ޗެލްސީ ދަނޑުގައި ތާރީހީ މޮޅެއް ހޯދައި ޓޮޓެންހަމް އިން ހިންދެމިލައިފި

Oct 24, 2026, 11:54 PM
ޓޮޓެންހަމްގެ މަތީސް ޓެލް ލަނޑު ޖެހުމަށް ފަހު އުފާފާޅުކުރަނީ.

ޓޮޓެންހަމްގެ މަތީސް ޓެލް ލަނޑު ޖެހުމަށް ފަހު އުފާފާޅުކުރަނީ.

ލަންޑަން (އޮކްޓޫބަރު 24) - އިނގިރޭސި ޕްރިމިއާ ލީގުގައި މިރޭ ޗެލްސީ ދަނޑުގައި އެ ޓީމު 2-0 އިން ބަލިކޮށް ހޯދި ތާރީހީ މޮޅާ އެކު، ޓޮޓެންހަމް ހޮޓްސްޕާސް އިން ހިންދެމިލައިފި އެވެ. 

މިއީ، މިދިޔަ 37 އަހަރު ތެރޭ ޗެލްސީ ދަނޑުގައި ޓޮޓެންހަމް އިން މޮޅުވި ދެ ވަނަ ފަހަރެވެ. އެ ގޮތުން، 1990 ވަނަ އަހަރުގެ ޑިސެމްބަރު މަހުގެ ފަހުން، އެކި މުބާރާތްތަކުގައި ޗެލްސީ ދަނޑުގައި ޓޮޓެންހަމްއާ ދެކޮޅަށް ކުޅުނު 42 މެޗުގެ ތެރެއިން، ޗެލްސީ 27 މެޗުން މޮޅުވި އެވެ. ޓޮޓެންހަމް އިން ދެ މެޗުން މޮޅުވިއިރު، 13 މެޗު ނިމުނީ އެއްވަރުވެގެންނެވެ.

މިރޭގެ މެޗުގެ ކުރިން، ޗެލްސީ ދަނޑުގައި ޓޮޓެންހަމް މޮޅުވީ، 2018 ވަނަ އަހަރު 1-0 އިންނެވެ. 

ސްޓެމްފޯޑް ބްރިޖުގައި ކުޅުނު މެޗުގައި މިރޭ ޗެލްސީ އަށް ޓޮޓެންހަމް ޑިފެންސްލައިން ފޫއަޅުވާލައި ފުރުސަތުތަކެއް ހޯދުން ވީ އުނދަގޫ ކަމަކަށެެވެ. އަނެއްކޮޅުން، ޓޮޓެންހަމް އިން މެޗުގެ ކޮންޓްރޯލް ނަގައިގެން ރަނގަޅަށް ބޯޅަ ހިފަހައްޓައިގެން ކުޅުނެވެ. އެކަމަކު، ފުރަތަމަ ހާފުގައި ގޯލެއް ޖަހަން ކުރި އެއްވެސް މަސައްކަތެއް ކާމިޔާބެއްނުވި އެވެ. 

މެޗުގައި ފެނިގެންދިޔަ ފުރަތަމަ ގޯލަކީ، ޗެލްސީގެ ކީޕަރު، މައިކް ޕެންޑާސް އަތުން ބައިކޮޅަށް ވަން ލަނޑެކެވެ. ޗެލްސީގެ އެއް ވަނަ ކީޕަރު، އެމިލިއާނޯ މާޓީނޭޒަށް އަނިޔާވެގެން ކުޅުމާ ދުރުގައި ހުރުމުން، ފުރަތަމަ ފަހަރަށް ޗެލްސީ ފުރަތަމަ އެގާރައިގައި ހިމެނިގެން ކުޅުނު ޕެންޑާސް އަތުން ބައިކޮޅަށް ގޯލެއް ވަނީ، މެޗުގެ 77 ވަނަ މިނިޓްގައި ކޯނަރެއް ދިފާއުކުރަން އުޅުމުގެ ތެރޭގަ އެވެ. 

ގޯލެއް ފަހަތަށް ގޮސްފައި އޮއްވައި، ޗެލްސީގެ ރިހޭ ފައިމައްޗަށް ފޮއިވެއްޓުނީ އެ ޓީމުގެ ތަރި، ކޯލް ޕާމާ އަށް މެޗުގެ 80 ވަނަ މިނިޓްގައި ދެ ވަނަ ރީނދޫ ކާޑާ އެކު ރަތެއް ދެއްކުމުންނެވެ. ޕާމާގެ ޕްރޮފެޝަނަލް ކެރިއަރުގައި އޭނާ އަށް ދެއްކި ފުރަތަމަ ރަތް ކާޑު ދެއްކިއިރު، ދެ ވަނަ ފައުލަކީ، ޓޮޓެންހަމްގެ ކޮނާ ގެލަގާގެ ފައި މައްޗަށް ފައިން އެރިގެން ވި ފައުލެކެވެ. 

ޗެލްސީގެ ކުޅުންތެރިއަކު މަދުވުމުގެ ފައިދާނަގައި، ޓޮޓެންހަމް އިން ވަނީ 87 ވަނަ މިނިޓްގައި ދެ ވަނަ ލަނޑު ޖަހައިފަ އެވެ. މި ލަނޑު ޖެހީ މަތީސް ޓެލް އެވެ. އަމިއްލަ ހާފުގެ ތެރެއިން ބޯޅަ ހިފައިގެން އައިސް ޗެލްސީގެ އޭރިއާބޭރުން، ޓެލް ތިރިތިރިން ފޮނުވާލި ޝޮޓް އަމާޒުވީ ގޯލުގެ ތިރީ ކަަނަށެވެ. 

ލީގުގެ ފުރަތަމަ ހަ މެޗުން މޮޅެއް ނުލިބި ނިންމާލި ޓޮޓެންހަމް އިން މި ވަނީ ޖެހިޖެހިގެން ދެ މެޗުން މޮޅުވެފަ އެވެ. އެއާ އެކު، އެ ޓީމަށް އަށް މެޗުން ލިބުނު ނުވަ ޕޮއިންޓާ އެކު އޮތީ ލީގުގެ 12 ވަނައިގަ އެވެ.

އަނެއްކޮޅުން، އާ ކޯޗު ޒަބީ އަލޮންސޯގެ އިރުޝާދުގެ ދަށުން އަމިއްލަ ދަނޑުގައި ޗެލްސީ ފުރަތަމަ ފަހަރަށް ބަލިވިއިރު، އެ ޓީމު އޮތީ އަށް މެޗުން ލިބުނު 13 ޕޮއިންޓާ އެކު، ހަތަރު ވަނައިގަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox