ގެދޮރުވެރިކަމުގެ ލޯނުތަކުގެ އިކުއިޓީ ހަމަޖައްސަން 750 މިލިއަން ބަޖެޓުގައި ހިމަނައިފި

މާލޭގެ އިމާރާތްތަކެއް: މި އިކުއިޓީ ގެދޮރު ގަންނާށާއި އިމާރާތްކުރަން ވެސް ބޭނުންކުރެވޭ --- އަދަދު ފައިލް ފޮޓޯ

މާލޭގެ އިމާރާތްތަކެއް: މި އިކުއިޓީ ގެދޮރު ގަންނާށާއި އިމާރާތްކުރަން ވެސް ބޭނުންކުރެވޭ --- އަދަދު ފައިލް ފޮޓޯ

އަމިއްލަ ބިމުގައި ގެދޮރު އެޅުމަށާއި އަލަށް ފްލެޓް ގަންނަން ބޭނުންވާ މީހުންނަށް ދޫކުރާ ލޯނުތަކަށް ބޭނުންވާ އިކުއިޓީ ފައިސާ ހަމަޖައްސައިދިނުމަށް 750 މިލިއަން ރުފިޔާގެ ހާއްސަ ސްކީމެއް އަންނަ އަހަރުގެ ބަޖެޓުގައި ހިމަނައިފި އެވެ.

ސަރުކާރުން އަލަށް މި ފަށާ އިކުއިޓީ އެހީއަކީ ސަރުކާރުން ފެށި ހިޔާވެހި ފައިނޭންސިން ސްކީމުގެ ޑައުންޕޭމަންޓު ދައްކަން ދަތިވާތީ ސަރުކާރުން ތައާރަފުކުރި ސްކީމެކެވެ. މި ސްކީމުގެ ދަށުން ކޮންމެ މީހަކަށް ދެ ލައްކަ ރުފިޔާގެ އިކުއިޓީ އެހީ ލިބެ އެވެ. މި ފައިސާ އަނބުރާ ދައްކަން ޖެހެނީ 20 އަހަރު ތެރޭ ގެދޮރު ނޫނީ އިމާރާތް ވިއްކާލާ ނަމަ އެވެ. 

ރައްޔިތުންގެ މަޖިލީހަށް ބަޖެޓު ހުށަހަޅުއްވަމުން ފިނޭންސް މިނިސްޓަރު ހަސަން ޒަރީރު މިނިސްޓަރު ވިދާޅުވީ ދިވެހިންގެ އެންމެ ބޮޑު ކަންބޮޑުވުމަކީ ގެދޮރުގެ ދަތިކަން ކަމަށެވެ. އަދި، އަންނަ އަހަރު ފަށާ މި އިކުއުޓީ ސްކީމުގެ ތެރެއިން ވެސް ވަރަށް ގިނަ އާއިލާތަކެއްގެ އަމިއްލަ ގެދޮރުގެ ހުވަފެން ހަގީގަތަކަށް މަގުފަހިވެގެން ދާނެ ކަމެއް ކަމަށް އޭނާ ވިދާޅުވި އެވެ. 

"އަމިއްލަ ބިން އޮވެމެ، އެ ބިމުގައި ގެދޮރު ބިނާކުރާނެ މާލީ ތަނަވަސްކަން ނެތް ރައްޔިތުންތަކެއް ތިބިކަން އެއީ އަދުގެ ހަގީގަތް. މިގޮތުން، އަންނަ އަހަރުގެ ބަޖެޓުގައި ބޯހިޔާވަހިކަމަށް ކަނޑައަޅާފައިވާ އަދަދުގެ ތެރޭގައި، އަލަށް ގެދޮރު ގަތުމަށް އަދި އިމާރާތްކުރުމަށް ބޭނުންވާ ފަރާތްތަކަށް ހާއްސަ ލޯނު ސްކީމުގެ އިކުއިޓީއަށްވާ ފައިސާގެ ގޮތުގައި ދޫކުރުމަށް، 750 މިލިއަން ރުފިޔާ ހިމަނާފައިވޭ،" ޒަރީރު ވިދާޅުވި އެވެ.

ސަރުކާރުން ވަނީ މި ސްކީމު ހިންގަން ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) އާއި ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ އިތުރުން މޯލްޑިވްސް ފައިނޭންސް ލީސިން ކޯޕަރޭޝަން (އެމްއެފްއެލްސީ) އާ ސޮއިކޮށްފަ އެވެ. މިއީ ސަރުކާރުން ފެށި 

މި ސްކީމުގެ އިތުރުން އަންނަ އަހަރުގެ ބަޖެޓުގައި ބޯހިޔާވަހިކަމުގެ މަޝްރޫއުތަކަށް ތިން ބިލިއަން ރުފިޔާ ހިމަނާފައިވެ އެވެ. އަދި ރަށްރަށުގައި ހުރި ހުސްބިންތަކަށް ފެނާއި ނަރުދަމާ ފަދަ އަސާސީ ހިދުމަތްތައް ފޯރުކޮށްދޭން ވެސް ބަޖެޓުކޮށްފައިވާ ކަމަށް ޒަރީރު ވިދާޅުވި އެެވެ. 

މި ދައުރުގެ ތެރޭގައި ހުރިހާ ދިވެހިންނަށް ބޯހިޔާވަހިކަން ކަށަވަރުކޮށްދިނުމަކީ ރައީސް މުހައްމަދު މުއިއްޒުގެ އެންމެ ބޮޑު ވައުދެވެ. ނަމަވެސް ވޭތުވެދިޔަ ތިން އަހަރުގެ ތެރޭގައި އަމަލީ ގޮތުން ފެށިގެން ހިނގަމުންދާ މަޝްރޫއުތައް މަދެވެ. އަދި، ބަޖެޓު ހިސާބުތަކުން ވެސް ދައްކަނީ އެ މަސައްކަތް ނުހިނގާ ކަމަށެވެ. 

ބޯހިޔާވަހިކަމަށް ދައުލަތުގެ ބަޖެޓުން ކުރާ ހަރަދުތަކަށް ބަލާއިރު، 2024 ވަނަ އަހަރު ހޭދަކުރި 3.26 ބިލިއަން ރުފިޔާ ވަނީ މިދިޔަ އަހަރު 2.1 ބިލިއަން ރުފިޔާއަށް ދަށްވެފަ އެވެ. މިއީ "ގެދޮރުވެރިކަމުގެ ބަޖެޓު" ގެ ގޮތުގައި ސަރުކާރުން ސިފަކުރި އަހަރެވެ.

މި އަހަރުގެ ބަޖެޓުގައި މި އަދަދު ވަނީ އިތުރަށް ކުޑަކޮށް، 1.6 ބިލިއަން ރުފިޔާއަށް ކުޑަކޮށްފަ އެވެ. މިއީ ވޭތުވެދިޔަ ހަތަރު އަހަރުގެ ތެރޭގައި ބޯހިޔާވަހިކަމަށް ކަނޑައެޅި އެންމެ ކުޑަ އަދަދެވެ. 

މީގައި ފާހަގަކޮށްލަން ޖެހޭ އަނެއް ކަމަކީ، ޕީއެސްއައިޕީ ބަޖެޓުގެ ތަފުސީލުތައް ނެތުމުން މަތީގައި މި ބުނާ އަދަދުތަކަކީ ބޯހިޔާވަހިކަމުގެ މަޝްރޫއުތައްކަން ކަށަަވަރުކުރެވޭނެ ގޮތެއް ވެސް ނެތުމެވެ. ސަބަބަކީ، ބަޖެޓުގައި އޮންނަ އަދަދުގެ ތެރޭގައި ބިން ހިއްކުން ވެސް ހިމެނޭތީ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox