ސަރުކާރުގެ ޓެކްސީ އެޕް ހެދުމުގައި ކޮރަޕްޝަން ހިމެނޭ ކަމަށް ތުހުމަތުކޮށް މައްސަލަ މަޖިލީހަށް

ސަރުކާރުގެ ޓެކްސީ ލައިން

ސަރުކާރުގެ ޓެކްސީ ލައިން

ސަރުކާރުން ޓެކްސީޔ ވިޔަފާރީގެ ތެރެއަށް ވަދެ އެމްޓީސީ މެދުވެރިކޮށް ތައާރަފުކުރި މާލެ ޓެކްސީ އެޕްލިކޭޝަން ތައްޔާރުކުރުމުގައި ކޮރަޕްޝަނަށް މަގުފަހިވާ ކަންތައްތަކެއް ހުރިކަމަށް ތުހުމަތުކޮށް، އެ މައްސަލަ ބަލައިދިނުމަށް ރައްޔިތުންގެ މަޖިލީހަށް ހުށަހަޅައިފި އެވެ.

މި މައްސަލަ މަޖިލީހަށް ހުށަހަޅުއްވާފައިވަނީ ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) އެވެ. މަޖިލީހުގެ ރައީސަށް ފޮނުވި ސިޓީއެއްގައި ކުޑޫ ވަނީ މަޝްރޫއު ކުރިއަށްގެންދިޔަ ގޮތާ މެދު ގިނަ ސުވާލުތަކެއް އުފައްދަވާފަ އެވެ. 

އެ އެޕްލިކޭޝަން ތައްޔާރުކުރުމަށް ޖުމުލަ 13 މިލިއަން ރުފިޔާ ހަރަދުކޮށްފައިވާ ކަމަށް ސިޓީގައި ބަޔާންކޮށްފައިވެ އެވެ. މިއީ މިފަދަ ޓެކްނޮލޮޖީގެ މަސައްކަތަކަށް ބަލާއިރު އިންތިހާއަށް ބޮޑު އަދަދެއް ކަމަށާއި، މިކަމުގައި ކޮރަޕްޝަންގެ އަމަލުތަކެއް ހިނގާފައިވާ ކަމަށް ބެލެވޭ ކަމަށް ކުޑޫ ވަނީ ތުހުމަތު ކުރައްވާފަ އެވެ.

އޭގެ އިތުރުން މި މަސައްކަތް ހަވާލުކުރުމުގައި އަމަލުކޮށްފައިވާ ބިޑް ކުރުމުގެ މަރުހަލާއާ މެދުވެސް ވަނީ ސުވާލު އުފައްދާފަ އެވެ. މި މަޝްރޫއުގެ ބިޑް ހުޅުވާލާފައިވަނީ އާންމުކޮށް ހުޅުވާލައިގެން އިއުލާނު ކުރުމުގެ ބަދަލުގައި، ހަމައެކަނި ކުންފުނިން ދައުވަތު ދިން ފަރާތްތަކަށް އެކަނި ކަމަށް މެންބަރު ފާހަގަކުރެއްވި އެވެ. އަދި އެ ފަރާތްތަކަށް ދައުވަތު ދިނުމުގައި ގެންގުޅުނު މިންގަނޑަކީ ކޮބައިކަމާއި، އެއީ ކުންފުނީގެ އުސޫލުތަކާ އެއްގޮތަށް ކުރިއަށް ގެންގޮސްފައިވާ ކަމެއްތޯ ބަލަންޖެހޭ ކަމަށްވެސް ސިޓީގައި ބަޔާންކޮށްފައިވެ އެވެ.

އޭގެ އިތުރުން ކުންފުނީގެ ގާބިލުކަމާ މެދު ވެސް ކުޑޫ ސުވާލު އުފެއްދެވި އެވެ. މި މަސައްކަތް ހަވާލުކުރި ކުންފުންޏަކީ މީގެ ކުރިން މިފަދަ އެޕްލިކޭޝަނެއް ނުވަތަ ޓެކްނޮލޮޖީގެ މަސައްކަތެއް ކުރުމުގެ އެއްވެސް ތަޖުރިބާއެއް ހުރި ކުންފުންޏެއް ނޫންކަން ކުޑޫ ފާހަގަކުރެއްވި އެވެ. 

އެމްޓީސީސީގެ އުސޫލުތަކަށް ބަލާއިރު، 15 މިލިއަން ރުފިޔާއަށް ވުރެ ކުޑަ އިންވެސްޓްމަންޓްތަކުގައި އަމަލުކުރަންޖެހޭ ހަރުދަނާ އުސޫލުތަކެއް ހުންނަންޖެހޭނެ ކަމަށް އޭ ާ ފާހަގަކުރެއްވި އެވެ. މި މަޝްރޫއު ކުރިއަށް ގެންދިޔުމުގައި ޓެކްނިކަލް އިވެލުއޭޝަން ކޮމިޓީތަކުގެ ނިންމުންތަކަށް އަމަލުކޮށްފައިވޭތޯ އާއި، ކުންފުނީގެ ހިންގާ ގަވާއިދުތަކާ އެއްގޮތަށް ކަންކަން ހިނގާފައިވޭތޯ ކަށަވަރުކުރުމަކީ މުހިންމު ކަމެއް ކަމަށްވެސް އޭނާ ވިދާޅުވި އެވެ.

 މި މައްސަލަ މަޖިލީހުގެ ކަމާގުޅޭ ކޮމިޓީއަކުން ބަލައި، މިކަމުގައި ކޮރަޕްޝަންގެ އެއްވެސް އަމަލެއް ހިނގާފައިވޭތޯ ތަހުގީގުކޮށްދިނުމަށް އޭނާ ވަނީ އެދިވަޑައިގެންފައެވެ.

މި މައްސަލައާ ގުޅިގެން އެމްޓީސީސީން އަދި ރަސްމީކޮށް އެއްޗެއް ބުނެފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox