ވިކްޓަރީ އާއި މާޒިޔާގެ ކުރިމަތިލުން ހަމަހަމަ

Oct 10, 2026, 6:18 PM
ދިވެހި ޕްރިމިއާ ލީގުގައި ވިކްޓަރީ އާއި މާޒިޔާ ކުޅުނު މެޗުގެ ތެރެއިން.--- ފޮޓޯ: އެފްއޭއެމް

ދިވެހި ޕްރިމިއާ ލީގުގައި ވިކްޓަރީ އާއި މާޒިޔާ ކުޅުނު މެޗުގެ ތެރެއިން.--- ފޮޓޯ: އެފްއޭއެމް

ދިރާގު ދިވެހި ޕްރިމިއާ ލީގުގައި މިއަދު ހަވީރު ކުޅުނު މެޗުގައި މާޒިޔާ ސްޕޯޓްސް އެންޑް ރެކްރިއޭޝަން އާއި ވިކްޓަރީ ސްޕޯޓްސް ކްލަބް 2-2 އިން އެއްވަރުވެއްޖެ އެވެ. 

އިންޓަނޭޝަނަލް ބްރޭކަށް ދިއުމުގެކުރިން މާޒިޔާ ވަނީ ނިއު ރޭޑިއަންޓް ސްޕޯޓްސް ކްލަބް އަތުން 3-2 އިން ބަލިވެފަ އެވެ. މިއީ، 2022 ވަނަ އަހަރުގެ ފަހުން ލީގުގައި މާޒިޔާ ބަލިވި ފުރަތަމަ މެޗެެވެ. އޭގެ ފަހުން، ތިން ހަފްތާއެއްހާ ދުވަހުގެ ބްރޭކަކަށް ލީގު މެދުކަނޑާލަން ޖެހުނުއިރު، މާޒިޔާ އަކީ ގައުމީ ޓީމަށް އެންމެ ގިނަަ ކުޅުންތެރިން ދިޔަ ޓީމެވެ. މާޒިޔާ އިން ފަހަތުން އަރައި ލީޑުނެގި ނަމަވެސް ވިކްޓަރީން ވަނީ ލަނޑު ޖަހައި ޕޮއިންޓެއް ހޯދައިފަ އެވެ.  އަދި، ނަތީޖާއާ އެކު، ވިކްޓަރީ އޮތީ އަދިވެސް ލީގު ތާވަލުގެ ކުރީގަ އެވެ. އެއީ، މިއަދު ހަވީރު، ހއ. ދިއްދޫއާ 2-2 އިން އެއްވަރުވި ނިއު ރޭޑިއަންޓާ އެއްވަރަށް ތިން މެޗުން ހަތް ޕޮއިންޓް ހޯދައިގެންނެވެ. 

ގަލޮޅު ދަނޑުގައި މިއަދު ކުޅުނު މެޗު ފަށައިގެން މާޒިޔާ އިން ކުރިއަށް ޖެހިގެން ކުޅެ ރަނގަޅު ހަމަލާއެއް ފޮނުވާލި އެވެ. ވިކްޓަރީގެ އޭރިއާބޭރުން ލިބުނު ހިލޭ ޖެހުމަކުން، މާޒިޔާގެ އަހުމަދު އައިހަމް (ފަތޯ) ފޮނުވާލި ބޯޅަ ދިޔައީ ދަނޑިކައިރިން. ބޭރުންނެވެ. އަނެއްކޮޅުން، މާޒިޔާ އަށް ލީޑުނަގައިދޭން އެ ޓީމުގެ އަބްދުﷲ ލޫތު އިބްރާހިމް (ސާނޭ) ނެގި ހުރަހަކަށް އަރައި، މާޒިޔާގެ އިބްރާހިމް މަހުދީ (ފޭދޫ އިއްބެ) ބޮލުން ޖެހި ބޯޅަ އަމާޒުވީ ގޯލުގެ ހުރަސްދަނޑިއަށެވެ. 

ވިކްޓަރީން މެޗުގައި ލީޑުނެގީ، 29 ވަނަ މިނިޓްގަ އެވެ. މިއީ، ކޯނަރަކުން ތަނަވަސްކުރި ފުރުސަތެއްގައި ވިކްޓަރީގެ އުޒްބެކިސްތާން ޑިފެންޑަރު، ފުރްކަޓޯން ހަަސަންބޮއޭވް ޖެހި ލަނޑެކެވެ. ކޯނަރަކުން އައި ބޯޅައިން ވިކްޓަރީގެ އަހުމަދު ހަސަން (އައްމަޑޭ) ބޮލުން ދިން ބޯޅަ އަށް އަރައި ފުރްކަޓޯން ވަނީ ގޯލަށް ބޯޅަ ވައްދާލައިފަ އެެވެ. ވިކްޓަރީ އަށް ދެ ވަނަ ލަނޑެއް ޖަހައިދޭން ނައިޖީރިއާގެ ފޯވާޑް އަލް ހާޖީ ގޭރޯ ޖެހި ބޯޅަ ދިޔައީ ދަނޑިކައިިރިންނެވެ. 

މާޒިޔާ އިން ވަނީ ދެ ވަނަ ހާފުގައި ކުޅެން އަރައި ނަތީޖާ އަނބުރާލައިފަ އެވެ. އެ ގޮތުން، ދެ ވަނަ ހާފުގެ ކުޅުން ފެށިގެން 10 މިނިޓް ތެރޭ މާޒިޔާ އިން އެއްވަރުކުރީ އޭރިއާތެރެއިން ލޫތު ޖެހި ގޯލުންނެވެ. އޭރިއާތެރެއަށް ހުރަސްވި ބޯޅަ ލޫތު ވަނީ އެއް ފަހަރުން ގޯލަށް ބޯޅަ ފޮނުވާލައިފަ އެވެ. 

މެޗުގައި މާޒިޔާ އަށް ލީޑުނަގައިދިނީ އައިހަމް އެވެ. ރާއްޖޭގެ ފުޓްބޯޅައިގައި މިދިޔަ ސީޒަނުގެ އެންމެ މޮޅު ކުޅުންތެރިއަކަށް ހޮވުނު އައިހަމް ވަނީ 81 ވަނަ މިނިޓްގައި މާޒިޔާ އަށް ލީޑުނަގައިދީފަ އެވެ. މިއީ އޭރިއާތެރެއިން ގޯލުގެ ތިރީ ކަނަށް ފޮނުވާލައިގެން އައިހަމް ޖެހި ގޯލެކެވެ. މާޒިޔާ އިން ލީޑުނެގިތާ، މާ ލަސްތަކެއް ނުވެ، ވިކްޓަރީގެ ގޭރޯ ވަނީ އޭރިއާތެރެއިން ލިބުނު ފުރުސަތެއްގައި ލަނޑު ޖަހައި ވިކްޓަރީ އަށް އެއްވަރުކޮށްދީފަ އެވެ. 

މި މެޗުން މޮޅެއް ނުލިބި، މާޒިޔާ އަށް ޖެހިޖެހިގެން ދެ މެޗުގައި މޮޅެއް ނުލިބި ނިންމާލަން ޖެހުނުއިރު، އެ ޓީމު މި ވަގުތު އޮތީ ތިން މެޗުން ހަތަރު ޕޮއިންޓާ އެކު، ލީގުގެ ހަ ވަނައިގަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox