ސަރުކާރުގެ ސިޔާސަތުތަކުން ޓޫރިޒަމް ހީނަރުވާނެ، އެއާއެކު ވިޔަފާރިތައް ހުއްޓި އިގުތިސޯދީ ހަރަކާތްތައް މަޑުޖެހޭނެ: ފައްޔާޒު

ކުރީގެ އިކޮނޮމިކް މިނިސްޓަރު ފައްޔާޒު. މި ސަރުކާރުން ތަންފީޒުކުރަން ފަށާފައިވާ އިގުތިސޯދީ ސިޔާސަތުތަކަށް ވަރަށް ބޮޑަށް އޭނާ ފާޑުވިދާޅުވޭ --- ފޮޓޯ: އަބްދުالله އިޔާން

ކުރީގެ އިކޮނޮމިކް މިނިސްޓަރު ފައްޔާޒު. މި ސަރުކާރުން ތަންފީޒުކުރަން ފަށާފައިވާ އިގުތިސޯދީ ސިޔާސަތުތަކަށް ވަރަށް ބޮޑަށް އޭނާ ފާޑުވިދާޅުވޭ --- ފޮޓޯ: އަބްދުالله އިޔާން

ސަރުކާރުން މި ފަހުން ޓެކްސް ގާނޫނުތަކަށާއި ބޭރު ފައިސާ މާރުކުރުމުގެ ގާނޫނަށް ގެނައި ބަދަލުތަކުގެ ސަބަބުން  ޓޫރިޒަމަށް ވަރަށް ބޮޑު ހީނަރުކަމެއް އަންނާނެ ކަމަށާއި އެކަމުގެ ސަބަބުން ވިޔަފާރިތައް ހުއްޓި މުޅި ރާއްޖޭގެ އިގުތިސޯދު މަޑުޖެހުމުގެ ފުރުަސަތު އޮތް ކަމަށް މިދިޔަ ސަރުކާރުގެ އިކޮނޮމިކް މިނިސްޓަރު ފައްޔާޒު އިސްމާއީލް ވިދާޅުވެއްޖެ އެވެ.

އަންނަ މަހުން ފެށިގެން ޑޮލަރު މާރުކުރާ މިންވަރު 40 ޕަސެންޓަށް މަތިކުރުމާއި ޑެސްޓިނޭޝަން ޕްރިންސިޕަލްގެ ދަށުން ބޭރުގެ ޓުވާ އޮޕަރޭޓަރުންނާއި ޓްރެވަލް އެޖެންޓުންގެ ޓެކްސް ނަގަން ގެނައި ބަދަލުތަކާމެދު އެތައް ބަޔަކު އަންނަނީ ކަންބޮޑުވުން ފާޅުކުރަމުންނެވެ. އޭގެ ތެރޭގައި ރާއްޖޭގެ ޓޫރިޒަމް އިންޑަސްޓްރީގައި ހިމެނޭ ވަރުގަދަ ކުންފުނިތައް ހިމެނެ އެވެ. 

އިދިކޮޅު މައި ޕާޓީ، މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޗެއާޕާސަންގެ މަގާމު ވެސް ފުރުއްވި ފައްޔާޒު މިރޭ އެކްސްގައި ކުރެއްވި ޕޯސްޓެއްގައި ވިދާޅުވި ގޮތުގައި މި ސަރުކާރު އަންނަނީ ޓޫރިޒަމް ސިނާއަތުގައި އަމަލުކުރަން ޖެހޭ ސިޔާސަތުތަކުގެ ބޭނުންކޮށްގެން އެ ސިނާއަތަަށް ހަމަލާ ދެމުންނެވެ. އެ ހަމަލާތައް ދެމުން އަންނަނީ ސިޔާސަތުތަކަށް ގެންނަ ކުއްލި ބަދަލުތައް މެދުވެރިކޮށް  ކަމަށް އޭނާ ވިދާޅުވި އެވެ. 

"ކުއްލިއަކަށް އަދި އެއްވެސް އުސޫލެއް ނެތި ގެންނަ ބަދަލުތަކުގެ ސަބަބުން، އިންވެސްޓްކުރުމަށާއި މަންޒިލެއްގެ ގޮތުގައި ރާއްޖެ ވިއްކުމަށް އޮތް ޝައުގުވެރިކަން މިހާރުވެސް ވަނީ ގެއްލިފައި. އެހެން މަންޒިލްތަކުގެ ވާދަވެރިކަން ދުވަހުން ދުވަހަށް ވަރުގަދަވަމުންދާއިރު، ރާއްޖެއަކީ ފައިދާނުވާ އުފެއްދުމަކަށް ވެއްޖެނަމަ، އޮޕަރޭޓަރުން ރާއްޖެ ވިއްކުން ހުއްޓާލާނެ،" ފައްޔާޒު ލިޔުއްވި އެވެ. 

ސަރުކާރުން މިފަހުން ގެނައި ބަދަލުތަކަކީ ބައިނަލްއަގުވާމީ ވިޔަފާރީގެ ހަމަތަކާ އެއްގޮތަށް ގެނައި ބަދަލުތަކެއް ނޫން ކަމަށް ފައްޔާޒު ވިދާޅުވި އެވެ. އަދި އޭގެ ތެރެއިން ބައެއް ބަދަލުތަކަކީ ރާއްޖޭން ބައިވެރިވެފައިވާ ބައިނަލްއަގުވާމީ މުއާހަދާތަކުން މަނާވުމުގެ ފުރުސަތު އޮތް ބަދަލުތަކެއް ކަމަށް ވެސް އޭނާ ލިޔުއްވި އެވެ.

"ރައީސުލްޖުމްހޫރިއްޔާގެ އެންމެ އިޝާރާތަކުން، ރާއްޖޭގެ ފަތުރުވެރިކަން އިނދަޖެހެން މިވަނީ ފެށިފައި. އަހަރެމެންގެ ރަން ބިސް އަޅާ ކުކުޅު މަރާލުމުގެ ނޭދެވޭ އަސަރުތައް ހަމައެކަނި ސިނާއަތް ހަލާކުވުމަކުން ނުނިމޭނެ. އިގުތިސޯދީ ހަރަކާތްތަކަށް އަންނަ ހީނަރުކަމުގެ ސަބަބުން، އެންމެ ފަހުން އެތައް ހާސް ދިވެހި މަސައްކަތްތެރިންނާއި ވިޔަފާރިތައް ބަންގްރޫޓްވެ، ވަޒީފާގެ ފުރުސަތުތައް ގެއްލިގެންދާނެ،" ފައްޔާޒު ލިޔުއްވި އެވެ. 

އަވަސް އަރުވާލައިގެން ސިޔާސަތުތައް ތަންފީޒުނުކުރުމަށް ފައްޔާޒު ގޮވާލެއްވި އެވެ. އޭގެ އިތުރުން، މިކަމުގައި ކަންބޮޑުވުން ފާޅުކުރަމުންދާ ފަރާތްތަކުގެ އަޑުއަހައި ބަދަލުތަކެއް ގެނައުމަށް އޭނާ ގޮވާލެއްވި އެވެ. 

"މިއީ އަހަރެމެންގެ ވެރިކަން ކުރާ ނިޒާމާމެދު އަލުން މުޅިން އަލުން ވިސްނަންޖެހޭ ސަބަބަު. ގައުމު ހަލާކުކޮށްލުމުގެ ބާރު އެކަކަށް އެކަނި ލިބިގެން ނުވާނެ،" ގާނޫނުއަސާސީއަށް ގިނަ ބަދަލުތަކެއް ގެނައުމަށް ވަކާލާތު ކުރައްވަމުން ގެންދަވާ ފައްޔާޒު ވިދާޅުވި އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox