ކްލޮޕްގެ ކޯޗުކަމުގައި ލިވަޕޫލަށް ކުޅެން ޖެރާޑް ވަރަށް ބޭނުންވި

Oct 6, 2026, 3:31 PM
ލިވަޕޫލްގެ ޓްރެއިނިންގެ ތެރެއިން ޖެރާޑް އާއި ކްލޮޕް

ލިވަޕޫލްގެ ޓްރެއިނިންގެ ތެރެއިން ޖެރާޑް އާއި ކްލޮޕް

ލިވަޕޫލް (އޮކްޓޫބަރު 6) - ކުޅުމުގެ ކެރިއަރުގައި ހާސިލްނުކުރެވިދިޔަ އެންމެ ބޭނުންވި އެއް ކަމަކީ ޔާގެން ކްލޮޕްގެ ކޯޗުކަމުގައި ލިވަޕޫލަށް ނުކުޅެވުން ކަމަށް އެ ޓީމުގެ ކުރީގެ ކެޕްޓަން، ސްޓީވެން ޖެރާޑް ބުނެފި އެވެ. 

ޒުވާން އުމުރުގައި ލިވަޕޫލަށް ކުޅެން ފަށައި އެ ޓީމަށް 17 އަހަރު ކުޅެދިން ޖެރާޑް އެ ކްލަބް ދޫކޮށް އެމެރިކާގެ އެލްއޭ ގެލެކްސީ އަށް ބަދަލުވީ 2015 ވަނަ އަހަރު އެވެ. ޖެރާޑް ވަނީ ލިވަޕޫލަށް 710 މެޗު ކުޅެދީފަ އެވެ. އަދި އޭނާ އަކީ އެ ކްލަބްގެ ތާރީހުގައި އެންމެ ގިނަ ދުވަހު ކެޕްޓަންކަން ކުރި ކުޅުންތެރިޔާ އެވެ.

ލިވަޕޫލާ އެކު ޖެރާޑަށް ނުލިބޭ ހަމައެކަނި ކާމިޔާބީ އަކީ އިނގިރޭސި ޕްރިމިއާ ލީގެވެ. އޭނާ ވަނީ ލިވަޕޫލާ އެކު 2005 ވަނަ އަހަރުގެ ޗެމްޕިއަންސް ލީގާއި، އެފްއޭ ކަޕް ދެ ފަހަރު، ލީގު ކަޕް ތިން ފަހަރު އަދި ޔޫއޭފާ ކަޕް އަދި ޔޫއޭފާ ސުޕަ ކަޕް އެއް ފަހަރު ކާމިޔާބު ކޮށްފަ އެވެ.

Advertisement

ޖެރާޑް ލިވަޕޫލް ދޫކޮށް، އެމެރިކާގެ ކްލަބް، ލޮސް އެންޖެލްސް ގެލެކްސީ އަށް 2015 ވަނަ އަހަރުގެ ޖުލައި މަހު އެވެ. އޭރު ލިވަޕޫލްގެ ކޯޗަކަށް ހުރި ބްރެންޑަން ރޮޖާސް ވަކިކޮށް، ކްލޮޕް އެ ޓީމުގެ ކޯޗަކަށް ހަމަޖެއްސީ 2015 ވަނަ އަހަރުގެ އޮކްޓޫބަރު މަހު އެވެ. ޖެރާޑް ލިވަޕޫލް ދޫކޮށްލުމާއި ކްލޮޕް ލިވަޕޫލާ ގުޅުމާ ދެމެދުގައިވީ ދެތިން މަހެވެ. 

"އަހަރެން ވަރަށް ގިނަ ގުރުބާނީތައް ވާން ޖެހުނަސް ތައްޔާރަށް ހުންނާނީ، ވަރަށް ކުރަން ބޭނުންވި އަދި އެދުނު ކަމެއް އެއީ ލިވަޕޫލަށް ކްލޮޕްގެ ކޯޗުކަމުގައި ކުުޅުމަކީ،" ޖެރާޑް ބުންޏެވެ. 

ކްލޮޕް ލިވަޕޫލްގެ ކޯޗަކަށް ހުއްޓައި، ޖެރާޑް ވަނީ ލިވަޕޫލްގެ ޔޫތު ޓީމުން ކޯޗިން ކެރިއަރު ފަށައި ފަހުން، ސްކޮޓްލެންޑްގެ ރޭންޖާސް، އިންގްލެންޑްގެ އެސްޓަން ވިލާ އަދި ސައުދީ އަރަބިއްޔާގެ އަލް އިއްތިފާގަށް ކޯޗުކޮށްދީފަ އެވެ. ޖެރާޑް ބުނީ، ލިވަޕޫލް ދޫކޮށްލަން ނިންމީ، އެ ކްލަބުން ހުށަހެޅި އާ ކޮންޓްރެކްޓްގައި އެ ފަހަރު އޮތީ މާ ބޮޑަށް ކުޅުމުގެ ފުރުސަތު ލިބޭ ގޮތަށް ނުވާތީ ކަމަށެވެ. އެކަމަކު، އެ ވަގުތު އެ ވަރުގެ ފުރުސަތެއް ކްލޮޕް ކޯޗަކަށް ހުއްޓައި ލިބުނު ނަމަ އޭގެ ބޭނުން ވެސް ހިފާނެ ކަމަށް ޖެރާޑް ވަނީ ބުނެފަ އެވެ. 

ލިވަޕޫލް 30 އަހަރުގެ ތެރޭގައި ފުރަތަމަ ފަހަރަށް ޕްރިމިއާ ލީގުގެ ޗެމްޕިއަންކަން 2020 ވަނަ އަހަރު ހޯދީ ކްލޮޕްގެ އިރުޝާދުގެ ދަށުންނެވެ. ކްލޮޕް ވަނީ، 2019 ވަނަ އަހަރު، ލިވަޕޫލާ އެކު ޗެމްޕިއަންސް ލީގު ވެސް ކާމިޔާބުކޮށްފަ އެވެ. ކްލޮޕް، ލިވަޕޫލް ދޫކޮށްލީ، މީގެ ދެ އަހަރު ކުރިން، 2024 ވަނަ އަހަރު، އެ ކްލަބްގައި ނުވަ އަހަރު ހޭދަކޮށްފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox