ލިވަޕޫލް (ސެޕްޓެމްބަރު 11) - ލިވަޕޫލްގެ ގޯލްކީޕަރު، އެލިސަން ބެކާ، 10،000 ޑޮލަރުން ޖޫރިމަނާކުރަން އިނގިރޭސި އެފްއޭ އިން ނިންމައިފި އެވެ.
އެލިސަން އަށް އަދަބުދޭން ނިންމީ، މިދިޔަ މަހުގެ 29 ވަނަ ދުވަހު، އިނގިރޭސި ޕްރިމިއާ ލީގުގައި ލިވަޕޫލުން އަމިއްލަ ދަނޑުގަައި 2-2 އިން ނޮޓިންހަމް ފޮރެސްޓާ ކުޅުނު މެޗުގައި ހިނގައިދިޔަ ކަމަކުންނެވެ. އެ ގޮތުން، އެ މެޗުގައި ނޮޓިންހަމް ފޮރެސްޓުން ލީޑުނެގި ގޯލަކީ، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި، އެލިސަން ކުރި ފައުލަކަށް ދިން ޕެނަލްޓީ އެެކެވެ.
ލިވަޕޫލުން ތިން ބަދަލެއް ގެންނަން މަސައްކަތްކުރަމުން ދިޔަ ދަނޑިވަޅެއްގައި ހަތަރު ވަނަ އޮފިޝަލަށް ކުޅުންތެރިން ބަދަލުކުރަން ބޭނުންކުރާ ބޯޑު (ޗޭންޖިން ބޯޑް) ސެޓު ނުކުރެވި ވަގުތުތަކެއް ގެއްލިދިޔައިރު، ފޮރެސްޓުން ވަނީ އެ ވަގުތުގެ ތެރޭގައި ޕެނަލްޓީ އަކުން ލަނޑު ޖަހައި ދެ ވަނަ ފަހަރަށް ލީޑުނަގައިފަ އެވެ. މިއީ، ލިވަޕޫލްގެ އޭރިއާތެރެއިން އެ ޓީމުގެ ކީޕަރު އެލިސަން ބޯޅަ ހޯދަން އުޅުމުގެ ތެރޭގައި ފޮރެސްޓުގެ ވިލިއަމްސް އަށް ކުރި ފައުލަކަށް ދިން ޕެނަލްޓީ އެކެވެ. އެ ޕެނަލްޓީ ވައްދާލީ ގިބްސް-ވައިޓް އެވެ.
މެޗަށް ފަހު، އެލިސަން ދަނޑުން ފައިބައިގެން، ޓަނަލް އަށް ވަންނަން އައި ވަގުތުގައި، ޗޭންޖިން ބޯޑު އެ ތަނުގައި އޮއްވައި އެލިސަން ވަނީ ފައިން ޖަހައި ބޯޑު ހަލާކުކޮށްލައިފަ އެވެ. އެ މައްސަލަ ބެލުމަށް ފަހު، އެލިސަން އަށް 10،000 ޑޮލަރުގެ ޖޫރިމަނާއެއް ދޭން ވަނީ ނިންމައިފަ އެވެ.
ވިލިއަމްސް އަށް ކުރި ފައުލަށް ޕެނަލްޓީ އެއް ދޭން ނިންމި ނިންމުން ގޯސްކަމަށް ގިނަ އޮފިޝަލުން ވަނީ ބުނެފަ އެވެ.
