަދައްކަވަމުން މިދިޔަ އޮކްޓޫބަރު 29 ގަ އެވެ.

ޓެކްސީ ހިދުމަތް ދޭން ފަށާނީ ސޮއިކޮށްފައި ހުރި ކޮންވެންޝަންތަކާ އެއްގޮތަށް އިލެކްޓްރިކަލް ވެހިކަލްތައް ވެސް ބޭނުން ކޮށްގެން ކަމަށާއި ސްޓެލްކޯގެ ޕަވާ ގްރިޑަށް އެކަށީގެންވާ ވަރަށް 20 ޕަސަންޓާއި 25 ޕަސަންޓާ ދޭތެރޭގައި އިލެކްޓްރިކް ވެެހިކަލްތައް ބޭނުން ކުރާނެ ކަމަށް ވެސް އެ ދުވަހު އަމީން ވިދާޅުވި އެވެ.