ތަފާތު ފޯމެއްގައި ކުޅެމުން އައި ރަފީނިއާ އަށް ބާސެލޯނާގެ ދެ މެޗު ގެއްލޭނެ

Oct 10, 2026, 2:46 PM
މި ސީޒަނުގައި ބާސެލޯނާ އަށް ލަނޑެއް ޖަހައިދިނުމަށް ފަހު ރަފީނިއާ އުފާފާޅުކުރަނީ.

މި ސީޒަނުގައި ބާސެލޯނާ އަށް ލަނޑެއް ޖަހައިދިނުމަށް ފަހު ރަފީނިއާ އުފާފާޅުކުރަނީ.

ބާސެލޯނާ (އޮކްޓޫބަރު 10) - މި ފަހަރުގެ އިންޓަނޭޝަނަލް ބްރޭކުގައި ބްރެޒިލާ އެކު ހުއްޓައި، އަނިޔާވި ބާސެލޯނާގެ ރަފީނިއާ އަށް އެ ކްލަބުން ދެން އެންމެ އަވަހަށް ކުޅޭ ދެ މެޗު ގެއްލޭނެ ކަމަށް ބުނެފި އެވެ. 

ރަފީނިއާ ވަނީ މި ފަހުން ނިމުނު އިންޓަނޭޝަނަލް ބްރޭކުގައި ބްރެޒިލުން އޮސްޓްރޭލިއާއާ ދެކޮޅަށް ކުޅުނު ދެ މެޗުގައި ކުޅެފަ އެވެ.

ބްރެޒިލުން 1-1 އިން އޮސްޓްރޭލިއާއާ އެއްވަރުވި މެޗުގައި ރަފީިނިއާ ވަނީ ލަނޑު ޖަހަން ފުރުސަތު ހޯދައިދީފަ އެވެ. އަދި، ދެ ވަނަ މެޗުގައި، ފުރަތަމަ ހާފަށް ފަހު ބަދަލުކުރުމުގެ ކުރިން ޕެނަލްޓީއެއް ވެސް ޖެހި އެވެ. އެކަމަކު، ފަލަމަސްގަނޑަށް ލިބުނު އަނިޔާއާ ހެދި ބާސެލޯނާގެ މެޑިކަލް ޓީމުން އޭނާ ސްޕެއިނަށް ގެނައީ އެވެ. އެހެންވެ، ބްރެޒިލުން އިންޑިއާގައި ކުޅުނު މެޗުގައި ރަފީނިއާ ބައިވެރިނުވެ އެވެ. 

ބާސެލޯނާގެ ކޯޗު ހަންސީ ފްލިކް ބުނީ، ރަފީނިއާ އަށް ލިބުނު އަނިޔާ ސީރިއަސް ނުވިޔަސް އެ ފަދަ އަނިޔާއެއް ތަކުރާރުވުމުގެ ފުރުސަތު އޮންނާތީވެ، އެއްކޮށް ފިޓްނުވަނިސް މެޗުތަކަށް ގެނައުމަކީ ރިސްކެއް ކަމަށެވެ. އަދި، ޓީމުގެ މުހިންމު ކުޅުންތެރިއަކު އެ ފަދަ ރިސްކެއްގައި ގެންގުޅުމަކީ އެއްވެސް ޓީމަކުން ކުރާނެ ކަމެއް ނޫން ކަމަށް ފްލިކް ބުނެފައިވެ އެވެ. 

ބްރެޒިލް ގައުމީ ޓީމުގައި ހުއްޓައި ރަފީނިއާ އަނިޔާވުމަކީ އެކަން ގޯސްކޮށްގެން ވާހަކަ ދައްކަން ޖެހޭ ކަމެއް ނޫންކަން ފާހަގަކޮށް، ފްލިކް ބުނީ، ކޮންމެ ކުޅުންތެރިއަކު ވެސް ގައުމީ ޓީމަށް ކުޅެން ހާއްސަ އަހައްމިއްޔަތުކަމެއް ދޭނެ ކަމަށް ގަބޫލުުކުރަން ޖެހޭ ކަމަށެވެ. 

މި އަހަރުގެ ޖޫން/ޖުލައި މަހު އެމެރިކާ، މެކްސިކޯ އަދި ކެނަޑާގައި ބޭއްވި ވޯލްޑް ކަޕްގެ ތެރެއިން ވެސް އަނިޔާވެގެން މެޗުތަކެއް ގެއްލުނު ރަފީނިއާ އަށް މިދިޔަ ސީޒަނުގައި އިންޖަރީގެ އެކި މައްސަލަތަކެއް ވަނީ ދިމާވެފަ އެވެ. އެ ގޮތުން، މިދިޔަ ސީޒަނުގައި ރަފީނިއާ އަށް މަސްގަނޑުގެ އެކި އަނިޔާގެ ކަންކަން ދިމާވެ، 25 މެޗު ގެއްލިފައިވެ އެެވެ. 

މި ވަގުތު މުޅި ދުނިޔޭގެ ފުޓްބޯޅަ އަށް ބަލާއިރު ވެސް އެންމެ ފޯމުގައި ހުރި އެއް ކުޅުންތެރިއަކީ ރަފީނިއާ އެެވެ. ޖަރުމަނުގެ ކޯޗު، ހަންސީ ފްލިކްގެ ކޯޗުކަމުގައި ބާސެލޯނާ އިން މި ސީޒަނުގައި ދައްކަމުން އަންނަ މޮޅު ކުޅުމުގައި ފޯވާޑެއްގެ ގޮތުގައި އެޓޭކު ލީޑުކުރަނީ ރަފީނިއާ އެވެ. އެ ގޮތުން، ސީޒަނުގެ އަށް މެޗުގައި ރަފީނިއާ ވަނީ 14 ލަނޑު ޖަހައިފަ އެވެ. 

ރަފީނިއާ އަށް ގެއްލޭނެ ކަމަށް ބެލެެވެނީ ސްޕެނިޝް ލީގުގައި މިރޭ ގެޓަފޭއާ ދެކޮޅަށް ކުޅޭ މެޗާއި ޗެމްޕިއަންސް ލީގުގައި ގަލަތަސަރާއިއާ ބައްދަލުކުރާ މެޗެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox