ޗެމްޕިއަން އިންޓަ އިން ފަހަތުން އަރައި ރޯމާއާ އެއްވަރުކޮށްފި

Sep 20, 2026, 12:00 AM
ރޯމާގެ ކޯނޭ އަތުން އިންޓަގެ މާޓިނޭޒް ބޯޅަ ހޯދަން މަސައްކަތް ކުރަނީ: މި މެޗުގައި މި ދެ ޓީމުގެ ލަނޑުތައް ޖަހައިދިނީ މި ދެ ކުޅުންތެރިން.--- ފޮޓޯ: ގެޓީ އިމޭޖަސް

ރޯމާގެ ކޯނޭ އަތުން އިންޓަގެ މާޓިނޭޒް ބޯޅަ ހޯދަން މަސައްކަތް ކުރަނީ: މި މެޗުގައި މި ދެ ޓީމުގެ ލަނޑުތައް ޖަހައިދިނީ މި ދެ ކުޅުންތެރިން.--- ފޮޓޯ: ގެޓީ އިމޭޖަސް

ރޯމް، އިޓަލީ (ސެޕްޓެމްބަރު 19) - އިޓާލިއަން ލީގުގައި މިރޭ އޭއެސް ރޯމާ އިން ދެ ގޯލުގެ ލީޑެއް ނަގާފައިވަނިކޮށް، އެންމެ ފަހުގެ ޗެމްޕިއަން އިންޓަ މިލާނުން 2-2 އިން އެއްވަރުކޮށްފި އެވެ. 

މި ނަތީޖާއާ އެކު، އެއް ވަނައިގައި އޮތް ރޯމާ އާއި ދެ ވަނައިގައި އޮތް އިންޓަ އަށް ފަސް މެޗުން ވަނީ 13 ޕޮއިންޓް ލިބިފަ އެވެ. ރޯމާ ކުރީގައި އޮތީ ލަނޑުގެ ތަފާތުންނެވެ. ރޯމާ އަށް ފައިދާ 11 ގޯލު އޮތްއިރު، އިންޓަގެ އޮތީ ހަތް ގޯލެވެ. 

ރޯމްގެ އޮލިމްޕިކް ސްޓޭޑިއަމްގައި މިރޭ ކުޅުނު މެޗުގައި، ޖިއަން ޕިއޭރޯ ގަސްޕެރީނީ ކޯޗުކޮށްދޭ ރޯމާ އިން ވަނީ ހަ ވަނަ މިނިޓްގައި ލީޑުނަގައިފަ އެވެ. މިއީ، އާޖެންޓީނާ ފުލްބެކް، ނަހުއެލް މޮލީނާ ދިން ބޯޅައަކުން ފްރާންސްގެ މިޑްފީލްޑަރު މަނޫ ކޯނޭ ޖެހި ގޯލެކެވެ. މި ފަހަރުގެ ޓްރާންސްފާ މާކެޓްގައި އިނގިރޭސި ކްލަބަކަށް ބަދަލުވާނެ ކަމަށް ބެލެވުނު ކޯނޭ ވަނީ ލިބުނު ފުރުސަތުގައި ހަަމަޖެހިލައިފައި ގޯލަށް ބޯޅަ ވައްދާލައިފަ އެވެ. 

އިންޓަ އަށް އެއްވަރުކޮށްދޭން އަލެސަންދްރޯ ބަސްޓޯނީ ފޮނުވާލި ހަމަލާއެއް ގޯލުގެ ދަނޑިއަށް އަމާޒުވި އެވެ. 

ފުރަތަމަ ހާފު ނިންމުމުގެ ކުރިން މެޗުގެ 37 ވަނަ މިނިޓްގައި ރޯމާ އިން ދެ ވަނަ ލަނޑެއް ޖެހި އެވެ. މި ލަނޑު ވެސް ޖެހީ މޮޅު ކުޅުމެއް މި މެޗުގައި ދެއްކި ކޯނޭ އެވެ. މި ލަނޑު ޖަހަން، އޭރިއާތެރެއިން ކޯނޭ އަށް ފުރުސަތު ހޯދައިދިނީ، ޖިއަންލޫކާ މަންޗިނީ އެވެ. ކޯނޭ އަކީ، އިޓާލިއަން ލީގުގެ ތާރީހުގައި އެއް ހާފުގެ ތެރޭގައި އިންޓަ ކޮޅަށް ދެ ގޯލު ޖެހި ފަސް ވަނަ ކުޅުންތެރިޔާ އެވެ. 

ދެ ވަނަ ހާފުގެ ކުޅުން ފެށިގެން 30 ސިކުންތު ތެރޭގައި އިންޓަ އަށް ލަނޑު ޖަހައިދީ މެޗުގެ ތެރެއަށް ގެނެސްދިނީ، އިންޓަގެ ކެޕްޓަން، ލައުޓާރޯ މާޓިނޭޒް އެވެ. އަދި، މެޗުގެ 79 ވަނަ މިނިޓްގައި އިންޓަ އަށް ނަތީޖާ ހަމަހަމަކޮށްދިން ލަނޑު ޖެހީ ވެސް މާޓިނޭޒް އެވެ. މި ސީޒަންގެ ފުރަތަަމަ މެޗުތަކުގައި ރަނގަޅު ކުޅުމެއް ނުދެއްކުނު ކަމުގައި ވިޔަސް، ފަހަކަށް އައިސް މާޓިނޭޒް ވަނީ މޮޅު ކުޅުމެއް ދައްކަން ފަށައިފަ އެވެ. މާޓިނޭޒް ވަނީ މި ސީޒަނުގައި މިހާތަނަށް އިންޓަ އަށް ހަތަރު ލަނޑު ޖަހައިދީފަ އެވެ. 

މި މެޗުގައި ރޯމާ އަށް ތިން ވަނަ ލަނޑެއް ޖަހައިދޭން ޑޮންޔެލް. މާލެން ފޮނުވާލި ނުރައްކާތެރި ހަމަލާއެއް އިންޓަގެ ގޯލްކީޕަރު، ޖޯސެފް މާޓިނޭޒް ވަނީ މަތަކޮށްފަ އެވެ. އިިންޓަގެ މާކަސް ތުރާމް އަށް މި މެޗުގައި ގޯލު ޖަހަން ލިބުނު ބޯޅަތަކުގެ ބޭނުމެއް ނުކުރެވުނެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox