ޗެލްސީ ބަލިކޮށް ލިވަޕޫލް ލީގު ކަޕް ކުއާޓާ ފައިނަލަށް

Oct 29, 2026, 9:40 AM
ލިވަޕޫލްގެ ކީޕަރު މަމަޑާޝްވިލީ ރޭގެ މެޗުން މޮޅުވުމަށް ފަހު އުފާފާޅުކުރަނީ.

ލިވަޕޫލްގެ ކީޕަރު މަމަޑާޝްވިލީ ރޭގެ މެޗުން މޮޅުވުމަށް ފަހު އުފާފާޅުކުރަނީ.

ލިވަޕޫލް (އޮކްޓޫބަރު 29) - އިނގިރޭސި ލީގު ކަޕްގެ ގަދަ 16 ބުރުގައި ރޭ ޕެނަލްޓީ ޖަހައިގެން 6-5 އިން ޗެލްސީ ބަލިކޮށް ލިވަޕޫލުން މުބާރާތުގެ ކުއާޓާ ފައިނަލުން ޖާގަ ހޯދައިފި އެވެ. 

ލިވަޕޫލަށް ކުރިން ކުޅުނު މިޑްފީލްޑަރު، ޒަބީ އަލޮންސޯގެ ކޯޗުކަމުގައި ކުޅޭ ޗެލްސީން ރޭގެ މެޗުގެ 40 ވަނަ މިނިޓްގައި ލީޑުނެގީ ވެސް ޕެނަލްޓީ އަކުންނެވެ. މިއީ، ލިވަޕޫލްގެ ރަޔާން ގްރަވެންބާކް އެ ޓީމުގެ އޭރިއާތެރެއިން ޗެލްސީގެ މޮއިސަސް ކައެސޭޑޯ އަށް ކުރި ފައުލަަކަށް ދިން ޕެނަލްޓީ އެކެވެ. ޗެލްސީގެ ކޯލް ޕާމާ ސަސްޕެންޝަނެއްގައި ހުުރުމުން މި މެޗު ނުކުޅޭތީ، އެ ޓީމުގެ ޕެނަލްޓީ ފޮނުވާލީ މޯގަން ރޮޖާސް އެެވެ. 

ޗެލްސީ އަށް ލީޑުގައި އޮވެވުނީ، ތިން މިނިޓެވެ. ލިވަޕޫލުން ވަނ 43 ވަނަ މިނިޓްގައި ކޯޑީ ގަކްޕޯ ޖެހި ޕެނަލްޓީން އެއްވަރުކޮށްފަ އެވެ. މިއީ، ޗެލްސީގެ ޑިފެންޑަރު، ވެސްލީ ފޮފާނާ އަތުގައި ބޯޅަ ޖެހުމުން ދިން ޕެނަލްޓީ އެކެވެ. 

މެޗުގެ ފުރިހަމަ ވަގުތު ހަމަވިއިރު، 1-1 އިން އެއްވަރުވުމުން ޕެނަލްޓީ ޖަހައިގެން ނަތީޖާ ނެރެން ޖެހުނެވެ. 

ލިވަޕޫލުން ފުރަތަމަ ހަތަރު ޕެނަލްޓީ ކާމިޔާބުކުރި އެެވެ. މި ޕެނަލްޓީތައް ފޮނުވާލީ އަލެކްސިސް މެކް އަލިސްޓާ، އަލެކްސަންޑަ އިސާކް، ގަކްޕޯ އަދި ވާޓްޒް އެވެ. ޗެލްސީގެ ފުރަތަމަ ތިން ޕެނަލްޓީ ޕެޑްރޯ ނެޓޯ، ރޮޖާސް އަދި ރޮމެއޯ ލަވިއާ ވަނީ ކާމިޔާބުކޮށްފަ އެވެ. ޗެލްސީގެ ހަތަރު ވަނަ ޕެނަލްޓީ ވަލެންޓިން ބާކޯ ފޮނުވާލިއިރު، އަމާޒުވީ ދަނޑިއަށެވެ. ފަސް ވަނަ ޕެނަލްޓީ ވައްދާލައިގެން ލިވަޕޫލް މޮޅުކޮށްދޭން ލިބުނު ފުރުސަތުގައި، ކޮސްޓަސް ސިމިކާސް ޖެހި ބޯޅަ ދިޔައީ ހުރަސްދަނޑިމަތިންނެވެ. 

ޗެލްސީގެ ފަސް ވަނަ ޕެނަލްޓީ ޖޯޑަން ހެންޑަަސަން ކާމިޔާބުކުރިއިރު، ލިވަޕޫލްގެ ހަ ވަނަ ޕެނަލްޓީ ބްރެޑްލީ ބާކޮލާ ވެސް ވަނީ ގޯލަށް ވައްދާލައިފަ އެވެ. ޗެލްސީގެ ހަ ވަނަ ޕެނަލްޓީ ލީވައި ކޯލްވިލް ކާމިޔާބުކޮށްފައިވަނިކޮށް، ލިވަޕޫލްގެ ހަތް ވަނަ ޕެނަލްޓީ ގްރަވެންބާކް ފޮނުވާލިއިރު، ޗެލްސީގެ ކީޕަރު، މައިކް ޕެންޑާސް ވަނީ މަތަކޮށްފަ އެވެ. އެކަމަކު، ޗެލްސީ މޮޅުވާން ލިބުނު ފުރުސަތުގައި އެމަނުއަލް އެމެގާ ޖެހި ޕެނަލްޓީ ލިވަޕޫލްގެ ކީޕަރު، ޖިއޮޖީ މަމަޑާޝްވިލީ ވަނީ މަތަކޮށްފަ އެވެ. އަދި. ލިވަޕޫލްގެ ޖޯ ގޯމޭޒް ދެން އައި ޕެނަލްޓީ ވައްދާލާފައިވަނިކޮށް، ޗެލްސީގެ ފޮފާނާ ޖެހި ޕެނަލްޓީ ހުރަސްދަނޑިމަތިން ދިއުމުން، ލިވަޕޫލް މޮޅުވީ އެވެ. 

ލިވަޕޫލުން މި ވަނީ އެންމެ ފަހުން ޕެނަލްޓީ ޝޫޓައުޓްގައި ޗެލްސީއާ ވާދަކުރި ފަސް ފަހަރު ވެސް މޮޅުވެފަ އެވެ. 

ލީގު ކަޕްގެ އެންމެ ފަހުގެ ޗެމްޕިއަން، މެންޗެސްޓާ ސިޓީން ރޭ ބްރައިޓަން ހޯލްވް އެންޑް އަލްބިއަން ބަލިކުރީ ވެސް ޕެނަލްޓީންނެވެ. ބްރައިޓަން އިން ދެ ފަހަރު ލީޑުނެގި މި މެޗުގައި ސިޓީން ވަނީ ދެ ފަހަރަށް އެއްވަރުކޮށްފަ އެވެ. އެ ގޮތުން، ފުރިހަމަ ވަގުތުގައި 2-2 އިން އެއްވަރުވެގެން ނިމުމުން ޕެނަލްޓީ އަށް ދިޔައިރު، ސިޓީ މޮޅުވީ 4-3 އިންނެވެ. 

މުބާރާތުގެ ގަދަ 16 ބުރުގައި ރޭ ކުޅުނު އެހެން މެޗުތަކަށް ބަލާއިރު، ބޯންމައުތުން 3-0 އިން އެސްޓަން ވިލާ ބަލިކުރި އެވެ. ފުލަމް އަތުން 1-0 އިން ކްރިސްޓަލް ޕެލަސް މޮޅުވިއިރު، ސަންޑަލެންޑުން ބްރެންޓްފޯޑްގެ މައްޗަށް ކުރިހޯދީ 3-2 އިންނެވެ. 

ކުއާޓާ ފައިނަލް މެޗުތަކަށް ބަލާއިރު، އާސެނަލް ކަޓުވާލި ހަތަރު ވަނަ ޑިވިޝަންގެ ފްލީޓްވުޑް ޓައުން އިން ކުއާޓާގައި ކުޅެން ޖެހޭނީ އެވަޓަން ނޫނީ ނިއުކާސަލް ޔުނައިޓެޑާ އެވެ. ލިވަޕޫލުން ބޯންމައުތާ ބައްދަލުކުރަން ޖެހޭއިރު، ސިޓީން ކުޅޭނީ ބްރެޑްފޯޑް ސިޓީއާ އެވެ. އަދި، ކްރިސްޓަލް ޕެލަސް ވާދަކުރާނީ ސަންޑަލެންޑާ އެެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox