އަރައުހޯގެ އެއްބަސްވުން ދާއިމީ ކުރަން ބާސެލޯނާ އާއި ލިވަޕޫލް މަޝްވަރާ އަށް

Oct 31, 2026, 12:01 PM
ލިވަޕޫލް މެޗެއްގެ ތެރެއިން ރޮނާލްޑް އަރައުހޯ.

ލިވަޕޫލް މެޗެއްގެ ތެރެއިން ރޮނާލްޑް އަރައުހޯ.

ލިވަޕޫލް (އޮކްޓޫބަރު 31) - ލޯން އެއްބަސްވުމެއްގެ ދަށުން ލިވަޕޫލަށް މޮޅު ކުޅުމެއް ދައްކަމުން އަންނަ އުރުގުއޭގެ ޑިފެންޑަރު، ރޮނާލްޑް އަރައުހޯގެ ކޮންޓްރެކްޓް ދާއިމީ ކުރަން ލިވަޕޫލުން ބާސެލޯނާއާ އެކު މަޝްވަރާތައް ފަށާފައިވާ ކަމަށް މީޑިއާ ރިޕޯޓްތައް ބުނެފި އެވެ. 

އުމުރުން 27 އަހަރުގެ އަރައުހޯ ލިވަޕޫލަށް ދޫކޮށްލި ލޯން ޑީލުގައި، މި ސީޒަން ނިމުމުން، އެއްބަސްވުން ދާއިމީ ކުރެވޭނެ މާއްދާއެއް އޮތީ ހިމަނައިފަ އެވެ.  ފާއިތުވި ހަތަރު ސީޒަނުގެ ތެރެއިން ތިން ސީޒަނުގައި ބާސެލޯނާ އިން ސްޕެނިޝް ލީގުގެ ޗެމްޕިއަންކަން ހޯދިއިރު، އަރައުހޯ ވަނީ މުހިންމު ދައުރެއް އަދާކޮށްފަ އެވެ. އެ ގޮތުން، މިދިޔަ ސީޒަނުގައި ބާސެލޯނާގެ ކެޕްޓަނަކީ ވެސް އަރައުހޯ އެވެ. އޭނާ، އެ ކްލަބާ އެކު، ހަދާފައި އޮތް ކޮންޓްރެކްޓް 2031 ގެ ޖޫން މަހުގެ ނިޔަލަށް އެބައޮތެވެ. 

އަަރައުހޯ އަންނަނީ ލިވަޕޫލްގައި ކަނާތު ބެކަށް އަދި ސެންޓްރަލް ޑިފެންޑަރަކަށް ކުޅެމުން ވެސް މޮޅު ކުޅުމެއް ދައްކަމުންނެވެ. މި ސީޒަނުގެ މިހާތަނަށް ދެ މެޗެއްގައި އޭނާ ވަނީ ލަނޑު ޖަހައިފަ އެވެ. އެއީ ޗެމްޕިއަންސް ލީގުގައި ލާސްކް ކޮޅަށާއި ވިޔަރެއާލް ކޮޅަށެވެ. 

Advertisement

އުރުގުއޭގެ ބޮސްޓަން ރިވާ ދޫކޮށް، 2018 ވަނަ އަހަރު ބާސެލޯނާ އަށް ބަދަލުވި އަރައުހޯ ވަނީ އެ ކްލަބަށް 200 އަށް ވުރެން ގިނަ މެޗުުގައި ކުޅެދީފަ އެވެ. ލިވަޕޫލަށް ބަދަލުވެ، ކުޅުނު 13 މެޗުން ދެ ގޯލު ޖެހުމުގެ އިތުރުން، އެއް ލަނޑު ޖަހަން ފުރުސަތު ވެސް އަރައުހޯ ވަނީ ހޯދައިދީފަ އެވެ. 

ލިވަޕޫލުން ދާއިމީ ކޮންޓްރެކްޓެއްގައި އަރައުހޯ ގަންނަނަމަ، 60 މިލިއަން ޑޮލަރުގެ ފީއެއް ޖުމްލަ އެކު ދައްކަން ޖެހޭނެ ކަމަށް ކުރިން އޮތީ އެއްބަސްވެފަ އެވެ. އެކަމަކު، ޖެނުއަރީ މަހުގެ ޓްރާންސްފާ ތެރޭގައި އެ އަށް ވުރެން ކުޑަ އަގެއްގައި އަރައުހޯގެ އެއްބަސްވުން ދާއިމީ ކުރަން ލިވަޕޫލުން އޮތީ ތައްޔާރަށް ކަމަށް ރިޕޯޓްތައް ބުނެ އެވެ. 

ސްޕެއިނުގެ މީޑިއާ ރިޕޯޓްތައް ބުނާގޮތުން، ބާސެލޯނާ އިން އަރައުހޯގެ ޑީލް ކަންތައް އަވަހަށް ނިންމަން ބޭނުންވަނީ ޑިފެންޑަރެއް ގަންނަން ޓްރާންސްފާ ފަންޑް އިތުރު ކުރުމުގެ ގޮތުންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox