އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރުމުގެ ފޯކަސްއެއް

Nov 21, 2026, 7:21 PM
އޮޑި ސްޕޯޓްސް ކްލަބްގެ ކޯޗު ލޫޝިއާނޯ ތެއިލާ (ލޫޗޯ)، ނޫސްވެރިންގެ ބަައްދަލުވުމުގެ ތެރެއިން ވާހަކަ ދައްކަނީ.

އޮޑި ސްޕޯޓްސް ކްލަބްގެ ކޯޗު ލޫޝިއާނޯ ތެއިލާ (ލޫޗޯ)، ނޫސްވެރިންގެ ބަައްދަލުވުމުގެ ތެރެއިން ވާހަކަ ދައްކަނީ.

އޮޑި ސްޕޯޓްސް ކްލަބުން ދިވެހި ޕްރިމިއާ ލީގުގެ ކޮންމެ މެޗަކަށް ނުކުތް ކަމުގައި ވިޔަސް ޓީމު ވަަރުގަދަކޮށްގެން ރަނގަޅު ކުޅުމަކާ އެކު ނަތީޖާ ނެރެން ފޯކަސް ކުރާ ކަމަށް އެ ޓީމުގެ ކޯޗު، ލޫޝިއާނޯ ތެއިލާ (ލޫޗޯ) ބުނެފި އެވެ. 

މި ސީޒަނުގައި އޮޑިން ގެނައި ފުރަތަމަ ކޯޗު، ޕޯޗުގަލްގެ ރުއީ ގްރެގޯރިއޯ ދޫކޮށްލައި، އެ ޓީމުން ދެން ގެނައި، ލޫޗޯގެ ކޯޗުކަމުގައި އަންނަނީ ރަނގަޅު މަސައްކަތްތަކެއް ކުރަމުންނެވެ. 

ރާއްޖޭގެ ފުރަަތަމަ ޑިވިޝަނުގައި މިދިޔަ އަހަރު މުޅިން އަލަށް  ވާދަކޮށް ފުރަތަމަ ސީޒަނުގައި ރަނގަޅު ނަތީޖާތަކެއް ނެރުނު އޮޑިން މިދިޔަ ސީޒަނުގެ ލީގު ނިންމާލީ ދެ ވަނައިގަ އެވެ. މިދިޔަ ސީޒަނުގެ ލެވަލަށް ދާން މަސައްކަތް ކުރަމުން އަންނަ އޮޑިން، ލީގުގެ މިިދިޔަ 30 ދުވަހުގެ ބްރޭކުގެ ތެރޭގައި ރަނގަޅު މަސައްކަތްތަކެއް ކޮށް ޓީމުގެ ފިޓްނަސް ރަނގަޅު ކުރި ކަމަށް ލޫޗޯ ވަނީ ބުނެފަ އެވެ. 

Advertisement

"ތަފާތު ވިސްނުންތަކަށް އަހަރެމެން މި ބްރޭކުގައި މަސައްކަތް ކުރިން، އަހަރެމެންނަށް ވަރަށް ގިނަ ވަގުތު ލިބުުނު ތައްޔާރީތައް ރަނގަޅަށް ކުރިއަށް ގެންދަން. އަހަރެން އިތުބާރުކުރަން އަހަރެންގެ ކުޅުންތެރިންނަށް. އަހަންނަށް ފެނޭ ކޮންމެ ދުވަހަކު ޓްރެއިނިނިންގައި އެ މީހުން ވަރަށް ބުރަކޮށް މަސައްކަތްކުރިތަން،" ކުޅުންތެރިންނާ މެދު އޮތް އިތުބާރު ފާހަގަކުރަމުން ލޫޗޯ ބުންޏެވެ. 

ލީގުގެ ބްރޭކަށް ފަހު، އޮޑިން ކުޅޭ ފުރަތަމަ މެޗުގައި މާދަމާ ހަވީރު ކުޅޭނީ ޓީސީ ސްޕޯޓްސް ކްލަބާ އެވެ. 

ކުރިން ރާއްޖޭގެ ވިކްޓަރީ އަށް ކުޅެފައިވާ ލޫޗޯ ބުނީ، އިދިކޮޅަށް ނުކުންނަ ޓީމަށް އޮޑިން އަބަދުވެސް އިހުތިރާމް ކުރާނެ ކަމަށެވެ. އަދި، އެ ގޮތަށް އެކަން ދިޔަ ނަމަވެސް މެޗުގައި ކުރަން ޖެހޭ ކަންކަމަށް ސަމާލުވެގެން ކުރަން ޖެހޭނެ ކަމަށް ލޫޗޯ ފާހަގަކުރި އެވެ. 

"އަހަރެމެން އެބަޖެހޭ މެޗުގެ ކޮންޓްރޯލް އޮވެގެން ކުޅެން. ލަނޑު ޖަހާނެ ގިނަ ފުރުސަތުތަކެއް ހޯދަން ވެސް އެބަޖެހޭ. އަހަރެމެން ޖެހޭނެ ވިސްނުންތެރިކަމާ އެކު އަތުގައި ބޯޅަ އޮންނަ ވަގުތުގައި ކުޅެން،" ލޫޗޯ ބުންޏެވެ. 

"ޓީސީ އަކީ ރަނގަޅު ޓީމެއް، ރަަނގަޅު ކުޅުންތެރިން ވެސް ތިބި ޓީމެއް. އަވަހަށް އެޓޭކުގައި ކުޅޭ ޓީމެއް، އެ ޓީމު ކައިރީގައި ރަނގަޅަށް ކުޅެގެން ނަތީޖާ ނެރެވޭނީ، ކޮންމެ މެޗަކީ ވެސް އަހަރެމެންނަށް ޗެލެންޖެއް. އަހަރެމެން ޖެހޭނެ އިމްޕްރޫވްކުރަން މަސައްކަތްކުރަން. އަހަރެމެން ޖެހޭނެ އިތުބާރު ކުރަން ކުޅެން މި އުޅޭ ސްޓައިލަށް. ދެން، މެޗުން މޮޅުވާން ހުރިހާ ކަމެއް ކުރަން،"

ހަ މެޗުން އަށް ޕޮއިންޓާ އެކު އޮޑިން ލީގުގެ ހަ ވަނައިއިގަައި އޮތްއިރު، ޓީސީ ހަތް ވަނައިގައި އޮތީ ހަ މެޗުން ހަ ޕޮއިންޓް ހޯދައިގެންނެވެ. ލީގުގެ ފުރަތަމަ ބުރުގައި މި ދެ ޓީމަށް ވެސް ބާކީ ތިން މެޗު އޮތްއިރު، ލޫޗޯ ބުނީ އޭނާ ވިސްނަނީ މެޗަކަށް ފަހު މެޗެއްގެ ކަންކަމަށެެވެ. 

"މި ވަގުތު ވިސްނުން ބަހައްޓަނީ ކުރިއަށް އޮތް މެޗަށް. ރަނގަޅަށް ކުޅެން މަސައްކަތްކުރަން، ރަނގަޅު ޕާފޯމަންސް އެއް ދައްކަން. ދެން، ޕޮޒިޓިވް ނަތީޖާއެއް ނެރެން. އަހަރެންގެ މަސައްކަތް ވެސް އޮތީ ޓީމު ވަރުގަދަކޮށް ކުރިއަށްގެންދަން. ކޮންމެ ހަފްތާ އަކު ލީގުގެ މަގާމުތައް ބަދަލުވާނެ. އަހަރެމެން ވިސްނަންވީ ކުރިމަަތީގައި އޮތް މެޗުން މޮޅުވަން،" ލޫޗޯ ބުންޏެވެ. 

ޓީސީ އާއި އޮޑި ބައްދަލުކުރާ މެޗު ފަށާނީ މާދަމާ ހަވީރު 16:00 ގަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox