މިލާނުން ފަހަތުން އަރައި ލާޒިއޯއާ އެއްވަރުކޮށް ޕޮއިންޓެއް ހޯދައިފި

Sep 13, 2026, 9:52 AM
މިލާންގެ މޮރެއިރާ، ލާޒިއޯގެ ގޯލަށް ބޯޅަ ފޮނުވާލަނީ.

މިލާންގެ މޮރެއިރާ، ލާޒިއޯގެ ގޯލަށް ބޯޅަ ފޮނުވާލަނީ.

ރޯމް (ސެޕްޓެމްބަރު 13) - އިޓާލިއަން ލީގުގައި ރޭ އޭސީ މިލާނުން ފަހަތުން އަރައި 2-2 އިން އެއްވަރުކޮށް ލާޒިއޯ އަތުން ޕޮއިންޓެއް ހޯދައިފި އެވެ. 

ޖެނާރޯ ގަޓޫސޯގެ ކޯޗުކަމުގައި މި ސީޒަނުގައި ވާދަކުރަމުން އަންނަ ލާޒިއޯ އިން ވަނީ ލީގުގައި ކުޅުނު ފުރަތަމަ ތިން މެޗުން މޮޅުވެފަ އެވެ. އެ ފޯމުގައި ކުޅެ ރޭގެ މެޗުގައި ފުރަތަމަ ދެ ގޯލުގެ ލީޑެއް ވެސް ނެގި އެވެ. އެކަމަކު، ރުބެން އަމޮރިމްގެ ކޯޗުކަމުގައި ކުރިއެރުންތަކެއް ހޯދަމުން އަންނަ މިލާނުން ވަނީ ނަތީޖާ ހަމަހަމަކޮށް ޕޮއިންޓެއް ހޯދައިފަ އެވެ. 

ރޯމްގެ އޮލިމްޕިކް ސްޓޭޑިއަމްގައި ރޭ ކުޅުނު މެޗުގައި، މިލާނުން ރަނގަޅު ކުޅުމަކުން ފަށައި، ހަމަލާއެއް ފޮނުވާލި އެވެ. އެ ގޮތުން، ލޫކަ މޮޑްރިޗް ނެގި ހުރަހަކުން ސެމުއެލް ޗުކުވޭޒީ ބޮލުން ޖެހި ބޯޅަ ލާޒިއޯ ކީޕަރު، ކްރިސްޓޯސް މަންޑާސް ވަނީ މަތަކޮށްފަ އެވެ. 

ލާޒިއޯ އިން ލީޑުނެގީ 10 ވަނަ މިނިޓްގަ އެވެ. މިއީ، މަޓިއާ ޒަކާނިއޭ ނެގި ހުރަހަކަށް އަރައި، މަޓެއޯ ކަންސެލިއޭރީ ޖެހި ގޯލެކެވެ. އޭގެ 10 މިނިޓް ފަހުން، ޒަކާނިއޭ އޭރިއާތެރެއިން ޖެހި ބޯޅައެއް މިލާންގެ ކީޕަރު، މައިކް މައިނިއޯން ވަނީ މަތަކޮށްފަ އެވެ. ފުރަތަަމަ ހާފުގައި ލާޒިއޯ އިން ވަނީ ދެ ވަނަ ލަނޑެއް ޖަހައިފަ އެވެ. އޭރިއާތެެރެއިން ލިބުނު ރީބައުންސް ފުރުސަތެއްގައި ލާޒިއޯގެ ފޯވާޑް، ޓިޖާނީ ނޮސްލިން ވަނީ ބޮލުން ގޯލަށް ބޯޅަ ފޮނުވާލައިފަ އެވެ. 

ދެ ވަނަ ހާފުގައި ކުޅުން ރަނގަޅުކުރި މިލާނުން 60 ވަނަ މިނިޓްގައި ކްރިސްޓިއަން ޕުލިސިޗް ޖެހި ޝޮޓެއް ކީޕަރު މަންޑާސް ވަނީ މަތަކޮށްފަ އެވެ. އޭގެ ހަަތަރު މިނިޓް ފަހުން، މެޗުގެ 64 ވަނަ މިނިޓްގައި ޕުލިސިޗް ނެގި ހުރަހަކުން އެއް ފަހަރުން ގޯލަށް ބޯޅަ ފޮނުވާލައިގެން، ޑިއޭގޯ މޮރޭރާ ވަނީ މިލާނަށް ފުރަތަމަ ލަނޑު ޖަހައިދީފަ އެވެ. އެ ލަނޑު ޖެހުމަށް ފަހު، މާ ލަސްތަކެއް ނުވެ، މޮރޭރާ ވަނީ އިތުރު ލަނޑެއް ޖަހައި މިލާނަށް އެއްވަރުކޮށްދީފަ އެވެ. އޭޑްރިއަން ރަބިއޯ ދިން ބޯޅައަކުން އޭރިއާ ރޮނގުމަތިން ކަހަލަ ގޮތަކަށް މޮރޭރާ ފޮނުވާލި ޝޮޓް އަމާޒުވީ ތިރީ ކަނަށެވެ. 

ހަތަރު މެޗުން 10 ޕޮއިންޓާ އެކު، ލާޒިއޯ އެއް ވަނައިގައި އޮތްއިރު، ހަތަރު މެޗުން އަށް ޕޮއިންޓް ހޯދައިގެން މިލާން އޮތީ ފަސް ވަނައިގަ އެވެ. 

މެޗަށް ފަހު މިލާންގެ ކޯޗު އަމޮރިމް ބުނީ، ފުރަތަމަ ހާފުގައި ދަށްކޮށް ދިޔަ ނަމަވެސް ދެ ވަނަ ހާފުގައި ގިނަ ކަންކަން ރަނގަޅުކޮށް، ތަފާތު ފޯމެއްގައި އޮތް ޓީމެއްގެ ދަނޑުގައި ކުރެވުނު މަސައްކަތާ މެދު ހިތްހަމަޖެހޭ ކަމަށެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox