އިބްރަހިމޮވިޗްގެ 17 އަހަރުވީ ރެކޯޑަކާ އޮބާމަަޔަން ހަމަކޮށްފި

Sep 15, 2026, 8:13 AM
ޑިޕޯޓިވޯ އަށް ލަނޑު ޖަހައިދިނުމަށް ފަހު އޮބާމަޔަން އުފާފާޅުކުރަނީ.

ޑިޕޯޓިވޯ އަށް ލަނޑު ޖަހައިދިނުމަށް ފަހު އޮބާމަޔަން އުފާފާޅުކުރަނީ.

ވިޔަރެއާލް، ސްޕެއިން (ސެޕްޓެމްބަަރު 15) - މި ސީޒަނުގައި ސްޕެނިޝް ލީގަށް ޕްރޮމޯޓްވުމަށް ފަހު ތަފާތު ދައްކަމުން އަންނަ ޑިޕޯޓިވޯ ލަކަރޫނިއާ ޓީމަށް ކުޅޭ ތަޖުރިބާކާރު ފޯވާޑް، ޕިއޭ އެމެރިކް އޮބާމަޔަން 17 އަހަރުވީ ރެކޯޑަކާ ހަމަކޮށްފި އެވެ. 

އެ ގޮތުން، އުމުރުން 37 އަހަރުގެ އޮބާމަޔަން ވަނީ ޑިޕޯޓިވޯ އިން މި ފަހަރުގެ ލީގުގައި ކުޅުނު ފުރަތަމަ ފަސް މެޗުގައި ވެސް ލަނޑު ޖަހައިފަ އެވެ. ސްޕެނިޝް ލީގުގެ ތާރީހުގައި ވެސް މި ކަން ހާސިލްކުރެވުނީ 11 ކުޅުންތެރިއަކަށެވެ. އެންމެ ފަހުން، އެ ރެކޯޑާ ހަމަކުރި ކުޅުންތެރިއަކަށް އޮތީ 2009 ވަނަ އަހަރު ބާސެލޯނާ އަށް ކުޅުނު ސްވިޑެންގެ ލެޖެންޑަރީ ތަރި، ޒްލަޓަން އިބްރަހިމޮވިޗް އެވެ. އިބްރަހިމޮވިޗަށް ފަހު މިދިޔަ 17 އަހަރު އެ ރެކޯޑާ އެއްވެސް ކުޅުންތެރިއަކަށް ހަމަކުރެވިފައިނުވެ އެވެ. 

މި ސީޒަނުގައި، ޑިޕޯޓިވޯއާ ގުޅުމަށް ފަހު އޮބާމަޔަން ލަނޑު ޖަހާފައިވަނީ، އެލްވޭ، މަލާގާ، ވެލެންސިއާ، ވިޔަރެއާލް އަދި ގެޓަފޭ ކޮޅަށެވެ. ފަސް މެޗުގައި ގޯލު ޖެހުމުގެ އިތުރުން، އޮބާމަޔަން ވަނީ ދެ ގޯލު ޖަހަން ފުރުސަތު ވެސް ތަނަވަސްކޮށްދީފަ އެވެ. 

Advertisement

ޑިޕޯޓިވޯ އިން މި ސީޒަނުގައި ކުޅުނު ފަސް މެޗުން ވެސް ބަލިވެފައިނުވެ އެވެ. ތިން މެޗުން އެއްވަރުވިއިރު، ދެ މެޗުން މޮޅުވި އެވެ. 

ދާދި ފަހުން ގެބޮން ގައުމީ ޓީމުން ރިޓަޔަކުރި އޮބާމަޔަން ވަނީ ޔޫރަޕްގެ ވަރުގަދަ ގިނަ ލީގުތަކެއްގައި ގިނަ ކްލަބްތަކަކަށް ކުޅެފަ އެވެ.  އެ ލީގުތަކަށް ބަލާއިރު، ފްރެންޗް ލީގާއި އިޓާލިއަން ލީގާއި ޖަރުމަނު ލީގާއި އިނގިރޭސި ޕްރިމިއާ ލީގު އަދި ސްޕެނިޝް ލީގު ހިމެނެ އެެވެ. 

އޮބާމަޔަން ކުޅުނު ކްލަބްތަކަށް ބަލާއިރު، ބޮރޫޝިއާ ޑޯޓްމަންޑް، އާސެނަލް، ޗެލްސީ، ބާސެލޯނާ، އޭސީ މިލާން، މޮނާކޯ، ސެއިން އެޓިއެން، ލިލް، ޑިޖޯން، އަލް ގަދްސިއާ އަދި މާސޭ ހިމެނެ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox