ބްރައިޓަން އިން މި ފަހަރު މެންޗެސްޓާ ސިޓީ އަށް ލަނޑުދީފި

Nov 1, 2026, 12:12 AM
ބްރައިޓަންގެ ޔާސީން އަޔާރީ ލަނޑު ޖެހުމަށް ފަހު އުފާފާޅުކުރަނީ.

ބްރައިޓަންގެ ޔާސީން އަޔާރީ ލަނޑު ޖެހުމަށް ފަހު އުފާފާޅުކުރަނީ.

މެންޗެސްޓާ (އޮކްޓޫބަރު 31) - އިނގިރޭސި ޕްރިމިއާ ލީގުގައި މިރޭ ކުޅުނު މެޗުގައި މެންޗެސްޓާ ސިޓީ ދަނޑުގައި އެ ޓީމު އަތުން 1-0 އިން ބްރައިޓަން ހޯލްވް އެންޑް އަލްބިއަން މޮޅުވެއްޖެ އެވެ. 

މީގެ ތިން ދުވަސް ކުރިން، އިނގިރޭސި ލީގު ކަޕްގެ ގަދަ 16 ބުރުގައި ސިޓީ ދަނޑުގައި އެ ޓީމާ ކުޅެގެން، 2-2 އިން އެެއްވަރުވެ، ބްރައިޓަން އަތުން ސިޓީ މޮޅުވީ ޕެނަލްޓީ ޖަަހައިގެންނެވެ. އެ މެޗުގައި ބްރައިޓަން އިން ދެ ފަހަރު ލީޑުނެގި ނަމަވެސް ހިފެހެއްޓޭ ގޮތެއްނުވި އެވެ. އެކަމަކު، މިރޭ ސިޓީ ދަނޑުގައި ލީޑުނެގުމަށް ފަަހު، ބްރައިޓަން އިން ވަނީ ހިތްވަރުގަދަ ކުޅުމެއް ދައްކައިފަ އެވެ. 

ސިޓީގެ އިއްތިހާދު ސްޓޭޑިއަމްގައި ކުޅުނު މެޗުގައި ފެނިގެންދިޔަ ހަމައެކަނި ލަނޑު ބްރައިޓަން އިން ޖެހީ 11 ވަނަ މިނިޓްގަ އެވެ. މިއީ، މެކްސިމް ޑި ކުއިޕާ ތަނަވަސްކޮށްދިން ފުރުސަތަކުން، ސްވިޑެންގެ މިޑްފީލްޑަރު، ޔާސީން އަޔާރީ ޖެހި ގޯލެކެވެ. 

މި މެޗުގައި ސިޓީ އަށް އެއްވަރުކޮށްދޭން އެންމެ ރަނގަޅު ފުރުސަތުތައް ލިބުނު އެއް ކުޅުންތެރިއަކީ، ސެނެގާލްގެ ވިންގް، އިލިމަން އެންޑިއާޔޭ އެވެ. ބްރައިޓަން އޭރިއާތެރެއިން ހުސްކޮށް އަރައި އެންޑިއާޔޭ ބޮލުން ޖެހި ބޯޅައެއް ދަނޑިކައިރިން ބޭރުން ދިޔައިރު، އޭރިއާތެރެއިން އޭނާ ފޮނުވާލި ޝޮޓެއް ބްރައިޓަންގެ ކީޕަރު ބާޓް ވަބްރޫގެން ވަނީ މަތަކޮށްފަ އެވެ. 

ބްރައިޓަންގެ ޑިފެންޑަރުން ވަނީ މި މެޗުގައި ސިޓީގެ ނޯވޭ ފޯވާޑް އާލިން ބްރައުޓް ހާލަންޑް އަށް ލިބޭ ބޯޅަތަކުގައި ރަނގަޅަށް ޑިފެންސްކޮށްފަ އެވެ. 

މި ފަހަރުގެ ސީޒަނުގައި ލީގުގައި ސިޓީން ކުޅުނު ފުރަތަމަ ހަތް މެޗުން މޮޅުވި ނަމަވެސް، ދެން ކުޅުނު ދެ މެޗުން ވީ ބައްޔެވެ. އެންޒޯ މަރެސްކާ ކޯޗުކޮށްދޭ ސިޓީ ފުރަތަމަ ބަލިވީ މި ދިޔަ ހަފްތާގައި ރަށުންބޭރުގައި އެސްޓަން ވިލާ އަތުންނެވެ. އަދި، މި ހަފްތާގައި އަމިއްލަ ދަނޑުގައި ބްރައިޓަން އަތްދަށުވީ އެވެ. 

ލީގުގެ އެއް ވަނައިގައި އޮތް ސިޓީ އަށް ނުވަ މެޗުން 21 ޕޮއިންޓް ލިބިފައިވާއިރު، ދެ ވަނައިގައި އޮތް އާސެނަލަށް އަށް މެޗުން ވަނީ 21 ޕޮއިންޓު ލިބިފަ އެވެ. އާސެނަލުން މާދަމާރޭ ލިވަޕޫލް ދަނޑުގައި ބަލިނުވެ، ސަލާމަތްވިޔަސް އެއް ވަނަ އަށް އެރޭނެ އެވެ. ތިން ވަނައިގައި އޮތް ބްރައިޓަން އަށް ނުވަ މެޗުން 19 ޕޮއިންޓް ލިބިފައިވާއިރު، ހަތަރެއްގައި އޮތް ޗެލްސީ އަށް ވަނީ ނުވަ މެޗުން، 16 ޕޮއިންޓް ލިބިފަ އެެވެ. އަދި، ފަސް ވަނައިގައި އޮތް ލިވަޕޫލަށް ވަނީ އަށް މެޗުން 15 ޕޮއިންޓް ލިބިފަ އެވެ. 

ލީގުގައި މިރޭ ބޯންމައުތުން 2-0 އިން ލީޑްސް ޔުނައިޓެޑް ބަލިކުރިއިރު، ބްރެންޓްފޯޑުން 2-0 އިން ނޮޓިންހަމް ފޮރެސްޓް އަތުން މޮޅުވި އެވެ. އިޕްސްވިޗް ޓައުން އާއި ހަލް ސިޓީ 2-2 އިން އެއްވަރުވިއިރު، ކަވެންޓްރީ ސިޓީން ވަނީ 3-1 އިން ސަންޑަލެންޑްގެ މައްޗަށް ކުރިހޯދައިފަަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox