އޮޑީގެ ކޯޗަކަށް ވިކްޓަރީ އަށް ކުރިން ކުޅުނު ތެއިލާ ހަމަޖައްސައިފި

Sep 27, 2026, 11:53 AM
އޮޑި ސްޕޯޓްސް ކްލަބްގެ އާ ކޯޗު ލޫޝިއާނޯ ތެއިލާ، އެ ކްލަބުން ބޭއްވި ޕްރެކްޓިހެއްގެ ތެރެއިން.---- ފޮޓޯ: އަދަދު ސްޕޯޓްސް /އިމޭޖަސް،އެމްވީ

އޮޑި ސްޕޯޓްސް ކްލަބްގެ އާ ކޯޗު ލޫޝިއާނޯ ތެއިލާ، އެ ކްލަބުން ބޭއްވި ޕްރެކްޓިހެއްގެ ތެރެއިން.---- ފޮޓޯ: އަދަދު ސްޕޯޓްސް /އިމޭޖަސް،އެމްވީ

އޮޑި ސްޕޯޓްސް ކްލަބްގެ ކޯޗަކަށް ވިކްޓަރީ ސްޕޯޓްސް ކްލަބަށް ކުރިން ކުޅެފައިވާ އާޖެންޓީނާގެ ލޫޝިއާނޯ ތެއިލާ ހަމަޖައްސައިފި އެވެ. 

ކްރޮއޭޝިއާގެ ވެސް ރަށްވެހިކަން އޮންނަ ތެއިލާ ވަނީ މީގެ ކުރިން، 2008 ވަނަ އަހަރު ވިކްޓަރީ އަށް ކުޅެފަ އެވެ. ކޯޗިންގައި ދެކުނު އެެމެރިކާގެ ކޮންމެބޯލް ޕްރޯ ލައިސަންސް އާއި ޔުއެފާ ޕްރޯ ލައިސަންސް ހާސިލްކޮށްފައިވާ ތެއިލާ އަކީ މި ސީޒަނުގައި އޮޑިން ގެނައި ދެ ވަނަ ކޯޗެވެ. 

އެ ގޮތުން، އޮޑިން މި ސީޒަނުގައި ގެނައި ފުރަަތަމަ ކޯޗު، ޕޯޗުގަލްގެ ރުއި ގްރެގޯރިއޯ ވަނީ އެ ކްލަބާ އެކު ހަދާފައިވާ އެއްބަސްވުން އުވާލައިފަ އެވެ. ގްރެގޯރިއޯގެ ކޯޗުކަމުގައި އޮޑިން ކުޅެފައިވަނީ ދެ މެޗެވެ. އެއީ، ކަޕް ވިނާސް ކަޕްގައި 2-0 އިން ބުރު ސްޕޯޓްސް ކްލަބް އަތުން މޮޅުވި މެޗާއި ދިވެހި ޕްރިމިއާ ލީގުގައި މާޒިޔާ ސްޕޯޓްސް އެންޑް ރެކްރިއޭޝަން އަތުން 2-1 އިން ބަލިވި މެޗެވެ. 

ތެއިލާ، ކޯޗިން ކެރިއަރު ފެށީ 2013 ވަނަ އަހަރު، އާޖެންޓީނާގެ ކްލަބް ސްޕޯޓިވޯ ބެލްގްރާނޯގެ އެސިސްޓަންޓް ކޯޗުގެ ގޮތުގަ އެވެ. އެ ޓީމަށް 2015 ވަނަ އަހަރުގެ ނިޔަލަށް ކޯޗުކަން ކުރިއިރު، ދެން ވެސް އޭނާ 2016 ގައި މަސައްކަތްކުރީ އެސިސްޓަންޓް ކޯޗެއްގެ ގޮތުގައި އާޖެންޓީނާގެ ދެ ކްލަބެއްގަ އެވެ. އެއީ، ކްލަބް ގިލެރްމޭ ބްރައުން އާއި ކްލަބް އެތުލެޓިކޯ މިޓްރޭގަ އެވެ. އޭގެ ޖެހިގެން އައި އަހަރު އާޖެންޓީނާގެ އިންސްޓިޓޫޓޯ އެތުލެޓިކޯ ސެންޓްރަަލް ކޮރްޑޯބާގައި އެސިސްޓަންޓް ކޯޗަކަށް ހުރުމަށް ފަހު، 2018 ވަނަ އަހަރު ކްލަބް އިންޑިޕެންޑިއެންޓޭ ރިވަޑަވިއާގެ އެސިސްޓަންޓަކަށް މަސައްކަތްކުރި އެވެ. 

ހެޑް ކޯޗެއްގެ ގޮތުގައި ތެއިލާގެ ފުރަތަމަ ޕްރޮޖެކްޓަކީ 2018-2019 ސީޒަނުގައި ކްލަބް ގިލެރްމޯ ބްރައުންގަ އެވެ. އަދި، 2019 ވަނަ އަހަރު ކްލަބް އިންޑިޕެންޑިއެންޓޭ ރިވަޑަވިއާގެ ހެޑް ކޯޗަކަށް މަސައްކަތްކުރި އެވެ. އޭގެ ފަހުން، 2020-2021 ސީޒަނުގައި، ކްލަބް ޑިޕޯޓިވޯ މައިޕޫގެ ހެޑް ކޯޗުކަން ކުރި ތެއިލާ ވަނީ ޕެރަގުއޭގެ ކްލަބް ޖެނެރަލް ކަބަލޭރޯ އާއި ގުއައިރޭނިއާގެ ކޯޗަކަށް ވެސް މަސައްކަތްކޮށްފަ އެވެ. އޭގެ ފަހުން، ޕެރޫގެ ކްލަބް އަލިއަންޒާ އެތުލެޓިކޯ ސުލާނާގެ ކޯޗަކަށް ހުރުމަށް ފަހު، ބޮލިވިއާގެ ކްލަބް ޖޯޖް ވިލްސްޓާމަން އަށް ވެސް ކޯޗުކޮށްދިނެވެ. 

ދެކުނު އެމެރިކާގެ ހަތަރު ގައުމެއްގައި ކޯޗިން މަސައްކަތް ކުރުމަށް ފަހު، އެންމެ ފަހުން ތެއިލާ ހުރީ ޔުއެފާ ކޮންފަރެންސް ލީގުގައި ކުޅުނު އިޒްރޭލުގެ ކްލަބް މެކަބީ ހައިފާގެ އެސިސްޓަންޓް ކޯޗަކަށެވެ. އޮޑި އަކީ، އޭޝިއާގައި ތެއިލާ ކޯޗިންގައި ކުރާ ފުރަތަމަ މަސައްކަތެވެ. 

އެހެން ނަމަވެސް، ކުޅުމުގެ ކެރިއަރުގައި ވިކްޓަރީގެ އިތުރުން އޭނާ ވަނީ އޭޝިއާގެ އެކި ގައުމުތަކުގެ ލީގުގައި ކުޅެފަ އެވެ. އެއީ، ބަންގްލަދޭޝްގެ މުކްޓިޖޯދާ ސަންގްސަދު ސްޕޯޓް ކްލަބް، އިންޑޮނޭޝިއާގެ ޕާސިބާ ބަންޓުލް، ލެބަނަންގެ އަލް އަހެދު ކްލަބް އަަދި ސީރިއާގެ އަލް ކަރާމާ ސްޕޯޓްސް ކްލަބް އެވެ. 

ގައުމީ ޓީމުގެ މެޗުތަކަށް މިހާރު ކުރިއަށްދާ ފީފާ އިންޓަނޭޝަނަލް ބްރޭކަށް ފަހު، އަލުން ދިވެހި ޕްރިމިއާ ލީގު ފަށާއިރު މި މަހު ނުވަ ވަނަ ދުވަހު އޮޑިން ކުޅޭނީ ގދ. ގައްދޫ ފުޓްބޯޅަ ޓީމާ ދެކޮޅަށެވެ. އޮޑިން ލީގުގައި ކުޅުނު ދެ ވަނަ މެޗުގައި ވަނީ ބުރު ސްޕޯޓްސް ކްލަބް އަތުން މޮޅުވެފަ އެވެ. އެސިސްޓަންޓް ކޯޗު، އަހުމަދު ފައްރާހު (ފައްރަ)ގެ ކޯޗުކަމުގައި އޮޑިން ނުކުތް މި މެޗުން މޮޅުވީ، 4-1 އިންނެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox