އާ ކޯޗާ އެކު އޮޑިން ގައްދޫ ބަލިކޮށް ވަރުގަދަކޮށް ފަށައިފި

Oct 9, 2026, 10:58 PM
ގައްދޫ ކޮޅަށް އަހު ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް

ގައްދޫ ކޮޅަށް އަހު ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް

އޮޑި ސްޕޯޓްސް ކްލަބްގެ ކޯޗަކަށް ވިކްޓަރީ ސްޕޯޓްސް ކްލަބަށް ކުރިން ކުޅެފައިވާ އާޖެންޓީނާގެ ލޫޝިއާނޯ ތެއިލާ ހަމަޖެއްސި ފަހުން ކުޅުނު ފުރަތަމަ މެޗުގައި މިރޭ، ގދ. ގަައްދޫ އަތުން 4-0 އިން ބޮޑު މޮޅެއް ހޯދައި ވަރުގަދަކޮށް ފަށައިފި އެވެ. 

ދިރާގު ދިވެހި ޕްރިމިއާ ލީގުގައި އޮޑިން ކުޅުނު ފުރަތަމަ މެޗުގައި އެ ޓީމަށް ކޯޗުކޮށްދިނީ ޕޯޗުގަލްގެ ރުއީ ގްރެގޯރިއޯ އެވެ. އޭނާ ކޯޗުކަމުގައި މާޒިޔާ ސްޕޯޓްސް އެންޑް ރެކްރިއޭޝަން އަތުން ވަނީ ބަލިވެފަ އެވެ. އޭގެ ފަހުން، ގްރެގޯރިއޯ ޓީމުން ދިއުމާ އެކު، އެސިސްޓަންޓް ކޯޗު، އަހުމަދު ފައްރާހު (ފައްރަ)ގެ އިރުޝާދުގެ ދަށުން ކުޅުނު މެޗުގައި ބުރު ސްޕޯޓްސް ކްލަބް އަތުން ވަނީ މޮޅުވެފަ އެވެ. އަަަދި، އިންޓަނޭޝަނަލް ބްރޭކު ފެށުނުތަނާހެން އޮޑިން ވަނީ، 2008 ވަނަ އަހަރު ވިކްޓަރީ އަށް ކުޅުނު ތެއިލާއާ ޓީމު ހަވާލުކޮށްފަ އެވެ. 

މިރޭގެ ނަތީޖާއާ އެކު، އޮޑި ވަނީ ލީގު ތާވަލުގެ އެއް ވަނަ އަށް ޖެހިލައިފަ އެވެ. އެއީ، ތިން މެޗުން ހަ ޕޮއިންޓް ހޯދައި، ފައިދާ ގޯލުގެ ތަފާތުންނެވެ. އޮޑި އެކޭ އެއްވަރަށް ވިކްޓަރީ ސްޕޯޓްސް ކްލަބާއި ނިއު ރޭޑިއަންޓް ސްޕޯޓްސް ކްލަބް އަދި މާޒިޔާ އަށް ވަނީ ހަ ޕޮއިންޓް ލިބިފަ އެވެ. އެ ތިން ޓީމުން ވެސް އަދި ކުޅުނީ ދެ މެޗެވެ. 

ގަލޮޅު ދަނޑުގައި މިރޭ ކުޅުނު މެޗުގައި އޮޑިން ފުރަތަމަ ހާފުގައި ވެސް ވަނީ ތިން ގޯލުގެ ލީޑެއް ނަގައިފަ އެވެ. އޮޑިން ފުރަތަމަ ލަނޑު ޖެހީ ނުވަ ވަަނަ މިނިޓްގަ އެވެ. މިއީ، އެ ޓީމުގެ އަހުޒަމް ރަޝީދު (އަހު) ނެގި ކޯނަރަކަށް އަރައި، ބްރެޒިލްގެ ފޯވާޑް ހަޑްސަން ޑިއާޒް ވަނީ ގޯލަށް ބޯޅަ ފޮނުވާލައިފަ އެވެ. ފުރަތަމަ ލަނޑު ޖަހައިދޭން ފުރުސަތު ހޯދައިދިން އަހު ވަނީ މެޗުގެ 16 ވަނަ މިނިޓްގައި އޮޑީގެ ދެ ވަނަ ލަނޑު ޖަހައިފަ އެވެ. މިއީ، އޭރިއާތެރެއިން ގޯލުގެ ދުރު ކަނަށް ފޮނުވާލައިގެން އަހު ޖެހި ލަނޑެކެވެ. 

މެޗުގެ 35 ވަނަ މިނިޓްގައި އޮޑިން ވަނީ ތިން ވަނަ ލަނޑު ޖަހައިފަ އެވެ. މިއީ، މުޒްދާން ހަސަން ހުސްކޮށްލާފައި ދިން ބޯޅައަކަށް އޭރިއާތެރެއިން ހުސްކޮށް އަރައި، އިބްރާހިމް ވަހީދު ހަސަން (އިއްބެ) ޖެހި ގޯލެކެވެ. އިއްބެ ވަނީ ހަމަޖެހިލައިފައި ކަނަށް ބޯޅަ ފޮނުވާލައިފަ އެވެ. 

ގިނަ ވަގުތު ބޯޅަ ހިފަހައްޓައިގެން ކުޅުނު އޮޑިން ވަނީ ދެ ވަނަ ހާފަށް ބަދަލުތަކެއް ގެނެސްފަ އެވެ. އެ ގޮތުން، މުހައްމަދު ސަހާއު (ބޭލް) އާއި ސާބިއާގެ ފޯވާޑް، ޓޮމިސްލާވް ޓޮޑޮރޯވިޗް ވަނީ ކުޅެން ނެރެފަ އެވެ. އޮޑިން ޖެހި ހަތަރު ވަނަ ލަނޑުގައި ފެނިގެންދިޔައީ އެ ދެ ކުޅުންތެރިންގެ ކޮމްބިނޭޝަނެވެ. އެ ގޮތުން، ސަހާއު ހުސްކޮށްލާފައި ދިން ބޯޅައަށް އަރައި، ސާބިއާގެ 19 އަހަރުން ދަށުގެ ޓީމަށް ކުރިން ކުޅުނު ޓޮޑޮރޯވިޗް ވަނީ ހަމަޖެހިލައިފައި ގޯލުގެ ކަނަށް ބޯޅަ ފޮނުވާލައިފަ އެވެ. 

މުހައްމަދު ނަޒީހުގެ ކޯޗުކަމުގައި ކުޅޭ ގައްދޫން ލީގުަގައި މިހާތަނަށް ކުޅުނު ހަތަރު މެޗުން ވެސް މި ވަނީ ބަލިވެފަ އެވެ. ގައްދޫ ފުރަތަމަ ތިން މެޗު ކުޅުނީ އަމިއްލަ ދަނޑުގަ އެވެ. އެއީ، ނިއު އާއި ޓީސީ ސްޕޯޓްސް ކްލަބް އަދި ކްލަބް އީގަލްސްއާ ދެކޮޅަށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox