ޕްލާސްޓިކް ހޮޅި މަނާކުރިތާ ފަސް އަހަރު ފަހުން އަލުން ހުއްދަކޮށްފި

ގިނަ އަދަދެއްގެ ޕްލާސްޓިކު ފުޅިތަކެއް މަގުމައްޗަށް އުކާލާފައި: ސިންގަލް ޔޫސް ޕްލާސްޓިކު ފަނާ ވާން ވަރަށް ގިނަ ދުވަސް ނަގާ --- ފޮޓޯ: އަބްދުالله އިޔާން/އަދަދު

ގިނަ އަދަދެއްގެ ޕްލާސްޓިކު ފުޅިތަކެއް މަގުމައްޗަށް އުކާލާފައި: ސިންގަލް ޔޫސް ޕްލާސްޓިކު ފަނާ ވާން ވަރަށް ގިނަ ދުވަސް ނަގާ --- ފޮޓޯ: އަބްދުالله އިޔާން/އަދަދު

އެއް ފަހަރު ބޭނުންކޮށްފައި އުކާލާ (ސިންގަލް ޔޫސް) ޕްލާސްޓިކުގެ ބާވަތްތައް ބޭނުންކުރުން ހުއްޓުވުމުގެ ގޮތުން 2022 ވަނަ އަހަރުން ފެށިގެން ރާއްޖެއަށް އެތެރެކުރުން މަނާކޮށްފައިވާ ޕްލާސްޓިކް ހޮޅި، 2031 ވަނަ އަހަރާ ހަމައަށް އެތެރެކުރެވޭ ގޮތަށް ބަދަލުކޮށްފި އެވެ. 

ގާނޫނުތައް އޮންނަ ގޮތުން ރާއްޖެއަށް އިމްޕޯޓުކުރުން މަނާ ސިންގަލް ޔޫސް ޕްލާސްޓިކުގެ ބާވަތްތަކުގެ ލިސްޓު ކަނޑައެޅުމުގެ ބާރު ލިބެނީ ރައީސުލްޖުމްހޫރިއްޔާއަށެވެ. އަދި، 2020 ވަަނަ އަހަރުން ފެށިގެން ކޮންމެ އަހަރެއްގައި އަންނަނީ އެތެރެކުރުން މަނާ ބާވަތްތައް ހިމެނޭ ލިސްޓު ނެރެމުންނެވެ. 

އެ ގޮތުން، ޕްލާސްޓިކް ހޮޅިއަކީ އެންމެ ފުރަތަމަ ނެރުނު ގަރާރުގެ ދަށުން ޖޫން 1، 2021 އިން ފެށިގެން އެތެރެކުރުން މަނާކޮށްފައިވާ ބާވަތެކެވެ. އަދި، ޖެހިގެން އައި އަހަރުގެ ޑިސެމްބަރު 19، އިން ފެށިގެން ޕްލާސްޓިކް ހޮޅި އުފެއްދުމާއި ބާޒާރަށް ނެރުން ވަނީ މަނާކޮށްފަ އެވެ.

ނަމަވެސް މިއަދު ސަރުކާރުން ނެރުނު ލިސްޓުގައި ވަނީ ޖޫން 1، 2031 ވަން ދެން ޕްލާސްޓިކް ހޮޅި އެތެރެކުރެވޭ ގޮތަށް ހަދާފަ އެވެ. މި ބާވަތުގެ ޕްލާސްޓިކް އުފެއްދުމާއި ބާޒާރަށް ނެރުން އަނެއްކާ ވެސް މަނާ ވަނީ ޑިސެމްބަރު 19، 2031 ގައި އެވެ. 

ޕްލާސްޓިކް ހޮޅި އެތެެރެކުރުމާއި، ބޭނުންކުރުން ކާމިޔާބުކަމާއެކީ ހުއްޓާލާފައި ވަނިކޮށް، ފަސް އަހަރުގެ މުއްދަތަކަށް އަލުން ހުއްދަ ދޭން ނިންމި ސަބަބެއް ނޭނގެ އެވެ. އަދި، މި ގޮތަށް ބަދަލުކުރަން އުޅޭ ކަމަށް ސަރުކާރުން ކުރިން ނުބުނެ އެވެ.

އެތެރެކުރުން ހުއްދަ ސިންގަލް ޔޫސް ޕްލާސްޓިކުގެ ބާވަތްތައް

ޕްލާސްޓިކުގެ ބާވަތްއެތެރެކުރުން މަނާކުރާ ތާރީހުއުފެއްދުން މަނާކުރާ ތާރީހުބާޒާރަށް ނެރުން މަނާކުރާ ތާރީހު
ޕްލާސްޓިކް ހޮޅިޖޫން 1، 2031ޑިސެންބަރު 19، 2031ޑިސެންބަރު 19، 2031
އެއް ލީޓަރާއި 500 މިލިލީޓަރާ ދެމެދުގެ ޕްލާސްޓިކް ފެން ފުޅިޑިސެންބަރު 1، 2029ޑިސެންބަރު 1، 2029ޖޫން 1، 2030

ސަރުކާރުން ވަނީ ކުރިން އަންނަ އަހަރުގެ ޑިސެމްބަރު 1، އިން ފެށިގެން އެތެރެކުރުމާއި އުފެއްދުން މަނާކުރަން އޮތް އެއް ލީޓަރާއި 500 މިލިލީޓަރާ ދެމެދުގެ ޕްލާސްޓިކުގައި ބަންދުކޮށްފައި ހުންނަ ފެން ފުޅި މަނާކުރާ ތާރީހު ޑިސެމްބަރު 1، 2019 އަށް ފަސްކޮށްފަ އެވެ. މި ސައިޒުގެ ފެން ފުޅި ބާޒާރަށް ނެރުން މަނާކުރާ ތާރީހަކީ ޖޫން 1، 2030 އެވެ. 

އޭގެ އިތުރުން ކުރިން 500 މިލިލީޓަރަށް ވުރެ ކުދި ފުޅީގައި ބަންދުކޮށްފައި ހުންނަ ތައްޔާރީ ބުއިންތައް (ފެން ފިޔަވައި) މަނާކޮށްފައި އޮއްވާ، މި ބައި ވެސް ބަދަލުކޮށް މަނާކުރާ ސައިޒަކީ 250 މިލިލީޓަރު ކަމަށް އާ ލިސްޓުގައި ވަނީ ކަނޑައަޅާފަ އެވެ.  މިއާއެކީ، 500 މިލިލީޓަރުގެ ޕްލާސްޓިކް ފުޅީގައި ބަންދުކޮށްފައި ހުންނަ ޖޫހާއި އެ ނޫން ވެސް ސިންގަލް ޔޫސް ޕްލާސްޓިކް އެތެރެކުރެވޭނެ މަގުފަހިވީ އެވެ. 

ރާއްޖޭގެ ވެއްޓަށް، ހާއްސަކޮށް ކަނޑުގެ ދިރުންތަކަށް ބޮޑު ގެއްލުމެއް ލިބޭ ޕްލާސްޓިކް މަނާކުަރަން ފެށި މަސައްކަތް އެންމެ ފުރަތަމަ ކަނޑައެޅި ތާރީހުތަކަށް ނިންމި ނަމަ، 12 ބާވަތެއްގެ ސިންގަލް ޔޫސް ޕްލާސްޓިކު ރާއްޖޭގައި އެއްވެސް ގޮތަކަށް ބޭނުންނުކުރާނެ އެވެ.  ނަމަވެސް އޭރު ރޭވި ގޮތަށް، އަދި އެކި ފަހަރު މަތިން ތާރީހުތައް ފަސްކުރުމާއެކީ، ކުރިން ޑިސެމްބަރު 2023 އަށް ނިމެން އޮތް ކަމެއް މި ވަނީ 2031 އަށް ފަސްވެފަ އެވެ. 

މި ސަރުކާރުން ވަނީ ޕްލާސްޓިކް ކޮތަޅުން ނަގާ ޓެކްސް ވެސް ކުޑަކޮށްފަ އެވެ. މިއީ ވެސް ޕްލާސްޓިކް ބޭނުންކުރުން ހުއްޓުވާ، ޕްލާސްޓިކް ނޫން ބާވަތްތަކަށް އިސްކަން ދޭން ބާރު އެޅުމުގެ ގޮތުން ކުރީ ސަރުކާރުގައި ތައާރަފުކުރި ޓެކުހެކެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox