އާ ސީޒަނުގެ ތިން މެޗަށް ފަހު ފިއޮރެންޓިނާގެ ކޯޗުކަމުން ގްރޮސޯ ވަކިކޮށްފި

Sep 7, 2026, 1:31 PM
އިޓަލީގެ ފަބިއޯ ގްރޮސޯ: އޭނާ ވަނީ ފިއޮރެންޓީނާގެ ކޯޗުކަމުން ވަކިކޮށްފައި

އިޓަލީގެ ފަބިއޯ ގްރޮސޯ: އޭނާ ވަނީ ފިއޮރެންޓީނާގެ ކޯޗުކަމުން ވަކިކޮށްފައި

ފްލޮރެންސް، އިޓަލީ (ސެޕްޓެމްބަރު 7) -  އިޓާލިއަން ލީގުގެ އާ ސީޒަނުގެ ފުރަތަމަ ތިން މެޗުން ފިއޮރެންޓީނާ ބަލިވުމާ އެކު، އެ ޓީމުގެ ކޯޗަކަށް ހުރި އިޓަލީގެ ފަބިއޯ ގްރޮސޯ ވަކިކޮށްފި އެވެ. 

އިޓަލީން 2006 ވަނަ އަހަރުގެ ފީފާ ވޯލްޑް ކަޕްގެ ޗެމްޕިއަންކަން ހޯދި ޓީމުގައި ހިމެނުނު، ގްރޮސޯ އަކީ ޔޫރަޕްގެ ވަރުގަދަ ފަސް ލީގަށް ބަލާއިރު، މި ސީޒަނުގައި ވަޒީފާ ގެއްލުނު ފުރަތަަމަ ކޯޗެވެ. 

އުމުރުން 48 އަހަރުގެ ގްރޮސޯގެ ކޯޗުކަމުގައި މި ސީޒަނުގައި ފިއޮރެންޓިނާ ކުޅުނު ފުރަތަމަ މެޗުން 4-0 އިން ރޯމާ އަތުން ބަލިވިއިރު، ދެ ވަނަ މެޗުން ފްރޮސިނޯނޭ އަތުން ބަލިވީ 3-0 އިންނެވެ. އަދި، އެންމެ ފަހުން ކުޅުނު މެޗުގައި ޓޮރިނޯ އަތުން ފިއޮރެންޓީނާ ބަލިވީ 2-1 އިންނެވެ. 

މި ދަށް ނަތީޖާތަކާ އެކު، ފިއޮރެންޓީނާގެ ސީނިއާ މެނޭޖްމަންޓުން ބޭއްވި ބައްދަލުވުމުގައި ނިންމީ ދެ އަހަރުގެ ކޮންޓްރެކްޓެއްގައި ގެނައި ގްރޮސޯ ތިން މަސް ދުވަސް ފަހުން މި ވަނީ ވަކިކޮށްފަ އެވެ. ގްރޮސޯ، ކޮންޓްރެކްޓްގައި ސޮއިކުރީ މިދިޔަ ޖޫން މަހު އަށް ވަނަ ދުވަހު އެވެ. 

ޔުވެންޓަސްގެ ކޮންޓްރެކްޓް 2012 ވަނަ އަހަރު ހަމަވުމުން، ފުޓްބޯޅަ އިން ރިޓަޔާކުރި، ގްރޮސޯ ކޯޗިން ކެރިއަރު ވެސް ފެށީ ޔުވެންޓަސް އިންނެވެ. އެ ގޮތުން، 2014 ވަނަ އަހަރު ޔުވެންޓަސްގެ 19 އަހަރުން ދަށުގެ ޓީމުގެ ކޯޗަކަށް ގްރޮސޯ ހަމަޖެއްސި އެވެ. އޭނާ ޔުވެންޓަސްގެ ޔޫތު ސެޓަޕްގެ ތެރެއިން ކޯޗިން ފެށުމަށް ފަހު، ފުރަތަމަ ހެޑް ކޯޗެއްގެ ގޮތުގައި ހަވާލުވީ 2017 ވަނަ އަހަރު އިޓަލީގެ ދެ ވަނަ ޑިވިޝަނުގައި އޮތް ބަރީއާ އެވެ. އަދި، އިޓަލީގެ ދެ ވަނަ ޑިވިޝަނުގައި ކުޅުނު ހެލަސް ވެރޯނާއާ ވެސް ހަވާލުވި، ގްރޮސޯ، އިޓަލީގެ ފުރަތަމަ ޑިވިޝަނުގެ ކޯޗަކަށް އިރުޝާދުދިނީ 2019 ވަނަ އަހަރު އެވެ. އެއީ، 2019 ވަނަ އަހަރު ބްރެޝިއާ އަށެވެ. 

އޭގެ ފަހުން، ސްވިޒަލެންޑްގެ ފުރަތަމަ ޑިވިޝަނުގެ ސިއޯން އަށް ވެސް އިރުޝާދުދިން ގްރޮސޯ ވަނީ އިޓަލީ ދެ ވަނަ ޑިވިޝަނުގައި ފްރޮސިނޯނޭ އަށް ވެސް ކޯޗުކޮށްދީފަ އެވެ. އެއް ސީޒަނުގައި ފްރާންސްގެ ލިޔޯނަށް ކޯޗުކޮށްދިން ގްރޮސޯ، މި ސީޒަނުގައި ފިއޮރެންޓީނާއާ ހަވާލުވުމުގެ ކުރިން، ވަނީ އިޓަލީގެ ފިއޮރެންޓިނާގެ ކޯޗުކަންކޮށްފަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox