އެތުލެޓިކޯ އިން ރެއާލް މެޑްރިޑް ބަލިކޮށްލައިފި

Sep 20, 2026, 10:52 PM
ސްޕެނިޝް ލީގުގައި މިރޭ އެތުލެޓިކޯ އާއި ރެއާލް ކުޅުނު މެޗުގެ ތެރެއިން.

ސްޕެނިޝް ލީގުގައި މިރޭ އެތުލެޓިކޯ އާއި ރެއާލް ކުޅުނު މެޗުގެ ތެރެއިން.

މެޑްރިޑް (ސެޕްޓެމްބަރު 20) - ސްޕެނިޝް ލީގުގައި މިރޭ އެތުލެޓިކޯ މެޑްރިޑުން 2-1 އިން ރެއާލް މެޑްރިޑް ބަލިކޮށްފި އެވެ. 

މިއީ، ހޯސޭ މޮރީނިއޯގެ ކޯޗުކަމުގައި ކުޅޭ ރެއާލުން މި ފަހަރުގެ ލީގުގައި ބަލިވި ދެ ވަނަ މެޗެވެ. މީގެ ކުރިން، ރެއާލް ވަނީ ރެއާލް ބެޓިސް އަތުން ބަލިވެފަ އެވެ. މިއާ އެކު، ރެއާލް މި ވަނީ ލީގުގެ ރޭހުގައި އެއް ވަނައިގައި އޮތް ބާސެލޯނާ އަށް ވުރެން ހަ ޕޮއިންޓް ފަހަތަށް ގޮސްފަ އެވެ. ބާސެލޯނާ އިން ކުޅުނު ހަތް މެޗުން މޮޅުވެ، 21 ޕޮއިންޓާ އެކު އެއް ވަނައިގައި އޮތްއިރު، ދެ ވަނައިގައި އޮތް ބެޓިސް އަށް ވަނީ ހަތް މެޗުން 18 ޕޮއިންޓް ލިބިފަ އެވެ. 

އެތުލެޓިކޯ އިން ތިން ވަނައިގައި އޮތީ ހަތް މެޗުން 16 ޕޮއިންޓާ އެކު އެވެ. ރެއާލް ހަތަރެއްގައި އޮތްއިރު، އެ ޓީމަށް ހަތް މެޗުން ލިބިފައިވަނީ 15 ޕޮއިންޓެވެ. 

ވަންޑާ މެޓްރޮޕޮލިޓާނޯ ސްޓޭޑިއަމްގައި ކުޅުނު މެޗުގައި އެތުލެޓިކޯ އިން ފުރަތަމަ ހާފުގައި އެޓޭކުތަކެއް ކުރި ނަމަވެސް ލަނޑު ޖެހޭގޮތެއްނުވި އެވެ. އެތުލެޓިކޯގެ ކުޅުންތެރިން ފޮނުވާލި ބޯޅަތައް ރެއާލްގެ ކީޕަރު ތިބޯ ކޯޓުއާ ވަނީ މަތަކޮށްފަ އެވެ. 

ސްޕެނިޝް ލީގުގައި މިރޭ އެތުލެޓިކޯ އާއި ރެއާލް ކުޅުނު މެޗުގެ ތެރެއިން.
ސްޕެނިޝް ލީގުގައި މިރޭ އެތުލެޓިކޯ އާއި ރެއާލް ކުޅުނު މެޗުގެ ތެރެއިން.

ދެ ވަނަ ހާފު ފަށައިގެން ހަތް މިނިޓް ތެރޭ އެތުލެޓިކޯ އަށް ވަނީ ޕެނަލްޓީއެއް ލިބިފަ އެވެ. އެ ގޮތުން، އެތުލެޓިކޯގެ ޖޫލިއާނޯ ސިމިއޯނީ އަށް ރެއާލްގެ ޑީން ހައުސަން ކުރި ފައުލަކަށް ވީޑިއޯ އެސިސްޓަންޓް ރެފްރީ (ވީއޭއާރް) ބަލައިފައި ޕެނަލްޓީ އެއް ދިނެވެ. އަދި، ހައުސަން އަށް ވަނީ ރަތެއް ދައްކައިފަ އެވެ. މެޗުގެ 53 ވަނަ މިނިޓްގައި، މި ޕެނަލްޓީ ކާމިޔާބުކޮށް އަލެކްސް ގްރިމާލްޑޯ ވަނީ އެތުލެޓިކޯ އަށް ލީޑުނަގައިދީފަ އެވެ. 

ރެއާލްގެ ކުޅުންތެރިއަކު މަދުވުމުގެ ފައިދާނަގައި، މާ ލަސްތަކެއް ނުވެ އެތުލެޓިކޯ އިން ދެ ވަނަ ލަނޑު ޖަހައި ލީޑުފުޅާކުރި އެެވެ. މިއީ، ސިމިއޯނީ ދިން ބޯޅައަކުން، ކެނަޑާގެ ފޯވާޑް، ޖޮނަތަން ޑޭވިޑް ޖެހި ގޯލެކެވެ. އޭނާ އަކީ މި ފަހަރު ޔުވެންޓަސް ދޫކޮށް އެތުލެޓިކޯ އަށް ބަދަލުވި ޑޭވިޑްގެ ފަރާތުން އެންމެ ރަނގަޅު ކުޅުން ފެނިގެންދިޔަ މެޗެވެ. 

ކުޅުންތެރިއަކު މަދުކޮށް ކުޅެ، ރެއާލުން ވަނީ އެއް ގޯލު ޖަހައިފަ އެވެ. މިއީ، މެޗުގެ 89 ވަނަ މިނިޓްގައި ރެއާލަށް ކުޅޭ ޖަރުމަނުގެ ޑިފެންޑަރު، އެންޓޯނިއޯ ރޫޑިގާ ޖެހި ގޯލެކެވެ. މިއީ، ބެނާޑޯ ސިލްވާގެ ހިލޭ ޖެހުމަކުން ތަނަވަސްވި ފުރުސަތެއްގައި ރުޑިގާ ބޮލުން ޖެހި ގޯލެކެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox