އެމްބާޕޭގެ ލަނޑުތަކުން ރެއާލުން ބާސެލޯނާ ބަލިކޮށްފި

Oct 26, 2026, 4:16 AM
ބާސެލޯނާ ކޮޅަށް ލަނޑު ޖެހުމަށް ފަހު އެމްބާޕޭ އުފާފާޅުކުރަނީ.

ބާސެލޯނާ ކޮޅަށް ލަނޑު ޖެހުމަށް ފަހު އެމްބާޕޭ އުފާފާޅުކުރަނީ.

ބާސެލޯނާ (އޮކްޓޫބަރު 26) - ކީލިއަން އެމްބާޕޭގެ ލަނޑުތަކުން ރެއާލް މެޑްރިޑުން ސްޕެނިޝް ލީގުގައި 2-1 އިން ވާދަވެރި ބާސެލޯނާ ބަލިކޮށްފި އެވެ. 

މި މެޗުގެ ކުރިން މި ފަހަރުގެ ސްޕެނިޝް ލީގުގައި ބާސެލޯނާ އިން ވަނީ ފުރަތަަމަ ނުވަ މެޗުން މޮޅުވެފަ އެވެ. ޗެމްޕިއަންސް ލީގުގައި ޕީއެސްޖީ އަތުން ބަލިވި ފަހުން، ބާސެލޯނާ މި ވަނީ ސްޕެނިޝް ލީގުގައި ރެއާލް އަތުން ބަލިވެފަ އެވެ. ލީގުގެ އެއް ވަނައިގައި ބާސެލޯނާ އޮތީ 10 މެޗުން 27 ޕޮއިންޓާ އެކު އެވެ. ދެ ވަނައިގައި އޮތް އެތުލެޓިކޯ މެޑްރިޑަށް 10 މެޗުން 25 ޕޮއިންޓް އަދި ތިން ވަަނައިގައި އޮތް ރެއާލަށް 10 މެޗުން 24 ޕޮއިންޓް ވަނީ ލިބިފަ އެވެ. 

ސީޒަނުގެ ފުރަތަމަ އެލް ކްލަސިކޯ މެޗުގައި ވާދަވެރި ކުޅުމެއް ފެނިގެންދިޔައިރު، ރެއާލުން ދިޔައީ މެޗު ފެށިގެން އެމްބާޕޭ އަށް ލިބޭ ފުރުސަތުތަކުގައި ނުރައްކާ ކުރަމުންނެވެ. އެ ގޮތުން، އާޑާ ގުލާ ނަގައިދިން ބޯޅައަކުން އެމްބާޕޭ ފޮނުވާލި އެކްރަބެޓިކް ކިކް ދިޔައީ ހުރަސް ދަނޑިމަތިންނެވެ. އަނެއްކޮޅުން، ބާސެލޯނާ އަށް ލީޑުނަގައިދޭން ރަފީނިއާ ޖެހި ދެ ޝޮޓެއް ދިޔައީ ގޯލާ ސީދާނުވެ އެވެ. އަދި، އެންތަނީ ގޯޑަންގެ ޝޮޓެއް ރެއާލްގެ ގޯލުގައި ހުރި އަންޑްރީ ލުނިން ވަނީ މަތަކޮށްފަ އެވެ. 

ރެއާލުން 43 ވަނަ މިނިޓްގައި ލީޑުނެގީ އެމްބާޕޭ ޖެހި ލަނޑުންނެވެ. ރެއާލްގެ ޔަން ޑިއޮމަންޑޭ ނެގި ހުރަހެއް ދިފާއުކުރަން ބާސެލޯނާގެ ޑިފެންޑަރު، ޖެރާޑް މާޓިން ފޮނުވާލި ބޯޅަ ގޯލަށް ވަނީ އެމްބާޕޭ ފައިގައި ޖެހިފަ އެވެ. 

ލީޑުގައި އޮވެގެން ރެއާލުން ފުރަަތަމަ ހާފު ނިންމާލިއިރު، ބާސެލޯނާ އިން ދެ ވަނަ ހާފުގައި ނަތީޖާ ހަމަހަމަ ކުރަން ކުރި މަސައްކަތް ކާމިޔާބުކުރީ މެޗުގައި އެއް ގަޑިއިރު ކުޅެވުނުތަނާހެންނެވެ. އެ ގޮތުން، 61 ވަނަ މިނިޓްގައި ޕެޑްރީ ދިން ބޯޅައަކުން އޭރިއާތެރެއިން ރަފީނިއާ ވަނީ ގޯލުގެ ދުރު ކަނަށް ބޯޅަ އަމާޒުކޮށްލައިފަ އެވެ. އޭގެ ހަތަރު މިނިޓް ފަހުން، ކޯނަރަކުން ޖެރާޑް މާޓީން، ބާސެލޯނާ އަށް ލީޑުނަގައިދޭން ބޮލުން ފޮނުވާލި ބޯޅަ ރެއާލް ކީޕަރު ލުނިން ވަނީ ހުށިޔާރުކަމާ އެކު ހުއްޓުވައިފަ އެވެ. 

މެޗުގެ 77 ވަނަ މިނިޓްގައި ބާސެލޯނާގެ ލަމީން ޔަމާލް ޖެހި ޝޮޓެއް ދިޔައީ ދަނޑިކައިރިން ބޭރުންނެވެ. 

ރެއާލުން މެޗު ކާމިޔާބުކުރި ލަނޑު ޖެހީ މެޗުގެ ފުރިހަމަަ ވަގުތު ހަމަވާން ތިން މިނިޓަށް ވެފައި ހުއްޓަ އެވެ. ބަދަލަކަށް ކުޅެން އެރި އެޑުއާޑޯ ކަމަވިންގާ، ބާސެލޯނާގެ އޭރިއާތެރެއިން ޕައު ކުބަރްސީ ކައިރިން ދެމިގަތުމަށް ފަހު، އެމްބާޕޭ އަށް ދިން ބޯޅަ އޭނާ ވަނީ ހަމަޖެހިލައިފައި ގޯލަށް ފޮނުވާލައިފަ އެވެ. މިއީ، އެލް ކްލަސިކޯ މެޗުތަކުގައި ކުޅުނު ހަތް މެޗުން އެމްބާޕޭގެ އަށް ވަނަ ގޯލެެވެ. 

މި ނަތީޖާއާ އެކު، މި ފަހަރު ރެއާލް ކޯޗަކަށް އަލުން އައި ހޯސޭ މޮރީނިއޯ މި ވަނީ، ކްލަސިކޯގައި އެންމެ ފަހުން ކުޅުނު ހަ މެޗުން ވެސް ބަލިނުވެ ރެކޯޑެއް ކުރިއަށް ގެންގޮސްފަ އެވެ. އެ ގޮތުން، އެންމެ ފަހުން ކުޅުނު ތިން މެޗުން ވެސް މޮޅުވިއިރު، ޖުމްލަ އެކު ހަތަރު މެޗުން. މޮޅުވެ، ދެ މެޗުން ވަނީ އެއްވަރުވެފަ އެވެ، 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox