އޭޝިއަން ގޭމްސްގައި ރާއްޖޭގެ އީޝާ އާއި މާއިދު ގައުމީ ރެކޯޑު އާކޮށްފި

Sep 21, 2026, 3:23 PM
ޖަޕާނުގައި މިހާރު ކުރިއަށްދާ އޭޝިއަން ގޭމްސްގެ ޝޫޓިން އިވެންޓުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ މީޑިއާ ޓީމު

ޖަޕާނުގައި މިހާރު ކުރިއަށްދާ އޭޝިއަން ގޭމްސްގެ ޝޫޓިން އިވެންޓުގެ ތެރެއިން.--- ފޮޓޯ: މޯލްޑިވްސް އޮލިމްޕިކް ކޮމިޓީ މީޑިއާ ޓީމު

ޖަޕާންގެ އައިޗީ-ނަގޯޔާގައި މިހާރު ކުރިއަށްދާ އޭޝިއަން ގޭމްސްގައި ރާއްޖޭގެ ޝޫޓިން ގައުމީ ޓީމުގައި ހިމެނޭ އައިޝަތު އީޝާ ޝަހީދު ގައުމީ ރެކޯޑެއް އާ ކޮށްފިއެވެ.

އެ ގޮތުން، އީޝާ މި ގައުމީ ރެކޯޑް އާކޮށްފައި ވަނީ އޭޝިއަން ގޭމްސްގައި ކުރިއަށްދިޔަ އަންހެނުންގެ 10 މީޓަރު އެއާ ރައިފަލް އިވެންޓްގައި 624.1 ޕޮއިންޓް ހޯދައިގެންނެވެ. އެންމެ ފަހުން ވެސް މި ރެކޯޑް އޮތީ އީޝާ އަތުގަ އެވެ. އެ ގޮތުން، އޭނާ މި ރެކޯޑް ހަދާފައިވަނީ 2025 ވަނަ އަހަރު ނޭޝަނަލް ޝޫޓިން ސްޕޯޓްސް ޗެމްޕިއަންޝިޕްގައި ވާދަކޮށެވެ. އެ ފަހަރުގެ އިވެންޓުގައި އީޝާ ވަނީ، 609.6 ޕޮއިންޓު ހޯދައިފަ އެވެ.

ނަގޯޔާގެ ޖެނެރަލް ޝޫޓިން ގެލަރީގައި އޭޝިއަން ގޭމްސްގެ ޝޫޓިން އިވެންޓްތައް ކުރިއަށްދާއިރު، ދިވެހި އިތުރު ދެ ޝޫޓަރުން ވެސް ވަނީ މި ކެޓަގަރީގައި ވާދަކޮށްފައެވެ. އެ ގޮތުން، ރާއްޖޭގެ އައިޝަތު އީން އަސްލަމް ވަނީ  އިވެންޓްގައި 609.9 ޕޮއިންޓް ހޯދައިފަ އެވެ.

ދެން، މިކެޓަގަރީގައި ވާދަކުރި ރާއްޖޭގެ އައިނާ ޝޮއުއާ އަޚްތަރު އިބްރާހީމް ވަނީ 599.5 ޕޮއިންޓް ހޯދައިފަ އެވެ. .

ރާއްޖޭގެ ފިރިހެން ޝޫޓިން ޓީމުގެ އަޙްމަދު މާއިދު މުޙައްމަދު އާ ކުރި 10 މީޓަރު އެއާ ރައިފަލް އިވެންޓްގެ ގައުމީ ރެކޯޑެވެ.

އެ ގޮތުން އެ އިވެންޓްގައި މާއިދު ރެކޯޑް އާ ކުރީ 614.5 ޕޮއިންޓް ހޯދައިގެންނެވެ. މީގެ ކުރިން, މި ރެކޯޑު އޮތީ ގައުމީ ޝޫޓިން ޓީމުގެ އިބްރާހީމް ޝިފާންގެ އަތުގަ އެވެ. އޭނާ މި ރެކޯޑް ހެދީ ތައިލެންޑްގެ ބެންކޮކްގައި ބޭއްވި އޭޝިއަން ކަޕް 2025، ޝޫޓިން މުބާރާތުގައި 605.5 ޕޮއިންޓް ހޯދައިގެންނެވެ.

މާއިދު އެ ރެކޯޑް ހެދުމުގެ ކުރިން, ރާއްޖޭގެ ގައުމީ ޓީމުގައި ހިމެނިގެން މި ފަހަރުގެ އޭޝިއަން ގޭމްސްގައި އުމަރު މުޙައްމަދު ނަޝީދު ވެސް އެ ރެކޯޑް އާ ކުރި އެވެ.  އޭނާ ވަނީ މި އިވެންޓުގައި 610.2 ޕޮއިންޓް ހޯދައިފަ އެވެ. މީގެ އިތުރުން އިބްރާހީމް ޝިފާން ވެސް ވަނީ އެ އިވެންޓްގައި ވާދަކޮށް 597.3 ޕޮއިންޓް ހޯދައިފަ އެވެ. 

އޭޝިއަން ގޭމްސްގައި، ޝޫޓިންގެ އިތުރުން ދެން ރާއްޖޭން ވާދަކުރަނީ، އެތުލެޓިކްސް، ބީޗްވޮލީބޯޅަ، ޓޭބަލް ޓެނިސް (ޓީޓީ)، ސްވިމިން، ބެޑްމިންޓަން އަދި ސާފިން އެވެ. ރާއްޖޭގެ ޓީޓީ ޓީމާއި ބީޗް ވޮލީބޯޅަ ޓީމުން ފުރަތަަމަ ކުޅުނު މެޗުތަކުން ބަލިވެފައިވާއިރު، ގައުމީ ފެތުންތެރިން ވަނީ ސްވިމިން އިވެންޓްތަކުގައި ވާދަކޮށްފަ އެވެ. 

ރާއްޖޭގެ އެތުލެޓިކްސް ޓީމު އިއްޔެގެ ވަގުތެއްގައި ޖަޕާނަށް ދިޔައިރު، ރާއްޖޭގެ ބެޑްމިންޓަން ޓީމު މިއަދު ޖަޕާނަށް ދާނެ އެވެ. 

އޭޝިއަން ގޭމްސްގައި ހަރަކާތްތެރިވާ ރާއްޖޭގެ ކޮންޓިންޖެންޓްގެ ޖުމްލަ އަދަދަކީ، 81 އެވެ. އެއީ، ކުޅިވަރުތަކުގެ ކުޅުންތެރިންނާއި އޮފިޝަލުން އަދި ސްޕޯޓްސް މިނިސްޓަރުގެ ޑެލިގޭޝަން ވެސް ހިމަނައިގެންނެވެ.

އޭޝިއަން ގޭމްސް އަށް ރާއްޖޭގެ ކޮންޓިންޖެންޓްގެ ޗެފް ޑި މިޝަން އަކީ، މޯލްޑިވްސް ޕޫލް ބިލިއާޑް އެސޯސިއޭޝަންގެ ރައީސް، އަހުމަދު ނާސިފް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox