ލިޒްބަން، ޕޯޗުގަލް (ނޮވެމްބަރު 5) - ޕޯޗުގަލް ގައުމީ ފުޓްބޯޅަ ޓީމުގެ ކެޕްޓަން، ކްރިސްޓިއާނޯ ރޮނާލްޑޯ، އެ ޓީމަށް ކުޅުން ހުއްޓާލިކަން އިއުލާނުކޮށްފި އެވެ.
އުމުރުން، 41 އަހަރުގެ ރޮނާލްޑޯ، ގައުމީ ޓީމަށް ކުޅުން ހުއްޓާލިކަން އިއުލާނުކުރީ ސޯޝަލް މީޑިއާ އަށް ދޫކޮށްލި ވީޑިއޯ މެސެޖެއް މެދުވެރިކޮށެވެ. އޭނާ މި ވަގުތު ހުރީ ޕޯޗުގަލް ގައުމީ ކޭމްޕުން އަމިއްލަ އަށް ދޫކޮށްދިއުމުގެ ސަބަބުން ދިން ސަސްޕެންޝަނެއްގަ އެވެ.
ޕޯޗުގަލް އިން ރޮނާލްޑޯ އަށް 30 ދުވަހުގެ ސަސްޕެންޝަނަކާއި 285 ޑޮލަރުގެ ޖޫރިމަނާއެއް
ޕޯޗުގަލް ގައުމީ ޓީމުގެ ކޭމްޕް އަމިއްލައަށް ދޫކޮށްދިޔަ މައްސަލައިގައި، ކްރިސްޓިއާނޯ ރޮނާލްޑޯ، 30 ދުވަހަށް ސަސްޕެންޑްކޮށް 285 ޑޮލަރުން ޖޫރިމަނާކުރުމަށް އެ ގައުމުގެ ފުޓްބޯޅަ ފެޑެރޭޝަނުން ވަނީ ނިންމައިފައި. ނަމަވެސް މި ސަސްޕެންޝަނުގެ ސަބަބުން އަންނަ މަހު އޮންނަ ބައިނަލްއަގުވާމީ މެޗުތަކުގައި އޭނާ ކުޅުމަކަށް ހުރަހެއް ނެތް ކަމަށް ބެލެވޭ
ސޯޝަލް މީޑިއާ އަށް ދޫކޮށްލި ވީޑިއޯގައި ރޮނާލްޑޯ ބުނެފައިވަނީ 23 އަހަރު ގައުމީ ޓީމުގައި ހޭދަކުރިއިރު، ކޮންމެ ވަގުތެއް ވެސް ހޭދަކުރީ ފަހުރުވެރިކަމާ އެކުގައި ކަމަށެެވެ. އަދި، ޕޯޗުގަލްގެ ހަތް ނަމްބަރު ޖޯޒީގައި އެ ގައުމު ތަމްސީލްކުރިއިރު، އެއީ އޭނާގެ އަމިއްލަ އެއްޗެއްގެ ގޮތުގައި ނުދެކި ގައުމު ތަމްސީލް ކުރުމަށްޓަކައި އަބަދުވެސް ކުރެވުނު ހުރިހާ ކަމެއް ކުރި ކަމަށް ރޮނާލްޑޯ ވަނީ ބުނެފަ އެވެ.
"މިއީ މުސްތަގުބަލަށް ފުރުސަތު ދޭން ވީ ވަގުތު. މިއީ އަހަންނަށް ފަސޭހަ ނިންމުމެއް ނޫން. އެކަމަކު، ވަރަށް ގިނަ ގޮތްގޮތުން ވިސްނުމަށް ފަހު މި ހިސާބަށް މި އައީ،" ރޮނާލްޑޯ ބުންޏެވެ.
ޕޯޗުގަލްއާ އެކު، 2003 ވަނަ އަހަރު ފެށި ދަތުރުގައި އޭނާ އަށް ގިނަ ކަންތައްތަކެއް ދަސްވި ކަމަށާއި ޖެހި ގޯލުތަކާއި ހެދި ރެކޯޑްތަކާއި ލިބުނު ޓްރޮފީތަކަށް ވުރެން ބޮޑަށް ހާސިލްވި އެއްޗަކީ ސަޕޯޓަރުންގެ ލޯބި ކަމަށް ރޮނާލްޑޯ ވަނީ ބުނެފަ އެވެ.
ޕޯޗުގަލްއާ އެކު، 2016 ވަނަ އަހަރުގެ ޔޫރޯގެ އިތުރުން ޔުއެފާ ނޭޝަންސް ލީގުގެ ދެ މުބާރާތް ކާމިޔާބުކުރި ރޮނާލްޑޯ އަތުގައި ގައުމީ ޓީމަށް ލަނޑު ޖެހުމުގެ ދުނިޔޭގެ ފުޓްބޯޅައިގެ ރެކޯޑް އެބައޮތެވެ. ހަ ވޯލްޑް ކަޕެއްގައި ޕޯޗުގަލް އަށް ކުޅެދިން ރޮނާލްޑޯ ވަނީ، ގައުމީ ޓީމަށް ކުޅެދިން، 234 މެޗުން 146 ލަނޑު ޖަހައިފަ އެވެ.
އެމެރިކާ، މެކްސިކޯ އަދި ކެނަޑާގައި މިދިޔަ ޖޫން/ޖުލައި މަހު ކުރިއަށްދިޔަ ފީފާ ވޯލްޑް ކަޕަށް ފަހު ޕޯޗުގަލްގެ ގައުމީ ފުޓްބޯޅަ ޓީމުން ރިޓަޔާކުރަން ވިސްނި ކަމަށް ރޮނާލްޑޯ ވަނީ މި ފަހަރުގެ ނޭޝަންސް ލީގާ ދިމާކޮށް ގައުމީ ޓީމާ ގުޅުމަށް ފަހު ދިން އިންޓަވިއުއެއްގައި ބުނެފަ އެވެ. ޕޯޗުގަލް، ވޯލްޑް ކަޕުން ކެޓީ ގަދަ 16 ބުރުގައި ސްޕެއިން އަތުން ބަލިވެގެންނެވެ. މުބާރާތުގެ ޗެމްޕިއަންކަން ހޯދީ ވެސް ސްޕެއިނުންނެވެ.
