ރަތް ކާޑު ދައްކަން ޖެހޭކަން ސާބިތުކޮށްދޭން މޮރީނިއޯ އައީ ފައުލުތަކުގެ ފޮޓޯއެއް ޕްރިންޓް ކޮށްގެން

Sep 21, 2026, 10:03 AM
މޮރީނިއޯ، ނޫސްވެރިންގެ ބައްދަލުވުމުގައި ފައުލުވި މަންޒަރު ދައްކައިދޭ ފޮޓޯތައް ދައްކާލަނީ

މޮރީނިއޯ، ނޫސްވެރިންގެ ބައްދަލުވުމުގައި ފައުލުވި މަންޒަރު ދައްކައިދޭ ފޮޓޯތައް ދައްކާލަނީ

މެޑްރިޑް (ސެޕްޓެމްބަރު 21) - ސްޕެނިޝް ލީގުގައި ރޭ އެތުލެޓިކޯ މެޑްރިޑުން ރެއާލް މެޑްރިޑް ބަލިކުރި މެޗުގައި އެތުލެޓިކޯގެ ދެ ކުޅުންތެރިއަކަށް ރަތް ކާޑު ދައްކަން ޖެހޭ ކަމަށް ބުނެ، ރެއާލްގެ ކޯޗު ހޯސޭ މޮރީނިއޯ، އެ ދެ ފައުލު ހިނގި ފޮޓޯ ޕްރިންޓްކޮށް ނޫސްވެރިންނަށް ދައްކާލައިފި އެވެ. 

ރޭގެ މެޗުގައި ރެއާލްގެ ޑީން ހައުސަން އަށް ރަތެއް ދެއްކިއިރު، އެތުލެޓިކޯ އިން އޭގެ ފަހުން ދެ ލަނޑު ޖަހައި، 2-1 އިން މެޗު ކާމިޔާބުކުރި އެވެ. އެ މެޗުގެ ފުރަތަމަ ހާފުގައި، އެތުލެޓިކޯގެ ކުޓީ ރޮމޭރޯ، ރެއާލްގެ ޖޫޑް ބެލިންހަމް އަަށް ކުރި ފައުލަކާއި ރެއާލްގެ ފެޑެރީކޯ ވަލްވޭޑޭ އަތުން ބޯޅަ ހޯދަން އެތުލެޓިކޯގެ ލީ ކަންގް އިން ކުރި ޓެކަލް އަށް ރަތެއް ދައްކަން ޖެހޭ ކަމަށް ރެއާލުން ވަނީ އެޕީލްކޮށްފަ އެވެ. އެކަމަކު، މެޗުގެ ރެފްރީ، އޯޓީޒް އަރިއާސް ވަނީ ރަތެއް ދައްކަން ނުޖެހޭ ކަމަށް ކަނޑައަޅައިފަ އެވެ. 

އެތުލެޓިކޯ އިން ރެއާލް މެޑްރިޑް ބަލިކޮށްލައިފި

ސްޕެނިޝް ލީގުގައި ރެއާލް މެޑްރިޑް އަތުން 2-1 އިން މޮޅުވެ، އެތުލެޓިކޯ މެޑްރިޑުން ތާވަލުގެ ތިންވަނައަށް ޖެހިލައިފި. މި ނަތީޖާއާއެކު ރެއާލް ވަނީ އެއްވަނައިގައި އޮތް ބާސެލޯނާއަށް ވުރެ ހަ ޕޮއިންޓް ފަހަތަށް ގޮސް، ތާވަލުގެ ހަތަރުވަނައަށް ވެއްޓިފައި

މެޗަށް ފަހު އޮތް ނޫސްވެރިންގެ ބައްދަލުވުމަށް އައިއިރު، މޮރީނިއޯ އަތުގައި އެ ދެ ފައުލުގެ ފޮޓޯ އޭ4 ގަނޑަަަކަށް ޕްރިންޓްކޮށްފައި އޮތެވެ. އަދި، އެ ގަނޑު ދައްކާލުމަށް ފަހު، ރެފްރީ އަށް ފާޑުކިޔަމުން މޮރީނިއޯ ވަނީ މިއީ ދެ ރަތް ކާޑު ކަމަށް ބުނެފަ އެވެ. 

Advertisement

ރެއާލުން ވެސް ރެފްރީ އޯޓީޒް އަށް ފާޑުކިޔައި ބަޔާނެއް ނެރުނުއިރު، މޮރީނިއޯ ވެސް ވަނީ މެޗުގެ އޮއެވަރާއި ހާލަތު ނޭނގޭ އޯޓީޒް ކަހަލަ ރެފްރީ އަކު މި މެޗުގައި ބޭނުންކުރަން ނިންމުމަކީ، ލަލީގާގެ ރެފްރީ ކޮމިޓީގެ ގޯސް ނިންމުމެއް ކަމަށް ބުނެފަ އެވެ. އަދި، 12 އަހަރު ފަހުން ސްޕެނިޝް ލީގަށް އެނބުރި އައިއިރު އުންމީދުކުރީ ހާލަތު ބަދަލުވެފައި އޮންނާނެ ކަމަށް ކަމަށާއި އެކަމަކު، އަދިވެސް ފެންނަނީ ކުރިން ގޮތަށް ވަކި ކަންތައްތަކެއް ބަޔަކު ބޭނުންވާ މިސްރާބަކުން ދާ ތަން ކަމަށެވެ. 

 މޮރީނިއޯގެ ކޯޗުކަމުގައި ކުޅޭ ރެއާލުން މި ފަހަރުގެ ލީގުގައި މި ވަނީ ދެ ވަނަ މެޗުން ބަލިވެފަ އެވެ. މީގެ ކުރިން، ރެއާލް ވަނީ ރެއާލް ބެޓިސް އަތުން ބަލިވެފަ އެވެ. މިއާ އެކު، ރެއާލް މި ވަނީ ލީގުގެ ރޭހުގައި އެއް ވަނައިގައި އޮތް ބާސެލޯނާ އަށް ވުރެން ހަ ޕޮއިންޓް ފަހަތަށް ގޮސްފަ އެވެ. ބާސެލޯނާ އިން ކުޅުނު ހަތް މެޗުން މޮޅުވެ، 21 ޕޮއިންޓާ އެކު އެއް ވަނައިގައި އޮތްއިރު، ދެ ވަނައިގައި އޮތް ބެޓިސް އަށް ވަނީ ހަތް މެޗުން 18 ޕޮއިންޓް ލިބިފަ އެވެ.  އެތުލެޓިކޯ އިން ތިން ވަނައިގައި އޮތީ ހަތް މެޗުން 16 ޕޮއިންޓާ އެކު އެވެ. ރެއާލް ހަތަރެއްގައި އޮތްއިރު، އެ ޓީމަށް ހަތް މެޗުން ލިބިފައިވަނީ 15 ޕޮއިންޓެވެ.

މޮރީނިއޯ ބުނީ، އެއް ވަަނައިގައި އޮތް ބާސެލޯނާ އަށް ވުރެން ހަ ޕޮއިންޓް ފަހަތުގައި އޮތުމަކީ މި ވަގުތު ބަލަން ބޭނުންވާ ކަމެއް ނޫން ކަމަށެވެ. އަދި، މޮރީނިއޯ ވަނީ ބާސެލޯނާ މެޗުތަކާއި ރެއާލް މެޗުތަކުގައި މި ސީޒަނުގައި ރެފްރީންގެ އެކި ނިންމުންތައް ހުރީ ވަކި ގޮތްގޮތަށް ކަމަށް ބުނެ އެ ޝަކުވާ ވެސް ކޮށްފަ އެވެ. 

އެތުލެޓިކޯގެ ކޯޗު ޑިއޭގޯ ސިމިއޯނީ ވަނީ ކިތަންމެ މަޝްހޫރު ކޯޗެއް ކަމަށް ވިޔަސް ރެފްރީންނަށް އިހުތިރާމް ގެއްލޭ ގޮތަށް ފާޑުކިޔުން ބަލައި ނުގަނެވޭނެ ކަމަށް ބުނެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox