ލެވަންޓޭ އަތުން މޮޅުވެ ބާސެލޯނާ އިން އެއް ވަނައިގައި ލީޑު ދަމަހައްޓައިފި

Sep 13, 2026, 10:40 PM
ލެވަންޓޭ ކޮޅަށް ލަނޑު ޖެހުމަށް ފަހު ބާސެލޯނާގެ ކުޅުންތެރިން އުފާފާޅުކުރަނީ.

ލެވަންޓޭ ކޮޅަށް ލަނޑު ޖެހުމަށް ފަހު ބާސެލޯނާގެ ކުޅުންތެރިން އުފާފާޅުކުރަނީ.

ވެލެންސިއާ، ސްޕެއިން (ސެޕްޓެމްބަރު 13) - ރަށުންބޭރުގައި ލެވަންޓޭ އަތުން 4-2 އިން މޮޅުވެ، ބާސެލޯނާ އިން ސްޕެނިޝް ލީގުގެ އެއް ވަނައިގައި ލީޑުދަމަހައްޓައިފި އެވެ. 

ސްޕެނިޝް ލީގުގެ އާ ސީޒަނުގެ ފުރަތަމަ ފަސް މެޗުން މޮޅުވި ހަަަމައެކަނި ޓީމަކީ އެންމެ ފަހުގެ ޗެމްޕިއަން، ބާސެލޯނާ އެވެ. އެ ޓީމަށް ފަސް މެޗުން ވަނީ 15 ޕޮއިންޓް ލިބިފަ އެެވެ. ދެ ވަނައިގައި އޮތް ރެއާލް މެޑްރިޑަށް ވަނީ ފަސް މެޗުން 12 ޕޮއިންޓް ލިބިފަ އެވެ. 

ބާސެލޯނާ އިން މެޗުގެ ފަސް ވަނަ މިނިޓްގައި ލީޑުނެގީ، ރަފީނިއާ ދިން ބޯޅައަކުން ޒަވީ އެސްޕާޓް ޖެހި ގޯލުންނެވެ. އޭރިއާ ރޮނގުކައިރިން އެސްޕާޓް ޖެހި ބޯޅަ އަމާޒުވީ ގޯލުގެ ތިރީ ކަނަށެވެ. މެޗުގެ 19 ވަނަ މިނިޓްގައި ބާސެލޯނާ އިން ދެ ވަނަ ލަނޑު ޖަހަން ވެސް ފުރުސަތު ތަނަވަސްކޮށްދިނީ ރަފީނިއާ އެވެ. މިއީ، ގޯލު ކުރިމައްޗަށް މުޅިން ހުސްކޮށްލާފަައި ރަފީނިއާ ނެގި ހުރަހަކަށް އަރައި، ގޯލުގެ މަތީ ދާގަނޑަށް ބޯޅަ ފޮނުވާލައިގެން ލަމީން ޔަމާލް ޖެހި ގޯލެކެވެ. 

Advertisement

ދެ ވަނަ ހާފުގެ ކުޅުން ފަށައިގެން ދެ މިނިޓް ތެރޭ ބާސެލޯނާ އިން ތިން ވަނަ ލަނޑެއް ޖެހި އެވެ. މިއީ، ލިބުނު ޕެނަލްޓީ އަކުން ޔަމާލް ޖެހި ގޯލެކެވެ. މިއީ، ލެވަންޓޭގެ ކުޅުންތެރިއަކު އެ ޓީމުގެ އޭރިއާތެރެއިން ޔަމާލަށް ކުރި ފައުލަކަށް ރެފްރީ ދިން ޕެނަލްޓީ އެކެވެ. 

ތިން ގޯލުގެ ލީޑެއް ލިބުމާ އެކު، ބާސެލޯނާ އިން ފަރުވާ ކުޑަކޮށްލުމުން ލެވަންޓޭ އިން ވަނީ ދެ ގޯލު ޖަހައި، ބާސެލޯނާ ޕްރެޝަރަށް ވައްޓާލައިފަ އެވެ. މެޗުގައި ލެވަންޓޭގެ ފުރަތަމަ ލަނޑު ޖެހީ، 78 ވަނަ މިނިޓްގައި އިވާން ރޮމޭރޯ އެވެ. މިއީ، އެސްޕާޓް ފަހަތަށް ދިން ބޯޅައަކަށް އަރައި، ހަމަޖެހިލައިފައި ރޮމޭރޯ ޖެހި ގޯލެކެވެ. އަދި، އޭގެ 10 މިނިޓް ފަހުން، މެޗުގެ 88 ވަނަ މިނިޓްގައި، ލެވަންޓޭ އިން ދެ ވަނަ ލަނޑު ޖެހި އެވެ. މިއީ، ބާސެލޯނާ އޭރިއާތެރެއިން ލިބުނު ފުރުސަތަކުން ވަރަށް ރަނގަޅަށް މަސައްކަތް ކޮށްގެން، ރޮޖާ ބްރޫގޭ ޖެހި ގޯލެކެވެ. 

ލެވަންޓޭ އިން އެއް ގޯލަށް ފަރަގު ކުޑަކޮށްފައިވަނިކޮށް، ބާސެލޯނާ އިން ވަނީ އިތުރު ވަގުތުގެ ތެރޭގައި، މި މެޗުގައި  އެ ޓީމުން ޖެހި ހަތަރު ވަނަ ލަނޑު ޖަހައިފަ އެވެ. މިއީ، ބަދަލަކަށް ކުޅެން އެރި ޖަރުމަނުގެ ފޯވާޑް، ކަރީމް އަޑެޔޭމީ ޖެހި ގޯލެކެވެ. ހާފުގެ މެދެއްހާ ހިސާބުން އަރިމަަތިން ލިބުނު ބޯޅަ ހިފައިގެން އޭރިއާތެރެއަށް ވަދެ، ލެވަންޓޭ ކުޅުންތެރިން ކައިރިން ނައްޓާފައި، އަޑެޔޭމީ ވަނީ ހަމަޖެހިލައިފައި ގޯލަށް ބޯޅަ ފޮނުވާލައިފަ އެވެ.  

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox