ފީފާ އިން ރާއްޖެ ކަހަލަ ކުޑަ ގައުމުުތަކަށް ހާއްސަ އަހައްމިއްޔަތުކަމެއް ދޭ: ތޯރިގު

އިންފަންޓީނޯ (ކ) ރާއްޖެ އަށް ކުރެއްވި ދަތުރުފުޅެއްގެ ތެރެއިން.--- ފޮޓޯ: ފީފާ

އިންފަންޓީނޯ (ކ) ރާއްޖެ އަށް ކުރެއްވި ދަތުރުފުޅެއްގެ ތެރެއިން.--- ފޮޓޯ: ފީފާ

ފީފާގައި މިހާރު އޮތް ލީޑަޝިޕުން ރާއްޖެ ކަހަލަ ކުޑަ ގައުމުތަކަށް ހާއްސަ އަހައްމިިއްޔަތުކަމެއް ދޭ ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ރައީސް، އަހުަމަދު ތޯރިގު (ޓޮމް) ވަނީ ވިދާޅުވެފަ އެވެ. 

މިދިޔަ އަހަރުގެ ޖުލައި 26 ވަނަ ދުވަހު، އެފްއޭއެމްގެ ހިންގުމާ ހަވާލުވި ލީޑަޝިޕުން އަންނަނީ ބައިނަލްއަގުވާމީ ފުޓްބޯޅަ އިދާރާތަކާއި ރާއްޖެއާ ދެމެދު އޮންނަ ގުޅުން ވަރުގަދަ ކުރުމަށް ގިނަ މަސައްކަތްތަކެއް ކުރަމުންނެވެ، އެ ގޮތުން، މިދިޔަ އަހަރުގެ އޮކްޓޫބަރު މަހު ދުނިޔޭގެ މައި ފުޓްބޯޅަ އިދާރާ، ފީފާގެ ރައީސް، ޖިއާނީ އިންފަންޓީނޯ ވަނީ ރާއްޖެ އަށް ވަޑައިގެންފަ އެވެ. މިއީ، ރާއްޖެ އަށް 19 އަހަރު ތެރޭ ފީފާގެ ރައީސަކު ވަޑައިގެންނެވި ފުރަތަމަ ފަހަރެވެ. 

އިންފަންޓީނޯގެ އެ ދަތުރުފުޅުގައި ރާއްޖޭގެ ފުޓްބޯޅަ އަށް އެކި ގޮތްގޮތުން އެހީތެރިކަން ފޯރުކޮށްދޭން ނިންމައި، އެފްއޭއެމް އެޓޯލް ޗެމްޕިއަންޝިޕަށް ފީފާ އިން 266،000 ޑޮލަރު (4.1 މިލިއަން ރުފިޔާ)ގެ އެހީއެއް ދޭ ގޮތަށް ހަމަޖެއްސި އެވެ. 

Advertisement

އިންޑޮނޭޝިއާގައި ކުރިއަށްދިޔަ ފީފާ އާސިއާން ކަޕްގެ ތެރެއިން، މީޑިއާ އަށް ތޯރިގު، ދެއްވި އިންޓަވިއުއެއް، "އަދަދު ސްޕޯޓްސް" އަށް ފީފާ މީޑިއާ އިން ވަނީ ހިއްސާކޮށްފަ އެވެ. އެ އިންޓަވިއުގައި ތޯރިގު ވަނީ ފީފާ ގަވަރްނަންސްގެ ކަންކަމުގެ ތެރެއިން ރާއްޖެ ކަހަލަ ކުޑަ ގައުމުތަކަށާއި ބޮޑެތި ގައުމުތަކަށް ވެސް ހަމަހަމަ ފުރުސަތުތަކެއް މިހާރު ލިބޭ ކަމަށް ވިދާޅުވެފަ އެވެ. 

"އަހަރެމެން ބޭނުންވަނީ އަހަރެމެންގެ އަޑު ކޮންގްރެސްގައި އިއްވައި، އަންނަ ބަދަލުތަކުގެ ތެރެއިން ވެސް އެކަން ކުރިއަށްގެންދިއުމަށް،" ތޯރިގު ވިދާޅުވި އެވެ. 

"މިހާރު، ފީފާގެ ރައީސް އިންފަންޓީނޯ ފުރުސަތު ދެމުން އަންނަނީ، މެއިލްތަކަށް ރިޕްލައި ކުރުމާއި ގަވަރްނަންސްގެ އޮނިގަނޑާ ގުޅޭ ކަންކަން ވެސް މައުލޫމާތު ލިބޭ. އަހަރެމެން ދެކޭ ގޮތުގައި މިއީ، އަހަރެމެން ކަަހަލަ ކުޑަ ގައުމަކަށް ހުރި ގޮންޖެހުންތައް ހިއްސާކުރުމަށް ލިބޭ ބޮޑު ފުރުސަތެއް،" 

ފީފާގެ އެކި އިވެންޓްތަކުގައި، މިހާރު އެންމެ ބޮޑަށް ސުވާލުކުރެވެމުން އަންނަނީ، ހަތަރު ވަނަ ދައުރަކަށް ފީފާ ރައީސްގެ މަގާމަށް ކުރިމަތިލައްވާާފައިވާ އިންފަންޓީނޯގެ ލީޑަޝިޕާ ގުޅޭގޮތުންނެވެ. އެ ސުވާލު ތޯރިގަށް ވެސް އަމާޒުވިއިރު، އޭނާ ވިދާޅުވީ، މިދިޔަ 10 އަހަރު ތެރޭ ފީފާ ހިންގުމުގައި އިންފަންޓީނޯގެ ލީޑަޝިޕުން ގިނަ އިންވެސްޓްމަންޓްތަކެއް ފުޓްބޯޅައަށް ގެނެސްފައިވާ ކަމަށެވެ. 

"ކުޑަ ގައުމެއް ވެސް ބޮޑު ގައުމެއް ވިޔަސް ފީފާ އިން ދިޔައީ މުޅި ދުނިޔޭގެ ފުޓްބޯޅަ ތަރައްގީ ކުރުމަށްޓަކައި ހަމަހަމަކަމާ އެކު އެހީތެރިކަން ފޯރުކޮށްދީފައި، އެހެންވީމަ، އަހަރެން ދެކޭގޮތުގައި، ފީފާގެ ރައީސް ރާއްޖެ ކަހަލަ ކުޑަ ގައުމުތަކަށް އެހީވަމުން އަންނަނީ ފުޓްބޯޅަ ކުރިއަރުވަން،" ތޯރިގު ވިދާޅުވި އެވެ. 

"އެެހެންވީމަ، އަހަރެން ދެކެނީ ރާއްޖެ ކަހަލަ ގައުމަކަށް އެ ކަހަލަަ ފަރާތެއް (އިންފަންޓީނޯ) ފީފާގެ ލީޑަޝިޕްގައި ހުރުމަކީ ފުރުސަތުތަކެއް އޮތް ކަމެއް،" 

ފީފާގެ ރައީސަކަށް 2016 ވަނަ އަހަރު އެންމެ ފުރަތަމަ އިންތިހާބުވި އިންފަންޓީނޯގެ  ލީޑަޝިޕްގައި މިދިޔަ 10 އަހަރު ފެނުނީ ވަރަށް ގިނަ ބަދަލުތަކެއް ވެސް އެކި ކަންކަމަށް އައި މުއްދަތެއްގެ ގޮތުގަ އެެވެ. ތޯރިގު ވިދާޅުވީ، ރާއްޖެ އަށް ލިބުނު ފައިދާވެސް އެބައޮތް ކަމަށެެވެ. 

"އަހަރެމެންގެ ފުޓްބޯޅައިގެ ސިސްޓަމް މުޅި ރާއްޖޭގައި ހުރިހާ ރަށެއް ވެސް ހިމެނޭހެން ބަދަލުކުރަން ފުރުސަތު އެބަ ލިބޭ،" ތޯރިގު ވިދާޅުވި އެވެ. 

ފީފާގެ ރައީސް، އިންފަންޓީނޯ މަގާމު ދުރުކުރަން އެންމެ ބޮޑަށް މަސައްކަތްކުރަނީ، ޔޫރަޕްގެ މައި ފުޓްބޯޅަ އިދާރާ ޔުއެފާ އާއި އުތުރު/ސެންޓްރަލް/ކެރީބިއަން އައިލެންޑްގެ ފުޓްބޯޅަ ފެޑެރޭޝަން، ކޮންކަކަފް އިންނެވެ. ޔުއެފާ އާއި ކޮންކަކަޕް އިން އިންފަންޓީނޯއާ ދެކޮޅަށް އެންމެ ބޮޑަށް މަސައްކަތް ފެށީ، ފީފާ ވޯލްޑް ކަޕް ހިމެނޭހެން ފީފާގެ މުބާރާތްތަކުގެ ރައިޓްސް، ޕްރައިވެޓް އިންވެސްޓަރުންނަށް ވިއްކާލާ ޑީލް، ފީފާ ފޯވާޑް އެންޓަޕްރައިސް (އެފްއެފްއީ)ގެ ސަބަބުންނެވެ. އެފްއެފްއީ އަކީ އެމެރިކާގެ ރައީސް ޑޮނާލްޑް ޓްރަމްޕްގެ އާއިލީ ގުޅުން އޮންނަ ކުންފުންޏަކާ އެކު ފީފާ އިން ކުރިއަށްގެންދަން އުޅުނު ޑީލެކެވެ. ފަހުން ޕްރެޝަރުތަކާ އެކު އެ ޑީލް ވަނީ ނިމުމަކަށް އަތުވެފަ އެވެ. އެ ޑީލްގެ ލިޔެކިޔުންތައް ހޯދަން، ޔުއެފާ އިން ވަނީ އެމެރިކާގެ ކޯޓަކަށް މައްސަލަ ވެސް ހުށަހަޅައިފަ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox