އެމެރިކަން ފުޓްބޯޅަ ލެޖެންޑް ޓޮމް ބްރެޑީ ޗެލްސީގެ ހިއްސާއެއް ގަންނަނީ

Nov 21, 2026, 11:01 AM
އެމެރިކަން ފުޓްބޯޅަ ލެޖެންޑް ބްރެޑީ: އޭނާ އަންނަނީ ޗެލްސީގެ ހިއްސާއެއް ގަންނަން މަޝްވަރާކުރަމުން.

އެމެރިކަން ފުޓްބޯޅަ ލެޖެންޑް ބްރެޑީ: އޭނާ އަންނަނީ ޗެލްސީގެ ހިއްސާއެއް ގަންނަން މަޝްވަރާކުރަމުން.

ނިއު ޔޯކް، ޔުނައިޓެޑް ސްޓޭޓްސް (ނޮވެމްބަރު 21) - ޗެލްސީ ހިންގަމުން އަންނަ ކްލިއަލޭކް ކެޕިޓަލް މެދުވެރިކޮށް، އެމެރިކަން ފުޓްބޯޅަ ލެޖެންޑް، ޓޮމް ބްރެޑީ، ޗެލްސީގެ މައިނޯރިޓީ ހިއްސާއެއް ގަންނަން މަސައްކަތް ކުރަމުން އަންނަ ކަމަށް ބުނެފި އެވެ. 

ހަތް ފަހަރު ސުޕަ ބޯލް ޗެމްޕިއަންޝިޕް ކާމިޔާބުކުރި ޓޮމް ބްރެޑީ ދާދި ފަހުން ވަނީ އިނގިރޭސި ދެ ވަނަ ޑިވިޝަނުގެ ކްލަބް، ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލައިފަ އެވެ. އޭނާ އައީ 2023 ވަނަ އަހަރުން ފެށިގެން ބާމިންހަމް ސިޓީގެ ހިއްސާދާރެއްގެ ގޮތުގައި މަސައްކަތް ކުރަމުންނެވެ. 

އެމެރިކާގެ މަހުޖަނު ޓޮޑް ބޯލީ އިސްވެ، އުފައްދާފައިވާ ކޮންސޯޓިއަމް ގްރޫޕް، ބްލޫކޯ އިން 2022 ވަނަ އަހަރު، ޗެލްސީ ގަތީ 5.2 ބިލިއަން ޑޮލަރަށެވެ. ބޯލީ އަކީ މައިނޯރިޓީ ހިއްސާދާރެއްގެ ގޮތުގައި މި ގްރޫޕްގައި ހަރަކާތްތެރިވި ފަރާތެއް ނަމަވެސް، އެ ކްލަބުން އިސް މަގާމަށް ހަމަޖައްސަން ނިންމީ ބޯލީ އެވެ. އެއީ، ކުޅިވަރު ކްލަބްތައް ހިންގުމުގައި އޭނާގެ ތަޖުރިބާ އަށް ބަަލައިފަ އެވެ.

Advertisement

ރަޝިއާގެ މަހުޖަނު، ރޯމަން އަބްރަމޮވިޗް އަތުން ޗެލްސީ ގަންނަން ކޮންސޯޓިއަމް ގްރޫޕުން ހެދި ޑީލަށް ބަލާއިރު، ކްލިއާލޭކް ކެޕިޓަލް އިން ޗެލްސީގެ 61.5 ޕަސެންޓް ހިއްސާ ގަތެވެ. ބާކީ 38.5 ޕަސެންޓް ހިއްސާ އަކީ ބޯލީ އާއި ހަންސްޖޯގް ވައިސް އަދި މާކް ވޯލްޓާ އަށް އެއްވަރަށް ބަހާލައިފައިވާ ހިއްސާތަކެކެވެ.

ކްލިއަލޭކް ކެޕިޓަލްގެ ކޯ ފައުންޑަރު، ބެހެދާދު އެގްބާލީއާ އެކު ހާއްސަ ގުޅުމެއް އޮންނަ ޓޮމް ބްރެޑީ، ޗެލްސީ އަށް އިންވެސްޓް ކުރާނެ ގޮތެއް ކުރިއަށް އޮތް ދެ މަހެއްގެ ތެރޭގައި ފައިނަލް ވެގެންދާނެ ކަމަށް ރިޕޯޓްތައް ބުނެ އެވެ. އެ ރިޕޯޓްގައިވާ ގޮތުން، ޓޮމް ބްރެޑީ އަށް ލިބޭނީ ވޯޓު ލުމުގެ ހައްގު ނުލިބޭ ހިއްސާދާރެއްގެ ރޯލެވެ. އެކަމަކު، ވަކި މުއްދަތެއް ބެލުމަށް ފަހު، ބޯޑަށް އޭނާ ގެނައުމަކީ އެގްބާލީގެ އަމާޒެއް ކަމަށް އިނގިރޭސި ބައެއް ނޫސްތަކުން ވަނީ ރިޕޯޓްކޮށްފަ އެވެ. 

އެެމެރިކަން ފުޓްބޯޅައިން 2023 ވަނަ އަަހަަރު ރިޓަޔާކުރި ޓޮމް ބްރެޑީ އަންނަނީ ބޯލީ އަދާކުރި މަގާމަަަށް ކަމަށް ދެކެވޭ ވާހަކަ ވަނީ ދޮގުކޮށްފަ އެވެ. 

މައްސަލަތަކެއް ޖެހިގެން، ބޯލީ، އޭނާގެ ހިއްސާގެ ބައެއް، ކްލަބްގެ މެޖޯރިޓީ ހިއްސާދާރުން ކަމަށްވާ ކްލިއަލޭކް ކެޕިޓަލް އަށް ވިއްކާލަން ނިންމާފައިވާ ކަމަށް ރިޕޯޓްތައް ބުނެ އެވެ. އެކަމަކު، ބޯލީގެ މި ނިންމުމާ ޓޮމް ބްރެޑީއާ ގުޅޭ އެއްވެސް ކަމެއް ނެތް ކަމަށް ޗެލްސީގެ ހަބަރުތައް ގެނެސްދޭ މަސްދަރުތަކުން ކަށަވަރުކޮށްދެ އެވެ. 

އެމެރިކާގެ ކުޅިވަރު ތަރިންނަށް ބަލާއިރު، ގިނަ ކުޅުންތެރިން އަންނަނީ ފުޓްބޯޅަ ކްލަބްގެ ހިއްސާ ގަނެގެން މަސައްކަތްތަކެއް އެކި ސިފަސިފައިގައި ކުރަމުންނެވެ. އެ ގޮތުން، ބާސްކެޓްބޯޅަ ލެޖެންޑް، ލެބްރަން ޖޭމްސް އަންނަނީ ލިވަޕޫލްގެ މައިނޯރިޓީ ހިއްސާދާރެއްގެ ގޮތުގައި ހަރަކާތްތެރިވަމުންނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox